کیا ان دونوں عبارتوں میں تعارض ہے ؟

السلام علیکم ورحمۃ اللہ وبرکاتہ
مولانا عبدالرحمن کیلانی رحمہ اللہ کی کتاب الشمس والقمر بحسبان زیر مطالعہ تھی۔ اس میں ان دو باتوں میں تضاد سا محسوس ہوا۔ سوچا علماء کرام سے پوچھ لوں۔ کہیں غلط ہی نہ پڑھتا رہوں۔
صفحہ نمبر 103 پر لکھا ہے کہ :” گویا مغرب کا وقت تنگ اور محدود ہے اور یہ وقت زیادہ سے زیادہ شفق کی سرخی غائب ہونے تک ہے۔“

صفحہ نمبر 105 پر لکھا ہے کہ: ” (مغرب) کا آخری وقت سورج غروب ہونے کے بعد سے صرف نصف گھنٹہ تک ہے “

اور : ”غروب شفق کا وقت غروب آفتاب سے تقریبا ڈیڑھ گھنٹہ بعد تک ہوتا ہے۔“

امید ہے آپ سمجھ گئے ہوں کہ مجھے کیا تعارض محسوس ہورہا ہے۔ کہ مغرب کی نماز کا آخری وقت غروب آفتاب سے نصف گھنٹہ تک ہے یا ڈیڑھ گھنٹہ تک۔؟؟؟

 

و علیکم السلام ورحمۃ اللہ وبرکاتہ

میرے ناقص خیال میں ۔۔۔۔
شفق کی سرخی
اور
شفق کا غروب
دو علیحدہ علیحدہ باتیں ہیں۔

شفق کی سرخی بمشکل تمام آفتاب کے غروب ہونے کے بعد آدھ گھنٹہ تک رہتی ہے۔
جبکہ شفق ، آفتاب کے غروب ہونے کے تقریباَ دیڑھ گھنٹہ بعد غروب ہوتا ہے۔ یعنی شفق اس وقت غروب ہوتا ہے جب آفتاب کو غروب ہو کر دیڑھ گھنٹہ بیت چکا ہو۔

واللہ اعلم

 

پھر یہ وضاحت کردیں کہ مغرب کی نماز کا وقت کب تک ہے؟؟

 

مغرب سے آدھ گھنٹہ بعد یا ڈیڑھ گھنٹہ بعد؟