اقوال ابن قیم رحمہ اللہ

ابو عکاشہ بھائی اللہ آپ کو جزائے خیر عطاء فرمائے
آپ نے بہت ہی بہترین کام شروع کیا ہے کہنے والوں نے یہاں تک کہا کہ اگر کسی بھی شخص کو عقائد یا کسی بھی فن کا مطالعہ کرنا ہو تو صرف اور صرف امام ابن تیمیہ اور امام ابن قیم ؒ کی کتابوں کا مطالعہ ہی کافی ہے

 

اچھا سلسلہ ہے۔

 

وكان من دعاء بعض السَّلف: (اللهمَّ أعِزَّني بطاعتك، ولا تذلَّني بمعصيتك)
(الداء والدواء 94)

بعض سلف صالحین یہ دعا مانگا کرتے تھے :
اے اللہ مجھے اپنی اطاعت کے ذریعے باعزت بنانا
ناکہ تیری نافرمانی کر کے میں ذلیل و رسوا ہوجاؤں

 

قال ابن القيم رحمه الله :

اللہ مالک الملک کی عظمت اور جلالت اور اُس کی حرمات کی تعظیم جب بندے کے دل میں گھر کر جائے تو یہ اُس کے اور گناہوں کے درمیان آڑ بن جاتی ہے
اور جو لوگ گناہوں پر ڈٹے رہنے کی ہمت کرتے ہیں
انہوں اللہ تعالی کی قدر اس طرح نہیں کی جیسے کرنے کا حق تھا ۔

إن عظمة الله تعالى وجلاله في قلب العبد وتعظيم حرماته يحول بينه و بين الذنوب. والمتجرئون على معاصيه ما قدروه حق قدره -

الجواب الكافي_ ص46

 

قال الله ﷻ : ( ولتكن منكم أمة يدعون إلى الخير )
اللہ سبحانہ وتعالٰی کا فرمان : تم میں سے ایک جماعت ایسی ہونی چاہئے جو بھلائی کی طرف بلائے

الإمام ابن القيم رحمه الله لکھتے ہیں :
( الداعون إلى الخير : هم الداعون إلى كتاب الله ، وسنة رسوله ؛ لا الداعون إلى رأي فلان وفلان ) .
نیکی اور بھلائی کیطرف بلانے والے وہ لوگ ہیں جو اللہ تعالٰی کی کتاب اور اُس کے رسول ﷺ کی سنت کی طرف دعوت دیتے ہیں
لوگوں کی آراء اور اقوال کی طرف بلانے والے بھلائی کی دعوت دینے والے نہیں ہیں ۔
أعلام الموقعين : (٢٢٩/٢)

 

إبنُ القَيِّم رَحمَهُ اللّٰہ کہتے ہیں -:
« والنَظرَةُ تَفعَلُ فِي القَلبِ مَا يَفعَلُ
السهَمُ فِي الرَّمِيَة، فَإن لَم
تَقتُله جَرحَته ».
{ نظر کی آوارگی دل کے ساتھ وہی معاملہ کرتی ہے جو کمان سے نکلا ہوا تیر کرتا ہے ، یہ دل کو مردہ نہ بھی کرے تو گھائل ضرور کر دیتی ہے ۔ }
[ رَوضَةُ المُحبِين || صـ ٩٧ ].

 

ارکان شکر
​

« شُكر العبد يدور على ثلاثة أركان، لا يكون شاكرًا إلا بمجموعها:
بندے کا شکر تین ارکان کے گرد گھومتا ہے ، ان تینوں پر عمل کر کے ہی کوئی شاکر بن سکتا ہے

أحدها: اعترافه بنعمة الله عليه
1 ۔ اپنے آپ پر اللہ تعالی کی نعمتوں کا اعتراف

الثاني: الثناء عليه بها
2 ۔ اِس پر اُس کی تعریف کی جائے

الثالث: الاستعانة بها على مرضاته ».
3 ۔ ان نعمتوں کی مدد سے اس کی رضامندی تلاش کی جائے

- ابن القيم رحمه الله -
[ عدة الصابرين || صـ ٤٧٩ ]

 

