اپنی لاجک بہتر بنائیے

بسم اللہ الرحمن الرحیم​

اگر آپ پروگرامر بننا چاہتے ہیں تو آپ کو اپنی لاجک ( مسئلہ حل کرنے کی صلاحیت) کو بہتر بنانا ہوگا۔ کوئی بھی پروگرامنگ لینگویج سیکھنا مشکل نہیں ہے اگر آپ کی لاجک پختہ ہو۔ پروگرامنگ کی لاجک کا حساب یعنی متھمیٹکس کے ساتھ بہت گہرا تعلق ہے اس لیے اچھے پروگرامر بننے کے لیے میتھس کی سکلز بہت اچھی ہونی چاہیے۔
اسی غرض سے آئلر پراجیکٹ https://projecteuler.net ترتیب دیا گیا ہے۔ اس میں حساب کے بے شمار چیلنجز دیے گئے ہیں جن کو حل کرنے سے دماغی مشق ہونے کے ساتھ ساتھ آپ کی پروگرامنگ اچھی ہوتی جائے گی۔
یہ چیلنجز ایسے طلبہ کے لیے مددگار ثابت ہوں گے جن کو اپنا سلیبس مشق کے لیے ناکافی لگتا ہے، یا وہ لوگ جن کا شعبہ حساب یا پروگرامنگ نہیں ہے لیکن ماضی میں وہ اس میں دلچسپی رکھتے تھے۔ یا پھر وہ پروفیشنلز جو اپنی مسئلہ حل کرنے کی صلاحیت (problem solving skill) کو جدید تقاضوں سے ہم آہنگ رکھنا چاہتے ہیں۔

اس پراجیکٹ سے مستفید ہونے کے لیے آپ کو پہلے رجسٹر ہونا پڑے گا۔ پھر مسائل باری باری حل کرتے جائیے۔ جیسے ہی آپ کسی مسئلہ کا جواب درست دے دیں گے تو آپ کو اس سے متعلقہ تھریڈ نظر آتا جائے گا۔ اس تھریڈ میں کمیونٹی میں شامل مختلف لوگوں نے اپنے تجربات اور مسئلہ کو حل کرنے کے لیے کوڈز وغیرہ شئیر کیے ہوتے ہیں۔ یہ آپ کے لیے بے حد مددگار ثابت ہوں گے۔

 

بہت خوب

 

: ) میں نے سوچا شاید علم المنطق کی کلاس شروع ہو رہی ہے : ) سر سے گزر گیا۔

 

جی، لاجک آپ لوگ علم المنطق میں پڑھتے ہیں اور تقریبا وہی لاجک ہمارے ڈسکریٹ میتھس کے کورس کا ایک حصہ ہوتا ہے۔
مگر یہاں پر لاجک کا عمومی معنی مراد ہے جو پرابلم سالو کرنے کے لیے استعمال ہوتی ہے۔

 

جزاک اللہ خیرا، میں نے بھی سوچا کہ اللہ خیر کرے کونسی لاجک کی بات ہو رہی ہے۔ ۔ ۔ ۔

 

بالکل
اس میں کوئی شک نہیں کہ پروگرامنگ سے دماغ تیز ہوتا ہے۔
پروگرامنگ میں ہم لوگ Decision پر بہت زیادہ زور دیتے ہیں کہ اگر یہ ویلو اسطرح ہو تو پھر اس کا کیا نتیجہ نکلتا ہے۔ پھر جب کوئی ایرر آتا ہے تو بہت ہی سوچنا پڑتا ہے کہ یہ کیوں آیا ہے۔