سرخ چاند گرہن

بسم اللہ الرحمن الرحیم
​

السلام علیکم ورحمۃ اللہ وبرکاتہ
ماہرین فلکیات کے مطابق ۱۵ اپریل کو سرخ چاند گرہن دیکھا جا سکے گا جو اپنی نوعیت کا بہت منفرد واقعہ ہے ۔ سرخ چاند گرہن جسے بعض توہم پرست خونی چاند گرہن کہتے ہیں ۔
ہماری دنیا میں توہم پرستوں کی بہتات کے سبب افواہ سازوں کے لیے چاند گرہن ہی بہت ہوتا ہے ، کجا کہ سرخ چاند گرہن۔۔۔ مستزاد یہ کہ اس کے بعد کئی چاند گرہن متوقع ہیں ۔ عالمی نشریاتی ادارے خبر دینے کے ساتھ ساتھ نجومیوں ، جوتشیوں اور توہم پرست مذہبی افراد کی آراء بھی نشر کر رہے ہیں نتیجتا اچھی خاصی خوف ناک فضا پیدا ہو چکی ہے جس کے نتیجے میں مذہب، سائنس ، فلکیات یا دوسرے متعلقہ علوم جاننے والوں کو فون ، میسیج اور میلز کر کر کے ان کی حقیقت معلوم کرنے والوں کا تانتا بندھ گیا ہے ۔
اسلام چاند اور سورج گرہن کے متعلق بہت واضح احکامات رکھتا ہے ۔ نبی کریم حضرت محمد مصطفی صلی اللہ علیہ وسلم کے زمانے میں ان کے بیٹے کی وفات کی بعد گہن لگا تو کچھ لوگوں نے چہ میگوئیاں کیں ۔ آپ صلی اللہ علیہ وسلم نے اس فرمان سے ہر توہم کی جڑ ہمیشہ کے لیے اکھاڑ کر رکھ دی:
إِنَّ الشَّمْسَ وَالْقَمَرَ آيَتَانِ مِنْ آيَاتِ اللَّهِ لاَ يَخْسِفَانِ لِمَوْتِ أَحَدٍ وَلاَ لِحَيَاتِهِ فَإِذَا رَأَيْتُمُوهَا فَافْزَعُوا لِلصَّلاَةِ ‏"‏وَقَالَ أَيْضًا ‏"‏ فَصَلُّوا حَتَّى يُفَرِّجَ اللَّهُ عَنْكُمْ ‏"۔

”سورج اور چاند اللہ کی نشانیوں میں سے دو نشانیاں ہیں، ان کو کسی کی موت یا زندگی کی وجہ سے گہن نہیں لگتا۔ جب تم ان کو گہن لگتا دیکھو تو نمازِ گہن (صلاۃ کسوف و خسوف) میں پناہ لو“۔ اور یہ بھی کہا کہ اس وقت تک گرہن کی نماز پڑھتے رہو جب تک کہ یہ ختم نہ ہو جائے ۔ حوالہ : متفق علیہ ۔بخاری و مسلم

اپنے مرشد و ہادی ﷺ کی اتنی واضح تعلیمات کے بعد کسی مسلمان کے لیے جائز نہیں کہ وہ اوٹ پٹانگ ٹی وی شوز پر اپنا وقت ضائع کرے جہاں دنیا صرف اٹکل پچو میں وقت برباد کر رہی ہو۔ مسلمان کو اپنے وقت کی قدر کرنی چاہیے ، زندگی کا ہر لمحہ انمول ہے جو کبھی لوٹ کر نہ آئے گا۔

الحمدللہ پاکستان اور سعودیہ جیسے کئی اسلامی ممالک میں صلاۃ کسوف یا گہن کی نماز کا باقاعدہ اہتمام کیا جاتا ہے ۔ سعودی عرب میں سرکاری سطح پر اس کا اہتمام اور اعلان ہوتا ہے ، جب کہ پاکستان سمیت کئی اسلامی ممالک میں مذہبی علماء کرام اس سنت محمدی صلی اللہ علیہ وسلم کو زندہ رکھے ہوئے ہیں ۔ بہترین طریقہ یہ ہے کہ ان اداروں اور افراد کو تلاش کیا جائے جو اس سنت کا اہتمام کرتے ہوں اور اس میں شرکت کی جائے ۔ ​

 

جزاک اللہ خیر

 

اللہ تعالی ہمیں ان توہمات سے محفوظ رکھے۔ آمین!۔

چاند کو گرھن لگنے کے اوقات کے بارے میں اگر کچھ معلوم ہو تو بتا دیجیے۔

 

جزاک اللہ خیرا

 

جزاک اللہ خیرا

 

اس چاند گرہن کو لے کر ایسی ایسی واحیات باتیں‌من گھڑت کی ہوئی ہیں‌کہ بتاتے ہوئے بھی شرم آتی ہے۔ کچھ باتیں‌تو نہ قابلِ بیان ہیں ۔
کچھ لوگوں کا کہنا ہے کہ چاند گرہن کے وقت کسی کو بیٹھنا نہیں‌چاہیتے بلکہ چلتے پھرتے رہنا چاہیے، اور چوٹ سے بھی بچنا چاہیے ، حاملہ عورتوں کو اس دوران ایک جگہ بیٹھے نہیں‌رہنا دینا چاہیے ورنہ اُولاد صحیح پیدا نہ ہو گی اور اُس میں کوئی نہ کوئی نُقص نکل آئے گا اور بہت کچھ ہے بتانے کو پر بتا نہیں سکتا، اللہ تعالی ہمیں ایسے جہالت سے بھرے لوگوں سے دور رکھے اور ایسے لوگوں‌کو ہدایت دے جو اپنے دین میں نئی باتیں گھڑ لاتے ہیں

