رمضان المبارك ميں قرآن مجيد ختم كرنا مستحب ہے

رمضان المبارك ميں قرآن مجيد ختم كرنا مستحب ہے
​

شیخ محمد بن صالح المنجد سے سوال پوچھا گیا کہ كيا مسلمان كے ليے رمضان المبارك ميں قرآن مجيد ختم كرنا ضرورى ہے، اور جواب مثبت ہو تو اس كى دليل ميں كوئى حديث بھى بيان كريں ؟

ان کا جواب تھا ۔۔!!
الحمد للہ: جى ہاں مسلمان شخص كے ليے رمضان المبارك ميں قرآن مجيد كثرت سے پڑھنا مستحب ہے، اور وہ اسے ختم كرنے كى حرص ركھے، ليكن يہ اس كے ليے واجب نہيں، يعنى دوسرے معنى ميں اس طرح كہ اگر وہ قرآن مجيد ختم نہ كر سكے تو وہ گنہگار نہيں ہوگا، ليكن وہ بہت عظيم اجروثواب سے محروم رہے گا.

اس كى دليل بخارى شريف كى درج ذيل حديث ہے:
ابو ہريرہ رضى اللہ تعالى عنہ بيان كرتے ہيں كہ: " جبريل امين ہر سال نبى كريم صلى اللہ عليہ وسلم پر ايك بار قرآن مجيد پيش كرتے، اور جس برس نبى كريم صلى اللہ عليہ وسلم فوت ہوئے تو اس برس جبريل امين نے نبى كريم صلى اللہ عليہ وسلم كے ساتھ دوبار قرآن كا دور كيا "
صحيح بخارى حديث نمبر ( 4614 ).

ابن اثير رحمہ اللہ تعالى " الجامع فى غريب الحديث " ميں كہتے ہيں:
" يعنى جتنا قرآن مجيد نازل ہو چكا ہوتا اس كا دور كيا كرتے تھے " انتہى.
ديكھيں: الجامع فى غريب الحديث ( 4 / 64 ).

سلف رحمہ اللہ كا طريقہ تھا كہ نبى كريم صلى اللہ عليہ وسلم كے طريقہ پر عمل كرتے ہوئے رمضان المبارك ميں ايك بار قرآن مجيد ختم كيا كرتے تھے.

مزید لکھتے ہیں ۔۔۔!!
امام نووى رحمہ اللہ قرآن مجيد ختم كرنے كى تعداد پر تعليقا كہتے ہيں:
" اختيار كردہ يہى ہے كہ يہ اشخاص كے اعتبار سے مختلف ہوگا، اگر تو كوئى شخص دقيق فكر و سوچ، اور لطائف و معارف كا مالك ہے، تو اسے اسى قدر پر اكتفا كرنا چاہيے جس سے اسے كمال فہم حاصل ہو.
اور اسى طرح جو شخص نشر علم يا دوسرے دينى امور، اور عام مسلمانوں كے رفاہى كاموں ميں مشغول ہو تو اسے بھى اسى قدر قرآت كرنى چاہيے جس سے خلل پيدا نہ ہو.
اور اگر مذكورہ بالا افراد ميں سے نہ ہو تو جتنا بھى ممكن ہو سكے كثرت سے تلاوت كرے، جس سے ملل اور اكتاہٹ نہ ہو " انتہى.
ديكھيں: التبيان ( 76 ).

اس استحباب اور رمضان المبارك ميں قرآت قرآن كى تاكيد كے باوجود يہ مستحب كے دائرہ ميں ہى رہے گى، نہ كہ ضرورى واجبات ميں شامل ہو گا جس كے ترك كرنے پر مسلمان گنہگار ہو.

شيخ ابن عثيمين رحمہ اللہ تعالى سے درج ذيل سوال كيا گيا:
كيا رمضان المبارك ميں روزے دار كے ليے قرآن مجيد ختم كرنا واجب ہے ؟
شيخ رحمہ اللہ كا جواب تھا:
" رمضان المبارك ميں روزے دار كے ليے قرآن مجيد ختم كرنا واجب تو نہيں، ليكن انسان كو رمضان المبارك ميں كثرت سے قرآن مجيد كى تلاوت ضرور كرنى چاہيے، جيسا كہ رسول كريم صلى اللہ عليہ وسلم كى سنت سے ثابت ہے، كہ ہر رمضان المبارك ميں جبريل امين رسول كريم صلى اللہ عليہ وسلم كے ساتھ قرآن مجيد كا دور كيا كرتے تھے" انتہى.
ديكھيں: مجموع فتاوى ابن عثيمين ( 20 / 516 ).

بشکریہ :: الاسلام سوال و جواب

نوٹ :: شیخ کا صرف وہ جواب نقل کیاگیا ہے جس کا ذکر سوال میں موجود تھا ، قرآن کریم ایک یا دو دنوں میں ختم کرنے والی روایت صحیح نہیں ، کیونکہ اللہ کےنبی صلی اللہ علیہ وسلم نے تین سے کم وقت میں قرآن ختم کرنے سے منع فرمایا ہے ۔ واللہ اعلم

 

رمضان مبارک میں ایک قرآن ختم کرنا مستحب ہے ، لیکن کچھ لوگ ایسے بھی ہو سکتے ہیں‌ کہ ان کے پاس بہت سا وقت ہوتا ہے ۔ایسے روزہ داروں کے لیے مشورہ ہے کہ وہ کم ازکم ایک ہفتہ میں ایک مرتبہ قرآن ضرورختم کریں‌۔ ایسا کرنا سلف صالحین سے ثابت ہے ۔ کم ازکم ایک بار قرآن ختم کرنے والی شرط عمومی ہے ۔ تاکہ لوگ اور نہیں تو کم ازکم ایک بار ضرور قرآن کو پڑھ لیں‌۔ تقبل اللہ منا و منکم صالح الاعمال

 

اچھی خبر نہیں‌۔ روزہ اسلام کا رکن ہے ۔ جان بوجھ کر چھوڑنا یقننا اللہ کی معصیت ہے ۔ مسئلہ ایمان کی کمزوری اور دین سے ناواقفیت ہے ۔ اللہ انہیں‌ ہدایت دے ۔

 

بہر حال طنز سے بہتر ہے کہ ان کے لیے ہدایت کی دعا کی جائے ۔

 

کسی عالم سنا تھا کہ عربوں میں ایک چیز عرصہ سے چلتی ہوئی آئی ہے کہ یہ لوگ عموما رمضان کریم میں تین ختم کرتے ہیں‌۔
1- قیام اللیل میں‌ امام کے ساتھ سنتے ہوئے ختم کرتے ہیں ،
2- پہلی رمضان مبارک سے بیس رمضان تک ۔ یعنی آخرے عشرے سے پہلے پہلے ۔
3- ایک ختم آخری عشرے میں کرتے ہیں‌۔ یعنی روزانہ تین پارے پڑھتے ہیں‌۔
یہ ایک طریقہ کہ اپنے آپ کو آخری عشرہ میں زیادہ سے زیادہ قرآن کی تلاوت میں‌ مشغول رکھا جائے ۔ کوئی بھی مسلمان شب قدر کے اوقات کو اس سے بہتر طریقہ سے بھی گزار سکتا ہے ۔ یقینا جو قرآن کو اس کا حق کرتے ہوئے پڑھے گا وہ اجر پائے گا ان شاء اللہ کیونکہ یہ راتیں طلوع صبح تک امان اور سلامتی ہیں‌۔