حکومت جبل حرا پر لفٹ کیوں نہیں لگواتی ۔۔۔۔۔ !!!

بســـم الله
​

السلام علیکم ورحمتہ اللہ ۔
زائرین حج وعمرہ حجاز مقدس پہنچے کے بعد اپنا انتہائی قیمتی وقت مختلف مقامات کی زیارتوں میں ضائع کرتے ہیں ۔ ان زیارتوں‌میں مجہول قسم کے پہاڑ، بعض پرانے گھر ، مشاعر مقدسہ یعنی منی ، عرفات اور مزدلفہ ، حدیبیہ کا کنواں ، ام ہانی کا گھراور تنعیم یعنی مسجد عائشہ کا غیرمسنون عمرہ وغیرہ شامل ہیں ۔ان سب زیارتوں کی اللہ کی طرف سے کوئی سند نہیں اتاری گئی اور نہ ہی صحابہ کرام رضی اللہ عنہم اس طرح کی زیارتیں کرتے تھے ۔ اس لیے ان کی طرف سفر کرنا غیرشرعی اورگناہ کا کام ہے ۔

بعض حج یا عمرہ کرنے والے مسلمان صحیح العقیدہ ہونے کے باوجود ان بدعات اور خرافات سے جان نہیں چھڑاپاتے ۔اسی تعلق سے ایک واقعہ پیش خدمت ہے - کوئی تین سال پہلے کی بات ہے کہ ہمارے ایک دوست اپنی والدہ کے ساتھ عمرہ کے لیے حجاز مقدس تشریف لائے ۔ فجر کی نماز سے پہلے فون کیا کہ ہم آپ سے فجر کے بعد ملنا چاہتے ہیں۔

نمازفجر کے بعد ان سے ملاقات ہوئی ۔ دو تین گھنٹے تک ساتھ رہے ، گفتگو کے دوران مسلمانوں میں پہلی ہوئی بدعقیدگی اور بدعات جیسے موضوعات زیربحث آئے ۔ ہمارے مہمان صحیح العقیدہ تھے اورما شاء اللہ کافی معلومات رکھتے تھے ، انہوں نے توحید کے حوالے سے حکومت کی گئی کوششوں کو سراہا اور یہ بھی کہا کہ حکومت کو چاہے کہ جبل حرا اور جبل ثور پر جو بدعات ہوتی ہیں ، انہیں ختم کرے۔

ملاقات ختم ہونے کے بعد جب گھر جانے لگا تو دوست کی والدہ محترمہ نے کہا کہ!''بیٹا ! ہمیں جبل حرا کی طرف جانا ہے ، کیا آپ ہمیں وہاں پہنچا سکتے ہیں ؟ میں نے کہا ، آپ نے کیا کرنا ہے ، کہنے لگیں صرف دیکھنا ہے ، دیکھ کر واپس آجائیں گئے ۔ آپ ہمارے ساتھ چلیں ۔ میرے انکار کے باوجود مجھے ساتھ لے گئیں ، راستے میں یہی سوچتا رہا کہ ابھی تو زیارت سے منع کر رہی تھیں اورابھی اچانک جانے کا فیصلہ کرلیا ۔ وہاں پہچنے کے بعد میں نے کہا کہ ، آپ لوگ دیکھ لیں ، پھر واپس چلتے ہیں ، تو کہنے لگیں کہ دل کر رہا ہے اوپر بھی چڑھیں ، ہمارا مقصد کوئی تبرک حاصل کرنا نہیں‌۔ (پچاس ، سال کی عمر میں کسی پہاڑ پرچڑھنا اتنا آسان نہیں) ،مجبورا مجھے بھی ساتھ جانا پڑا، کچھ سفر طے کرنے کے بعد دوست نے بتایا کہ میری والدہ مریضہ ہیں ۔ جلدی تھک جاتی ہیں ، میں نے ان سے پوچھا تو کہنے لگیں کہ میں بلکل ٹھیک ہوں حالانکہ ان کی ظاہری حالت بتا رہی تھی کہ ان کی طبیعت صحیح نہیں‌ تھی ۔ تقریبا ایک گھنٹے کے بعد پہاڑ کی چوٹی پرپہنچے ۔ کچھ دیرآرام کرنے کے بعد کہنے لگیں کہ ! '' حکومت اتنی امیر ہے ، اللہ کا دیا سب کچھ ہے ، میں نے کہا اس میں کوئی شک نہیں ، کہنے لگیں پھر حکومت اس پہاڑ پر لفٹ کیوں نہیں‌ لگواتی !!ابتسامہ
میں نے کہا ، آنٹی ابھی آپ نے صبح ہی تو کہا تھا کہ یہ سب بدعات وخرافات ہیں ، ختم کردینی چاہیے ، تو کہنی لگیں،بیٹا ! ہم پاکستان میں رہتے ہیں‌، جب عمرہ کرکے جاتے ہیں تو وہاں کے لوگ سوال کرتے ہیں اور انہیں جواب دینا ہوتا ہے ، اس لیے ہماری مجبوری ہے ۔

