ماہ شعبان کے ایام بیض کے مسنون نفلی روزے

بسم اللہ الرحمن الرحیم
​

السلام علیکم ورحمۃ اللہ وبرکاتہ
ایام بیض ہر قمری مہینے کی ۱۳ ، ۱۴، ۱۵ تاریخ کو کہتے ہیں ۔ رسول اللہ حضرت محمد صلی اللہ علیہ وسلم ان تاریخوں میں نفلی روزے رکھا کرتے تھے اور اپنے ساتھیوں کو ان روزوں کو رکھنے کا حکم دیتے تھے ۔ حضرت عبداللہ بن عمرو بن العاص فرماتے ہیں کہ رسول اللہ صلی اللہ علیہ وسلم نے فرمایا :" صوم ثلاثة أيام من كل شهر صوم الدهر كله‏"‏ ۔ہر مہینے میں ان تین روزوں کا اجر ایسا ہے جیسے کوئی ہمیشہ روزے رکھے ۔ متفق عليه
ماہ شعبان ۱۴۳۵ ہجری کے ایام بیض کے نفلی روزے قریب ہیں ۔
مکۃ المکرمۃ کی رویت کے اعتبار سے آج ۱۱ شعبان ہے ۔
اس طرح اہل مکہ 11, 12, 13 جون کو ایام بیض کے روزے رکھیں گے ۔
جب کہ پاکستانی رویت ھلال کے اعتبار سے آج 10 شعبان ہے ۔
اس طرح اہل پاکستان 12, 13, 14 جون کو ایام بیض کے نفلی روزے رکھ سکتے ہیں ۔
شعبان کے نفلی روزے رکھنے والوں کے لیے ۱۵ شعبان کا روزہ آخری روزہ ہو گا کیوں کہ نصف شعبان کے بعد نفلی روزے رکھنے کی ممانعت ہے ۔ رسول اللہ صلی اللہ علیہ وسلم نے فرمایا: إِذَا انْتَصَفَ شَعْبَانُ فَلَا تَصُومُوا۔ "جب شعبان نصف ہو جائے تو روزے نہ رکھو۔"
[ سنن ابی داود کتاب الصوم باب فی کراہیۃ ذلک (2337)]
یہ تین نفلی روزے ایک طرح سے رمضان کی تیاری بھی ہیں ۔ اگر آپ خود یہ نفلی روزے نہیں رکھ سکتے تو دوسروں کو یاد کروائیں کہ نیکی کے بارے میں بتانے والے کو بھی عمل کرنے والے کا اجر ملتا ہے ۔
اللہ سبحانہ و تعالی ہمیں اپنے پیارے نبی حضرت محمد صلی اللہ علیہ وسلم سے محبت کرنے والوں میں شامل فرما لے جو اپنے حبیب صلی اللہ علیہ وسلم کی سنتوں پر عمل کرنے والے اور ان کو رواج دینے والے ہیں ، اور ہمارے تمام نیک اعمال قبول فرما لے۔

 

جزاک اللہ خیرا

 

جزاک اللہ خیرا

 

جزاک اللہ خیرا وبارک اللہ فیک
ماشاء اللہ گرافکس بنانے کیلئے بہت اچھا مواد مل گیا ہے۔

 

وایاک۔

 

جزاک اللہ خیرا۔
کل کسی نے اپ ڈیٹ ہی نہیں کیا : (

 

اس سال کے ایام بیض گزررہے ہیں۔