چار بیٹوں کو اللہ کی راھ میں قربان کرنے والی ماں

امیرالمومنین حضرت فاروق اعظم رضی اللہ عنہ کے دور میں مثنی ابن حارثہ شیبانی رضی اللہ عنہ قادسیہ کی طرف روانہ ہوئے تو لشکر میں سیدہ خنساء رضی اللہ عنہا بھی اپنے چار بیٹوں کے ساتھ شریک تھیں۔میدان جنگ میں لڑائی شروع ہونے سے ذرا پہلے سیدہ خنساء رضی اللہ عنہا نے اپنے چاروں بیٹوں کو بلایا اور ان کو جہادوقتال کے لیے تیار کرنا
شروع کیا۔انہوں نے اللہ کی راہ میں شہادت کا مقام و مرتبہ بیان کیا۔آئیے اس عظیم عورت نے اس نازک اور مشکل وقت میں اپنے بیٹوں سے جو خطاب کیا ،اور انہیں جو ایمان افروز نصیحت کی،اس کے ایک حصے کا مطالعہ کرتے ہیں۔انہوں نے کہا:
"میرے پیارے بیٹو!تم مسلمان ہو اور اپنے پیارے رب کے اطاعت گزار ہو۔تم اپنی مرضی سے یہاں آئے ہو،زبردستی نہیں لائے گئے۔اس ذات کی قسم جس کے سوا کوئی معبود برحق نہیں! تم سب جس طرح ایک ماں کی اولاد ہو ویسے ہی ایک باپ کے بیٹے ہو۔میں نے تمہارے باپ کی خیانت نہیں کی،نہ اپنے بھائیوں کو رسوا کیا۔میں نے تمہارے حسب و نسب کو عیب دار نہیں ہونے دیا،اور نہ اس میں کوئی تبدیلی کی ہے۔تمہیں خوب معلومہے کہ اللہ رب العزت نے کافروں کے ساتھ لڑائی کرنے میں کتنا اجروثواب رکھا ہے۔سنو اور اچھی طرح سنو کہ آخرت کا گھر جو ہمیشہ رہنے کے لیے ہے اس فانی دنیا سے کہیں بہتر ہے۔
اللہ تعالیٰ فرماتے ہیں:
يَٰٓأَيُّهَا ٱلَّذِينَ ءَامَنُوا۟ ٱصْبِرُوا۟ وَصَابِرُوا۟ وَرَابِطُوا۟ وَٱتَّقُوا۟ ٱللَّهَ لَعَلَّكُمْ تُفْلِحُونَ
ترجمہ: اے اہل ایمان (کفار کے مقابلے میں) ثابت قدم رہو اور استقامت رکھو اور مورچوں پر جمے رہو اور اللہ سے ڈرو تاکہ تم فلاح پاؤ۔(سورۃ آل عمران،آیت 200)
کل جب صبح کا سورج طلوع ہو تو تم دشمن کےساتھ لڑائی کے لیے کمربستہ ہو جاؤ اور دشمنان اسلام پر غلبہ حاصل کرواور ان پر فتح پاؤ۔اور جب تم دیکھو کہ لڑائی میں خوب گرمی اور تیزی آ گئی ہے اور جنگ کے شعلے بھڑک اٹھے ہیں تو پھر اس میں کود پڑو۔"
پھر سیدہ خنساء رضی اللہ عنہا کے چاروں بیٹے نہایت عزت و وقار اور ثابت قدمی کے ساتھ میدان جنگ میں کود پڑے اور تمام کے تمام شہید ہو گئے۔جب سیدہ خنساء رضی اللہ عنہا کو ان کی شہادت کی خبر ملی تو فرمایا:
الحمدللہ الذی شرفنی باستشھادھم وارجو من ربیان یجمعنی بھم فی مستقر رحمتہ۔
"اللہ ہی کا شکر ہے جس نے مجھے شہیدوں کی ماں بنایا اور ان کو شہادت کا شرف حاصل ہوا۔میں اپنے رب سے یہ اُمید رکھتی ہوں کہ وہ مجھے جنت میں ان کے ساتھ اکھٹا کرے گا۔"
جب ماؤں کا یہ جذبہ ہو تو پھر اولاد کیوں نہ اسلام پر جان قربان کرنے والی ہو افسوس آج ایسی مائیں بہت کم ہونگی جو اپنے بچے کو اللہ کی راہ میں قربان کرنے کے لیے تیار کرتی ہوں

 

سبحان اللہ!