 

اس نماز سے متعلق میں‌ ایک سوال سن چکا ہوں ۔۔۔ کہ اگر یہ اتنا خطرناک نہیں‌اور اس کے کوئی اثرات نہیں‌تو پھر نماز کی پناہ کیوں لی جائے اور نارمل زندگی کے کام کیوں نہ سرانجام دی جائیں۔۔

میں صرف اتنا ہی جواب دے سکا، "تاکہ ہم لوگ ایسے منفرد مواقع پر کسی بھی بدگمانی، شیطانی وسوسے وغیرہ سے گمراہ ہونے کی بجانے اللہ پر توکل کریں اور اگر کوئی الٹا سیدھا مشاہدہ دیکھ بھی لیں جس میں‌شیطان وسوسوں کے ذریعے مزید زہر گھولے، تو ہم اللہ کی پناہ کی طرف رہیں۔۔۔

مگر سوال کرنے والے صاحب مضر تھے کہ بھائی کوئی نہ کوئی مسئلہ ہے ضرور جو نبی کریم صلی اللہ علیہ والہ وسلم نے یوں نماز کی پناہ لینے کی ہدائیت کی ہے۔۔۔۔ مان لیں کہ اسکے کچھ برے اثرات ضرور ہونگے۔۔

:00010:

 

آمین ۔
گرہن کی نماز صرف تب پڑھنا ہوتی ہے جب گرہن آپ کے علاقے نظر آئے ،اس کا وقت ناسا کی ویب سائٹ پر ایسٹرن ٹائم دو بجے صبح کا ذکر ہے ۔ اس لحاظ سے شاید پاکستان میں نظر نہ آئے ، لیکن ہمارے صحافیوں نے مغربی میڈیا کی دیکھا دیکھی آسمان سر پر اٹھا رکھا ہے ۔ سعودیہ میں تو آسان ہے آپ اپنے علاقے کی مساجد وغیرہ سے رابطہ کر کے معلوم کر لیں ۔

Ask NASA Experts About the Total Lunar Eclipse | NASA

 

یہ لیجیے شیخ ابن باز رحمہ اللہ کا تفصیلی فتوی کہ گرہن اپنے علاقے میں دیکھنے پر نماز ہے نہ کہ دوسرے علاقوں میں گرہن کی خبر پر :

چاند یا سورج گرہن کی نماز پڑھنے کا انحصار دیکھنے پر ہے نہ کہ ماہرفلکیات کی خبر پر - islamqa.info

 

جزاکِ اللہ خیرا

 

ہم یہ نہیں کہہ رہے کہ یہ کوئی خطرناک چیز نہیں ، ظاہر ہے کہ یہ ایک غیر معمولی بات ہے، جس سےبے شک لوگ خوف زدہ ہوتے ہیں ، ہم یہ کہہ رہے ہیں کہ پیش گوئیوں ، مغربی فلسفوں اور اٹکل پچو میں وقت برباد نہ کریں وہ کام کریں جو خلیل اللہ صلی اللہ علیہ وسلم نے اس دوران کرنے کو کہا ہے ۔
میری اس طرف کوئی توجہ نہیں تھی لیکن مجھے اتنے سوالات ملے کہ پتہ نہیں یہود ی کیا کرنے والے ہیں ، یہ بائبل کی ایپوکلیپس Apocalypse کے حوالے دئیے جا رہے ہیں ، کوئی یہودیوں کی ریڈ سٹرنگ یا کبالا کا رونا رو رہا ہے ہر طرح کی معلومات جمع کرلیں ، نہیں یاد تو سنت مصطفی صلی اللہ علیہ وسلم نہیں یاد۔

بجھی عشق کی آگ اندھیر ہے
مسلماں نہیں راکھ کا ڈھیر ہے

کوئی تو ہو جو سوچے
​

شرابِ کہن پھر پلا ساقیا
وہی جام گردش میں لا ساقیا
​

 

جزاک اللہ خیرا

 

وعلیکم السلام
اللہ تعالیٰ آپ کو بہترین جزا عطا فرمائے، کئی سنتوں کی یاد دہانی ہو جاتی ہے آپ کی بدولت۔ بارک اللہ فیک۔
اللہ عمل کی توفیق دے۔

 

ناسا کی لائیو سٹریم
NASA MSFC on USTREAM: . Science

 

کوئی کے پاس بھی وقت کی کمی تھی اس لیے جلدی میں چند سطریں گھسیٹ دیں ۔ آپ ضرور لکھیے کیوں کہ ابھی مزید چاند گرہن اگلے ستمبر تک متوقع ہیں تو یہ شور چلتا رہے گا۔ بارک اللہ فیک ۔

 

کل نیوز چینل پر اس کی ڈیٹیل دیکھ رہا کہ یہ کیوں ہوتا ہے اگر مجھے نیٹ سے ملتا ہے تو شیئر کرنے کی کوشش کرتا ہوں۔

ویسے کہہ رہے کہ اب یہ 2033 یا 2034 میں آئے گا آج سے دس سال پہلے 2003 یا 2004 میں آیا تھا

 

8 اکتوبر 2014 کو ایشیا اور امریکا میں نظر آنے والا مکمل چاند گرہن
http://www.space.com/27358-total-lunar-eclipse-blood-moon-complete-coverage.html
http://www.ustream.tv/channel/nasa-msfc
http://www.nasa.gov/watchtheskies/lunar-eclipse-oct-2014.html

 

میں نے تو کل رات باہر نکل کر دیکھا، سعودیہ میں تو ذرہ ذات چاند سرخ نہیں تھا ۔ ۔ ۔ ۔ ۔

 

ایک مرتبہ پھر سرخ چاند گرہن ہونے والا ہے۔