جگر کا اولیں داغ

جگر کا اولیں داغ

مری انجمن میں روشن نہ رہا چراغ پہلا
نہ رہی شراب پہلی نہ رہا ایاغ پہلا

مری یثربی جبلت مرا ساتھ چھوڑ بیٹھی
نہ وہ سر رہا نہ اس میں وہ رہا دماغ پہلا

نہ وہ حلقہء گل و مُل نہ وہ نالہائے بُلبل
نہ رہی بہار پہلی نہ رہا وہ باغ پہلا

مری سلطنت بھی چھینی مری مسجدیں بھی ڈھائیں
وہ تھی دل کی ٹیس پہلی ، یہ جگر کا داغ پہلا

میں تلاشِ حق میں نکلا تو ندا حرم سے آئی
کہ حق آگہی کے گھر کا ہے یہی سراغ پہلا

ہے مسیلمہؔ کی دولت جو ملی ہے میرزاؔ کو
یہ غراب آخریں ہے جو وہ تھا کلاغ پہلا

وہ اگر عرب کی ضد تھا تو یہ قادیاں کی ہٹ ہے
یہ الاغِ دوئمیں ہے جو وہ تھا الاغ پہلا

مولانا ظفر علی خان
رنگون ۲۲ ستمبر ۱۹۳۶ء
از دیوان ظفر علی خان

مسیلمہ : مسیلمہ کذاب مدعی نبوت جسے نبوت کا دعوی کرنے پر قتل کیا گیا ۔
میرزا: مرزا غلام احمد قادیانی کذاب مدعی نبوت مراد ہے ۔
غراب: کوا
کلاغ: کوا [یا محاورتا روسیاہ یا کلموہا]
الاغ: گدھا
​