میرا پسندیدہ شعر ۔۔

قید میں اتنا زمانہ ہو گیا
اب قفس بھی آشیانہ ہو گیا

حفیظ جونپوری

 

ہم نشیں حاصل اسیری میں بھی آرام ہے۔
خانہ صیاد ہے کنج قفس ہے دام ہے۔

اشک بنارسی

 

میرے اوپر سے گذر گیا!!!

 

۔ شکاری کا جال بھی (دام) جیل خانہ بھی (خانہ صیاد) بھی اور وہ بند کرنے والی چابی (کنج قفس) بھی موجود ہے۔ آرام سے قفس میں بیٹھے ہیں

 

دام کی ہی سمجھ نہیں آ رہی تھی میں تو فلوس سمجھ رہا تھا ، وضاحت کا شکریہ

 

تم میرے لیے اب کوئی الزام نہ ڈھونڈو
چاہا تھا تمہیں اک یہی الزام بہت ہے

ساحر لدھیانوی

 

آپ ہی اپنی اداؤں پہ ذرا غور کریں
’ہم اگر عرض کریں گے تو شکایت ہوگی‘

 

دوسروں کا درد اخترؔ میرے دل کا درد ہے
مبتلائے غم ہے دنیا اور میں غم خوار ہوں

اختر انصاری

 

اسی سے ملتا جلتا ایک مشہور شعر امیر مینائ نے بھی کہا ہے۔

خنجر چلے کسی پہ تڑپتے ہیں ہم امیر
سارے جہاں کا درد ہمارے جگر میں ہے

 

پہلو میں میرے دل کو نہ، اے درد! کر تلاش
مدت ہوئی تباہی کا مارا سفر میں ہے

امیر مینائ

 

ہر دم جو خونِ تازہ مری چشمِ تر میں ہے
ناسور دل میں ہے کہ الٰہی جگر میں ہے

امیر مینائ

 

اک جنونِ بے معنی، اک یقینِ لاحاصل!
اور کیا ملا ہم کو تیری آرزو کرکے

نامعلوم

 

قناعتوں کی جگہ لی نمائشِ زَر نے
دلوں کو پھیلی ہوئی خواہشوں نے بدلا ہے
نامعلوم

 

جس طرح لوگ خسارے میں بہت سوچتے ہیں
آج کل ہم ترے بارے میں بہت سوچتے ہیں

اقبال کوثر

 

ساری رسوائی زمانے کی گوارا کر کے
زندگی جیتے ہیں کچھ لوگ خسارہ کر کے

ہاشم رضا جلالپوری

 

جادہ جادہ چھوڑ جاؤ اپنی یادوں کے نقوش
آنے والے کارواں کے رہنما بن کر چلو

نا معلوم

 

میں اکیلا ہی چلا تھا جانب منزل مگر
لوگ ساتھ آتے گئے اور کارواں بنتا گیا

مجروح سلطانپوری

 

اور ذکر کیا کیجیے اپنے دل کی حالت کا
کچھ بگڑتی رہتی ہے، کچھ سنبھلتی رہتی ہے

نامعلوم