بحیرہ عرب سے گزرنے والی کیبل کی خرابی کی وجہ سے پاکستان سمیت کئی ممالک میں انٹرنیٹ سروس متاثر

کل سے مجھے اپنا کام کرنے میں مشکل ہو رہی تھی، پی ٹی سی ایل نیٹ سروس کی کمپلین کروائی، انتیجتا کئی آٹومیٹک کالیں بھگتیں جس میں ایک خاتون کا سریلا پیغام چلتا ہے کہ "ہماری اطلاع کے مطابق آپ کی شکایت دور کر دی گئی ہے"۔ رمضان کے مبارک مہینے میں کمپنی کا سفید جھوٹ سننااس وقت اور مشکل لگتا ہے جب خرابی چند گھنٹوں کی بجائے ورکنگ ڈیز پر محیط ہو جائے۔ اس بیان پر مزید تاؤ آیا جب پتہ چلا کہ بحیرہ عرب سے گزرنے والی کیبل کی خرابی کی وجہ سے پاکستان سمیت علاقے کے کئی ممالک میں انٹرنیٹ سروس متاثر ہے۔ (خبر کا ربط: http://www.thenews.com.pk/article-1...e-cable-impacts-internet-services-in-Pakistan http://www.express.pk/story/370010/) یعنی کہ کمپنی کے پاس ایسی صورت حال کے لیے کوئی ریکارڈڈ بیان نہیں تھا اس لیے پرانے پیغام سے ہی کام چلا دیا۔ اتنی بڑی کمپنی کی ایسی حرکت پر سوائے افسوس کے کیا کیا جا سکتا ہے۔
اس خبر سے ایک حد تک سکون کا سانس لیا کہ کولیگز کی طرف سے مجھے نیٹ سروس بدلنے کے مشورے نہیں ملیں گے۔ دوسرا مثبت پہلو یہ ہے کہ پڑوسیوں کا نیٹ بھی خراب ہے۔ آن لائن دنیا میں پاکستانیوں کو جو باتیں سننا پڑتی ہیں اللہ کی پناہ۔ آخری بات یہ کہ آج ویسے ہفتے کا ہی لاسٹ ورکنگ ڈے ہے۔ ٹھیک ہو یا نہ ہو آگے دو دن چھٹی ہے جس کے بعد سوموار کو ہی بیرونی دنیا سے رابطہ بحال ہو سکے گا۔ اس سے پہلے کہ انٹرنیٹ سروس ایک اور ہچکی لے یہ موضوع پوسٹ کر دینا چاہیے۔

 

موبائل فون پر بھی شاید اسی وجہ نیٹ نہیں چل رہا..دو چار منٹس چلتا ہے پھر نیٹ ورک نہ ہونے کی شکایت آ جاتی ہے

 

یہ بھی خوب رہی ۔ کیا کہنے ان کی اطلاع کے۔ کتنا با خبر ہے یہ محکمہ کہ اسے شکایت کی بنیاد کی خبر ہی نہیں ہے۔ اور بے خبری میں آپ کی شکایت بھی دور کردی گئ۔

 

تازہ ترین خبر کے مطابق یہ خرابی کافی حد تک ٹھیک کر دی گئ ہے :-
لنک

 

شیئرنگ کیلئے شکریہ

 

اوہ 15 ، بیس دن یہ تو بہت لمبا عرصہ ہے۔ اللہ خیر کرے۔

 

یہ 15 ،20 دن بھی اگر 15 ،20 دن ہی رہیں تو بھی غنیمت جانیں ۔

 

کچھ بہتر ہوئی ہے اب۔