یہ ہے وہ مجبوری ۔ اچھے عقیدہ کے حامل مسلمان بھی مجبوری میں غیرشرعی کام کرنے پر مجبور ہیں ۔ اللہ سے دعا ہے کہ وہ ہمیں لوگوں سے بےنیاز کر کے صرف اپنے لیے دین کو خالص کرنے کی توفیق عطا فرمائے ۔ آمین ۔
اللهم يا مقلب القلوب ثبت قلوبنا على طاعتك ودينك

 

میرا خیال ہے جبل حرا کو زمین کے برابر کرنا مزید فتنے کو ہوا دینا ہے ۔ خصوصا اس زمانے میں جب کہ معمولی خبر بھی میڈیا پرآکر بڑی خبر بن جاتی ہے ۔

جی صحیح فرمایا ۔ ایک وجہ یہ بھی ہو سکتی ہے ۔

درست ۔ جی وہاں پر یہ واضح الفاظ میں لکھا ہوا ہے کہ پہاڑوں پر چڑھنا اور درختوں پر گرہیں لگانا اور پتھروں پر نام لکھنا صحیح نہیں‌، لیکن لوگوں کی برین واشنگ ہوئی ہوتی ہے ، ان ہدایات پر عمل نہیں کرتے ۔

کچھ عرصہ پہلے مجلس کے ایک معزز رکن نے پاکستان سے پوچھا تھا کہ '' ہمارے ایک جاننے والے کا کہنا ہے کہ'' جبل حرا پر سیڑھیاں‌بنانے کا کام ہو رہا ہے ، آپ بھی اس میں حصہ ملا کر ثواب کمائیے ۔ کیا ایسا کوئی کام ہو رہا ہے یا نہیں‌؟'' اگر یہ ثواب کا کام ہوتا تو حکومت کی طرف سے صرف سیڑھیاں نہیں بنوائی جاتیں بلکہ لفٹ لگوادی جاتی ۔ اس کے لیے چندہ جمع کرنے کی ضرورت نہیں تھی۔

 

جی ابواحمد بھائی ۔ صحیح فرمایا ۔ ان پاکستانیوں کا تعلق سندھ سے ہے ، یہ لوگ سارا دن پہاڑ کی چوٹی پر رہتے ہیں ،مغرب سے پہلے اترکر اپنے گھروں کو چلے جاتے ہیں ۔ اتنے سال ہو گئے ابھی تک سیڑھیاں نہیں بنا سکے ، میں نے تو انہیں مشورہ دیا تھا کہ میرے ساتھ چلیں ، کسی ذمہ دار سے ملوا دیتا ہوں ۔ آپ لوگوں کا کام آسان ہو جائے گا ، لیکن وہ لوگ راضی نہیں ہوئے ۔

ابتسامہ ۔ نہیں ! ایسی بات نہیں ۔ البتہ جبل حرا ور جبل ثور پر پاکستانی ہی نظر آتے ہیں ۔