شیئرنگ کا شکریہ!

جزاک اللہ خیرا!

 

جزاک اللہ خیرا!

 

سبحان اللہ
شیئرنگ کا شکریہ سسٹر
اللہ ھم سب کو بھی توفیق دے ھم ایسی مائیں بنیں آمین

 

شہداء

السلام علیکم

ابھی بھی وہ مائیں ہیں، یہاں‌ کلک کریں ایک کلپ آپکے سامنے آئے اسے 18 منٹ کے بعد دیکھ سکتی ہیں۔

اس میں خاص و خاص 22 منٹ بعد 5 بیٹوں کی ماں کیا فرما رہی ہیں اسے بھی سنیں۔

33 منٹ بعد ایک میجر شہید کی بیٹی کی ہمت اور جذبہ دیکھے بغیر بھی بات نہیں بنتی اسے بھی ضرور دیکھیں۔

والسلام

 

کیا یہ روایت شرعا ثابت ہے؟؟
آپ نے یہ بات جہاں پڑھی ہے، براہ کرم اس کا حوالہ لکھ دیں

 

خنساء بنت عمرو الشريد بن رباح بن ثعلبة

خنساء بنت عمرو الشريد بن رباح بن ثعلبة​

السلام علیکم

یہ دھاگہ جہاں لگا ھے وہاں میرا مراسلہ شائد ابھی تک کیو میں لگا ہوا ھے اس لئے دوبارہ کیو میں نہیں‌ لگنا چاہتا اور بھائی صاحب کے جواب میں اسے یہاں لگا رہا ہوں اگر پہلے والا مراسلہ اپنی جگہ لگ جائے تو اس دھاگہ کو بھی براہ مہربانی وہاں‌ منتقل کر دیا جائے شکریہ!

محترم، ام احمد سسٹر کے بارے میں کلوز تو نہیں جانتا مگر ان کے بنے دھاگوں سے ایک اندازہ ضرور ھے کہ انہیں جہاں جو بات اچھی لگتی ھے وہ اسے یہاں شیئر کر دیتی ہیں اس لئے وہ آپکو حوالہ کیسے تلاش کر کے دے سکتی ہیں جبکہ آپ مرد ہو کر اسے شائد تلاش نہیں کر پائے۔ یہی مراسلہ ایک طویل معلومات کے ساتھ آپ پہلے بھی مطالعہ کر چکے ہیں حوصلہ افزائی کے ساتھ شائد یاد نہیں رہا۔

ام احمد نے جو واقعہ پیش کیا اس کا عربی متن کے ساتھ یہاں ھے معہ حوالہ

خنساء بنت عمرو الشريد بن رباح بن ثعلبة

الکتب >> اسد الغابہ >> کتاب النساء >> باب الخاء >> 6884 ب


اور اس پر مزید ایک طویل معلومات کے ساتھ یہاں اسی فارم میں mahajawad1 دھاگہ میں

حضرت خنسإ رضی اللہ تعالیٰ عنہا ۔ ارثی العرب ​

والسلام

 

بھائی میں نے یہ تحریر فیسبک سے لی کوشش کرتی ہوں حوالہ تلاش کرنے کی انشاءاللہ

 

جزاک اللہ خیرا سسٹر

 

جزاک اللہ خیرا کنعان بھیا

آپ نے بلکل ٹھیک اندازہ لگایا مجھے جو اچھا لگے اسے شئیر کر دیتی ہوں

میرے خیال میں یہ کوئی بری بات نہیں

اب ایک بات کا خیال ضرور رکھیں گے حوالہ کا

انشاءاللہ

 

ﷲ اکبر