‏امام ابن القيم رحمه الله لکھتے ہیں :
اگر صدقہ دینے والے کو علم ہو جائے کہ اُس کا صدقہ فقیر کے ہاتھ میں پہنچنے سے پہلے اللہ تعالٰی کے ہاتھ میں پہنچ جاتا ہے
تو لینے والے سے زیادہ دینے والے کو لذت محسوس ہو ۔

لو علم المتصدق أن صدقته تقع في يد الله
قبل يد الفقير لكانت لذة المعطي أكثر من لذة الآخذ
مدارج السالكين 1/26

 

﴿ وَلَقَدْ يَسَّرْنَا الْقُرْآنَ لِلذِّكْرِ فَهَلْ مِن مُّدَّكِرٍ ﴾
اور بیشک ہم نے قرآن کو سمجھنے کے لیے آسان کر دیا ہے۔ پس کیا کوئی نصیحت حاصل کرنے والاہے؟ (17) سورة القمر

ابن القيم - رحمه الله کہتے ہیں -:

قرآن کریم کا سمجھنے کے لیے آسان ہونا کئی طرح سے آسان ہونا ہے
1 : اس کے الفاظ حفظ کے لیے آسان ہیں
2 : اس کے معانی فھم کے لحاظ سے آسان ہیں
3 : اس کے اوامر اور نواھی اطاعت اور عمل کے لیے آسان ہیں

«وتيسيره للذكر، يتضمن أنواعا من التيسير؛
إحداها: تيسير ألفاظه للحفظ؛
الثاني: تيسير معانيه للفهم؛
الثالث: تيسير أوامره ونواهيه للإمتثال»

[«الصواعق المرسلة»(١ / ٣٣٢)]

 

حافظ ابن القيم رحمه الله کہتے ہیں :

اور خُوشبو کی ایک خاصیت یہ بھی ہے کہ فرشتے اسے پسند کرتے ہیں اور شیاطین اس سے دور بھاگتے ہیں اور شیاطین کو متعفن اور بدبودار چیزیں پسند ہیں
پاکیزہ روحیں خوشبو کو پسند کرتی ہیں اور خبیث روحیں بدبو کو پسند کرتی ہیں
اور روح اُسی چیز کی طرف مائل ہوتی ہے جو اُسے اچھی لگتی ہے ۔

( وفي الطِّيب من الخاصيَّة أن الملائكة تحبّه والشياطين تنفر عنه .
وأحب شيء إلى الشياطين الرائحة المُنتنة الكريهة ، فالأرواح الطيّبة تحب الرائحة الطيّبة ، والأرواح الخبيثة تحب الرائحة الخبيثة ، وكل روح تميل إلى ما يناسبها ) .
المصدر/ الطب النبوي: ٢٢٠

 

‏سلف میں سے بعض کا کہنا ہے :
جب ابلیس اور اس کا لشکر جمع ہوتے ہیں تو تین چیزوں سے انہیں بہت خوشی ہوتی ہے :
کسی مومن کے ہاتھوں کوئی مومن قتل ہوجائے
اور کوئی آدمی کفر پر مر جائے
اور وہ دل جس میں فقر و فاقہ کا ڈر ہو

... إِذا اجتمع إبليس وجنوده لم يفرحوا بشيء
كفرحهم بثلاثة أَشياءَ :
مؤمن قتل مؤمناً
ورجل يموت على الكفر
وقلب فيه خوف الفقر ...

‎#طريق الهجرتين لابن القيم : ٣٣/١

 

قلب کی سلامتی :

قلب کی سلامتی ان چیزوں کے بغیر تکمیل کو نہیں پہنچتی ...

- شرک سے محفوظ ہو، یہ توحید الہی کے خلاف ہے۔

- سنت نبوی صلی اللہ علیہ وسلم کے خلاف جو بدعات ہیں ان سے محفوظ ہو۔

- امر الہی کے خلاف جو شہوات و خواہشات ہیں ان سے محفوظ ہو۔

- ایسی غفلت سے محفوظ ہو، جو ذکر الہی سے غافل اور بےخبر کر دے۔

- تجرید توحید، تجرید الہی کے خلاف جو خواہشات و شہوات ہوں ان سے محفوظ ہو۔

ان پانچ چیزوں کے علاوہ ایک اخلاص بھی ہے لیکن یہ ان پانچوں امور پر حاوی ہے ۔۔۔۔


[امام ابن القيم الجوزية رحمه الله - دوائے شافی : ٢٩٦]