ایمان کا کپبورڈ!

السلام علیکم!

میرے ایک دوست نے آج ایک واقعہ سنایا کہ انہوں نے صبح سحری کے بعد اپنی بیٹی سے مذاق میں پوچھا کہ تم نے روزہ رکھا ہے؟ تو وہ کہنے لگی کہ ہاں،تو وہ پوچھنے لگے کونسے کپبورڈ میں تو جواب ملا "ایمان کے کپبورڈ میں"۔

جب انہوں نے یہ واقعہ سنایا تو مجھے اس بچی کے جواب پر جہاں خوشی محسوس ہوئی وہیں ایک سوال بھی ذہن میں آیا کہ ہم اپنی قیمتی چیزوں کو کس قدر سنبھال کر الماریوں میں محفوظ کرتے ہیں مگر اپنے اعمال کا ذرا خیال نہیں رکھتے، برے اعمال تو ہیں ہی بُرے ان سے بچنا چاہیئے اگر سرزد ہو بھی جائیں تو توبہ کرنی چاہیئے مگر جو اچھے اعمال ہم نیکی سمجھ کر کرتے ہیں کیا ان کی کبھی حفاظت کی ہے کہ کسی دوسرے عمل سے وہ ضائع نہ ہو جائیں، ہمیں بھی ایک ایسے ٹھوس کپبورڈ کی ضرورت ہے جہاں پر ہم اپنے ایسے اعمال ڈال کر رکھ سکیں تا کہ وہ بلاوجہ خودنمائی کا سبب بن کر ضائع نہ جائیں اور اللہ سے دعا کرتے رہنا چاہیئے کو ہمیں اتنی توفیق دے کہ یہ کپبورڈ بھرا جا سکے اور اس میں رکھے اعمال کو کسی چور ڈاکو لٹیرے کی نظر نہ پڑے-

 

وعليكم السلام ورحمت اللہ وبركاتہ
ايمان افروز ! جھنجھوڑ دیا ۔جزاكم اللہ خيرا ۔

يعنى اس المارى كو شرك، رياكارى، تكبر سے پاك ہونا چاہیے ورنہ بيلنس مائنس ہو جائے گا۔ اور كون كون سے اعمال ہیں جو نيك اعمال كو غارت كرتے ہیں؟

 

اگر شرک شامل ہو تو پھر تو اعمال نہیں بلکہ خالی ڈبے ہی ہوں گے، البتہ اعمال رکھ کر اگر ان پر تکبر یا ریاکاری غالب آجائے تو انہیں کائی لگ جائے گی اور وہ پریزینٹ ایبل نہیں رہیں گے۔

 

اس پر مجھے ہمارے شیخ محترم عبدالاحد بن عبدالقدوس کی مثال یاد آئی ۔ دوسال پہلے گرمیوں کی چھٹیوں میں سمر کورس میں ایک بچے کو شرک کی بربادی سمجھارہے تھے جب یہ بات سامنے آئی کہ شرک کی وجہ سے سارے اعمال غارت ہوجاتے ہیں تو وہ بچہ حیران ہوا کہ یہ کسطرح کہ شرک سب اعمال کو تباہ کردیتا ہے۔ شیخ صاحب نے مثال دی کہ اگر گلاس میں پانی ہو اور اس میں پیشاب کا صرف ایک قطرہ ڈال دیا جائے تو پانی صاف رہے گا اس بچے نے کہا نہیں۔ شیخ صاحب نےسمجھایا کہ اسی طرح شرک بھی اعمال کو ناپاک کردیتا ہے۔

 

جزاک اللہ خیرا!

بہت عمدہ طریقے سے شیخ محترم نے شرک کی تباہ کاری واضح کی، اللہ ہمیں شرک کو سمجھنے اور شرکیہ اعمال سے دور رہنے کی توفیق عطا فرمائے! کیونکہ شرک کو تمام مسلمان ہی تباہ کن سمجھتے ہیں مگر شرک کیا ہے اور کون کونسے اعمال شرکیہ ہیں اس کو سمجھنے والے کم ہی لوگ ہوں گے۔

 

وعلیکم السلام ورحمۃ اللہ وبرکاتہ
جزاک اللہ‌خیرا رفی بھائی۔
زبردست انداز سے آپ نے یاددہانی کروائی۔

بالکل۔۔ اور یہاں شرک کی بات ہوئی۔۔۔ اللہ ہر مسلمان کو اس ظلم عظیم سے بچائے۔ میں تو یہ کہتا ہوں کہ اللہ اگر انسان کو صحیح عقیدہ توحید کی سمجھ دے دے تو انسان پھر بھی دوسرے گناہوں مثلا جھوٹ، فرائض چاہے وہ دینی ہوں یا دنیاوی ان میں کوتاہی، دوسروں سے بے جا نفرت، بے جا تنقید، اخوت بھائی چارے کا فقدان۔۔۔ ان کی طرف بہت کم توجہ دیتا ہے۔۔۔۔

 

جزاک اللہ

 

وعليكم السلام ورحمۃ اللہ وبركاتہ

جزاك اللہ خيرا

 

وعلیکم السلام ورحمۃ اللہ وبرکاتہ
جزاک اللہ‌خیرا رفی بھائی

بہت عرصے بعد ہی صحیح مگر زبردست شیئرنگ کی آپ نے۔ بس اللہ تعالی سے دُعا ہے کہ وہ ہمیں‌ ہر بُرائی سے دور رکھے آمین۔

 

جزاك الله خيرا ۔

 

جزاک اللہ خیرا بہت پیاری بات ہے ۔