تربیت ایک فن

اگر میں اپنے بچے میں کوئی بھی اچھی عادت پختہ کرنا چاہتی ہوں تو اسے سمجھاوں گی جیسے ’’ بیٹا سچ بولنے والے ہی کامیاب ہوتے ہیں ، کبھی جھوٹ نہ بولنا ، سچ بولو گے تو ہمیشہ احترام پاو گے ‘‘
اب اتنا سمجھانے کے باوجود بھی اگر بچہ جھوٹ بولے تو مجھے غصہ نہیں کرنا چاہیے ، اگر میں غصہ میں آگئی اس کا مطلب ہے مجھے تربیت کرنے کا فن نہیں آتا ، !!
جس انسان کو تربیت کا فن آتا ہے وہ بچے کے پہلی بار جھوٹ بولنے پر غصہ نہیں ہوتا ، نہ ہی دوسری بار پر نہ ہی تیسری بار پر نہ ہی دسویں بار پر
جسے فن آتا ہے وہ پوری تفصیل میں جا کر برے سلوک کی وجہ سمجھنے کی کوشش کرتا ہے اور صبر کے ساتھ ہمیشہ بہتر کرنے کی کوشش کرتا ہے ۔ تربیت میں صبر سب سے اہم چیز ہے ، صبر کے بغیر تربیت ایسے ہے جیسے وضو کے بغیر نماز !!

 

بہترین طرف توجہ دی گئی ہے..
ہمارے ہاں مسئلہ یہ یے کہ ہم لوگ ری ایکشن کو دیکھتے ہیں کبھی ایکشن کی طرف توجہ نہیں جاتی..
مثال کے طور پر بچے بری عادت سیکھ رہے ہیں یہ ری ایکشن ہے اس بے توجگی کا جو ہم سے ہو رہی ہے،لیکن ہم اس کو نہیں دیکھتے بلکہ اس کے ری ایکشن پر سر پکڑتے ہیں..

 

ماں اپنی اولاد کی پہلی درسگاہ ہوتی ہے لہذا ماں کو چاہئے کہ مثبت انداز سے اپنی اولاد کی تربیت کرے ۔
بسا اوقات دیکھنے میں آتا ہے کہ ماں خود اپنی اولاد کو غلطی کی راہ دکھلاتی ہے جیسے وہ خود نمازوں کا اہتمام نہیں کرتی اور نہ ہی اپنی اولاد کو اس پر توجہ دلاتی ہے اور بعض مائیں ایسی ہوتی ہیں جو اپنے بچوں کی غلطیوں کو دیکھ کر یہ کہہ کر خاموش رہتے ہیں کہ یہ تو چھوٹے بچے ہیں اور بعض مائیں ایسی ہوتی ہیں کہ خود تو عمل نہیں کرتیں البتہ اپنی اولاد کو عمل کرنے پر مجبور کرتی ہیں لم تقولون مالا تفعلون کے مصداق اگر خود عمل نہ کریں تو وہ اپنی اولاد کی تربیت کیسے کر پائیں گی
ضرورت اس بات کی ہے کہ والدین پہلے خود عمل کریں اس کے بعد اپنی اولاد کی تربیت صحیح طور پر کرے

 

یہ نکتہ بہت اہم ہے کہ بچوں کی تربیت میں اسے نصیحت کرکے سمجھانے سے زیادہ ضروری اپنے عمل سے صحیح راہ دکھانی ہے۔بچہ دیکھ کر بہت جلدی سیکھتا ہے ایسے میں جب والد خود نماز نہیں پڑے گا تو وہ اپنے بچے سے کیسے نماز کی پابندی کرواسکے گا؟ اسی طرح اکثر جب والد باہر آئے کسی مہمان سے ملنا نہیں چاہتے تو اپنے بچے کے ذریعے جواب بھجوادیتے ہیں کہ ’’بیٹا جاکر انکل سے کہو میں گھر نہیں ہوں‘‘ اس طرح کے ماحول میں بچہ کیا تربیت حاصل کرے گا؟
اس لیے سب سے پہلے اپنے آپ کو صاف گوئی اور عمل کے اس معیار تک پہنچانا ہوگا جسے بچہ خود بخود آئیڈیلائز کرے اور معاشرے کی مثبت سرگرمیوں کا حصہ بن سکے۔