جدید مزاحمتی شاعری

ہاتھ آنکھوں پہ رکھ لینے سے خطرہ نہیں جاتا - مظفر وارثى

فوجى آمر كے عہد کى ايك غزل

ہاتھ آنکھوں پہ رکھ لینے سے خطرہ نہیں جاتا
ديوار سے بھونچال كو روكا نہیں جاتا

داغوں كى ترازو ميں تو عظمت نہیں تلتى
فيتے سے تو كردار كو ناپا نہیں جاتا

فرمان سے پیڑوں پہ کبھی پھل نہیں لگتے
تلوار سے موسم كوئى بدلا نہیں جاتا

چور اپنے گھروں ميں تو نہیں نقب لگاتے
اپنی ہى كمائى كو تو لوٹا نہیں جاتا

اوروں کے خيالات كى ليتے ہیں تلاشى
اور اپنے گریبان ميں جھانكا نہیں جاتا

فولاد سے فولاد تو كٹ سكتا ہے ليكن
قانون سے قانون كو بدلا نہیں جاتا

ظلمت كو گھٹا کہنے سے بارش نہیں ہوتى
شعلوں كو ہواؤں سے تو ڈھانپا نہیں جاتا

طوفان ميں ہو ناؤ تو كچھ صبر كيا جائے
ساحل پہ کھڑے ہو کے تو ڈوبا نہیں جاتا !

دريا كے كنارے تو پہنچ جاتے ہیں پياسے
پياسوں کے گھروں تك كوئى دريا نہیں جاتا !

اللہ جسے چاہے اسے ملتى ہے مظفر
عزت كو دكانوں سے خريدا نہیں جاتا !​

شاعر: مظفر وراثی
كلام شاعر بزبان شاعر : http://youtu.be/7T6-T_YFQIs
ٹرانسكرپشن: ام نور العين ​

 

بہت خوب

 

:00001::00001::00001:

 

جو پر شکستہ ہے فاختہ
یہ جو زخم زخم گلاب ہے

یہ ہے داستاں میرے عہد کی
جہاں ظلمتوں کا نصاب ہے

جہاں ترجمانی ہو جھوٹ کی
جہاں حکمرانی ہو لوٹ کی

جہاں بات کرنا محال ہو
وہاں آگہی بھی عذاب ہے

میری جان! ہونٹ تو کھول تو
کبھی اپنے حق میں بھی بول تو

یہ عجیب ہے تیری خامشی
نہ سوال ہے نہ جواب ہے

(شاعر: کوئی ڈھونڈ کر بتائے)​

 

شكريہ بھائى ، سعد اللہ شاہ كے اشعار كا ذكر كيے بغیر يہ موضوع نا مكمل رہتا ۔ ماضى قريب كى عدليہ تحريك اور عہد پرویزی ميں بہت خوب صورت لكھتے رہے ۔عافيہ صديقى كے متعلق بھی ان كا كلام موجود ہے۔

 

فتح یاب آخر اجالا ہی ہوگا ان شاء اللہ
عداوت کوئی جرم ہو تو بتاؤ؟
جہل سے عداوت رسولوں نے کی تھی
شریعت پہ مبنی اصولوں پہ کی تھی
اندھیرے کی باغی ہر اک صبح امکان
اندھیرے سے اس کی عداوت رہے گی
پڑے تلملاؤ!
بغاوت کوئی جرم ہو تو بتاؤ؟

محبت اجالوں سے جس کو بھی ہوگی
وہ ظلمت کی چادر کو اوڑھے۔۔۔۔۔تو کیسے؟؟
جو محشر کی امید رکھتا ہو دل میں
سکوت شبی وہ نہ توڑے ۔۔۔۔۔۔تو کیسے؟
بھلے کسمساؤ!
نہیں ،بلکی بڑھ کر
جہاں تک چلے بس تمھارا تو جاؤ
ہر اک رازِپرواز چاہے کھرچ دو
اکھڑو سبھی بال وپر جو بھی پاؤ
سعادت کی راہوں کو مسدود کر دو
سرے سے جو کونپل بھی پھوٹے،جلاؤ!
جو سیکھے ہیں
سارے ہنر آزماؤ
مگر یاد رکھنا۔۔۔۔۔
ہمیں حوصلہ خود قرآں نے دیا ہے!
زمیں پر خلافت کا حقِ مسلّم
ہمیں خالقِ دو جہان نے دیا ہے!
اب اتنی خطا پر
شہادت سے بڑھ کر بھی کوئی سزا ہو
ہمیں وہ دلاؤ!
رہے تم۔۔۔۔۔
تمہاری تو اوقات کیا ہے
تمھارے لیے تو یہی بس سزا ہے
کہ اللہ کے ولیوں پہ گولی چلاؤ!
جہنم کی گھاٹی میں کوچہ بناؤ!
عزازیل کے دوستو،غم گسارو!
تم اللہ کا نور پھونکوں سے اپنی
بجھانا جو چاہو،بجھا نہ سکو گے
کتابوں میں لکھا اٹل فیصلہ ہے
پریشان ظلمت کا پالا ہی ہو گا
فتح یاب آخر اجالا ہی ہو گا! ان شاءاللہ
احسن عزیز رحمہ اللہ

 

جُھوٹ نوں سچ بنا دیندے نیں
لارے لپّے لا دیندے نیں

سارے لیڈر اِکّوئی ورگے
جِت کے سب بُھلا دیندے نیں

جس وِچ سارے ہیرو لگدے
ایسی فلم وکھا دیندے نیں

گَلاں باتاں دے وِچ یارو
کِیہ دا کِیہ بنا دیندے نیں

کُجھ تے ایسے جادُوگر نیں
گُھمن گھیری پا دیندے نیں

سُتّی قوم دی خاطر گوہرؔ
روز اِک حشر اُٹھا دیندے نیں
♥♥♥♥♥♥♥♥♥♥♥♥♥♥♥
امتیاز علی گوہرؔ
♥♥♥♥♥♥♥♥♥♥♥♥♥♥♥​

 

آج کل ملک میں جبر کے نئے سلسلے ہیں تو مزاحمت کی نئی روایت بھی جاری ہے۔ حال ہی میں پاکستان آرٹس کونسل کراچی میں کیا کمال کلام پیش کیا گیا۔۔۔ فیس بک پر سن کر اردو مجلس کے لیے لکھا ہے۔ شاعر کے نام کی تلاش جاری ہے۔۔۔کسی کو معلوم ہو تو ضرور بتائیں۔ وڈیو ربط ابھی نہیں دے سکتی کہ فیس بک لائٹ میں یہ سہولت نہیں۔
وہ تو کوکین پی کے سوتے ہیں
قوم کو جاگنا ہی ہوتا ہے
یہ بھگوڑے ہیں بھاگ جائیں گے
اور انہیں بھاگنا ہی ہوتا ہے
بولنے کا ہے عارضہ ان کو
جھوٹ سچ داغنا ہی ہوتا ہے
آپ کچھ کہیں مگر
مانگنا مانگنا ہی ہوتا ہے
جس کو یوٹرن آپ کہتے ہیں
تھوک کے چاٹنا ہی ہوتا ہے