عفراء کے دو ہزار مفید پیغامات مکمل

السلام علیکم ورحمۃ اللہ وبرکاتہ
ماشاءاللہ مجھے یہ دیکھ کر خوشی ہوئی کہ اردو مجلس کی باصلاحیت اور متحرک ویب ماسٹر عفراء سسٹر کے دو ہزار پیغامات مکمل ہو چکے ہیں ۔ پہلے تو یقین نہیں آیا کیوں کہایک تو شروع میں عفراء کی رفتار بہت محتاط تھی، دوسرا وہ زیادہ تکنیکی چیزیں دیکھتی تھیں جو عموما پس پردہ کام ہوتا ہے ، دوبارہ سہ بارہ دیکھ کر یقین کرنا پڑا کہ میری چھوٹی سی سہیلی دو ہزاری ہو چکی ہیں ۔ ساتھ ہی یاد آیا کہ اردو مجلس کے اپ گریڈ اور تکنیکی مسائل سے ذہن آزمائی کے دوران منتظمین کی پوسٹنگ کی رفتار خاصی طوفانی ہو گئی تھی، یہ اسی کا نتیجہ ہے ورنہ عفراء فورم کی بجائے فورم سوفٹوئیرز کے ساتھ وقت گزارنے کو ترجیح دیتی ہیں، : ) اور اس تکنیکی دھیان گیان میں ان کو پوسٹ کر نے کا خیال کم ہی آتا ہے۔ : )

میری جانب سے عفراء کو یہ اہم سنگ میل عبور کرنے پر
بہت بہت مبارک باد

اللہ سبحانہ و تعالی آپ کے اخلاص میں اضافہ کرے اور آپ کو دنیا و آخرت کے ہر میدان میں کامیاب کرے۔ ​

ہماری یہ باصلاحیت منتظم ستمبر 2012 میں اردو مجلس پر رجسٹر ہوئی تھیں لیکن خاموش قاری قسم کی رکن تھیں، انتظامیہ میں شامل کرنے کے صائب فیصلے کےبعد سے ہم ان کی زبردست تکنیکی صلاحیتوں سے مسلسل فائدہ اٹھا رہے ہیں اور ان کی نئی نئی خوبیوں کو دریافت کر رہے ہیں، اردو مجلس پر حال ہی میں جو مشکل وقت آیا تھا اس دوران جن ارکان مجلس نے مسلسل رابطہ رکھا اور اردو مجلس سے ہر ممکن تعاون کیا ان میں یہ بھی شامل تھیں اور اب بھی تعلیمی مصروفیت کے باوجود اردو مجلس ٹیم کے ساتھ مل کر انتظامی مسائل میں مدد کے لیے باقاعدہ وقت نکال رہی ہیں۔ کبھی میں ان کو یونیورسٹی میں بہت تھکا ہوا دیکھ کر آتی ہوں اور شام میں پھر مجلس پر آن لائن دیکھتی ہوں تو دل سے دعا نکلتی ہے کہ وہ انہیں اس محنت کا اجر دے۔حقیقت یہ ہے کہ گزشتہ پانچ برسوں سے اردو مجلس پر اپنی رکنیت کے دوران میں نے ارکان مجلس میں اخلاص کا یہی عالم دیکھا ہے، گویا یہ ساری ٹیم ایک ہی مزاج کے لوگوں کی ہے، اللہ سبحانہ و تعالی نے عبدالرحمن بھیا رحمہ اللہ کو بہت اچھے ساتھی عطا کر دئیے جو آج تک ان کا مشن جاری رکھے ہوئے ہیں۔
میری اور عفراء کی بہت عرصے سے دوستی ہے، ہماری پہلی تفصیلی ملاقات دعوت دین کے ایک نیک موقع پر ہوئی تھی،ہم نے مل کر کھانا بھی کھایا اور سیل نمبر ایکسچینج کیے، عمر، اور علمی میدانوں کے کافی فرق کے باوجود حب فی اللہ کی بنیاد پر رابطہ جاری رہا ، دوستی مضبوط ہوتی گئی ، لیکن یہ کہنا درست ہو گا کہ اردو مجلس پر مجھےان کی گہری شخصیت کی وہ خوبیاں پتا چلیں جو عام زندگی میں میرے مشاہدے میں نہیں آ سکیں۔ میں ان کو بہت سنجیدہ اور تکنیکی دنیا کی بندی سمجھتی تھی لیکن یہ تکنیکی دنیا میں بین الاقوامی معیار کی تحقیق کرنے کے ساتھ ساتھ بہت خوش مطالعہ، خوش ذوق اور خوش مزاج انسان ہیں، ان کے پاس صرف کمپیوٹر سائنس کا علم ہی نہیں، کپڑوں کی سلائی، کھانا پکانے اور بیکنگ کی بھی ماہر ہیں ماشاءاللہ ۔ اردو مجلس پر ان کی مفید تجاویز اور عملی صلاحیتوں کا اثر بھی نظر آ رہا ہے۔ الحمدللہ خوشی ہوتی ہے کہ اردو مجلس کی تکنیکی ٹیم ایسے مخلص افراد پر مشتمل ہے جو مجلس کو اتنے اچھے انداز میں چلا رہے ہیں کہ محسوس نہیں ہوتا کہ یہ صرف رضاکارانہ کام کرنے والے لوگ ہیں۔ بے شک کوئی کام اللہ کی خاطر کیا جاتا ہے تو اللہ سبحانہ و تعالی اس کے لیے افراد اور وسائل خود مہیا کر دیتے ہیں۔ اللہ کرےاردو زبان میں دعوت دین کا یہ پاکیزہ کارواں یونہی چلتا رہے، اور باصلاحیت لوگ اس میں شامل ہو کر اس کی رونق بڑھاتے رہیں۔

 

وعلیکم السلام ورحمۃ اللہ وبرکاتہ
اردو مجلس کی بندش کے بعد اس کو دوبارہ زین فورو پر منتقل کرنے کا سارا کام عفراء سسٹر نے کیا ہے اور اس کے علاوہ بھی انہوں نے مشکل تکنیکی امور سرانجام دیئے ہیں۔
اللہ تعالی ان کی عمر اور علم میں برکت ڈالے۔
اللہ تعالی ان کو اپنے دین کی نشر و اشاعت کا ذریعہ بنائے۔

 

سسٹر عفراء آپ کو بہت بہت مبارک ہو۔ سسٹر ام نور العین نے جن الفاظ میں ان کی تعریف کی ہے یہ یقینا اس کی مستحق ہے۔ مجلس کو دوبارہ فعال کرنے میں سب سے زیادہ ان کی محنت شامل ہے۔ اللہ تعالی انہیں دین و دنیا میں بھلائ اور کامیابی عطا فرماۓ۔ آمین!

سسٹر ام نور العین اطلاع دینے کا شکریہ۔

 

ہائیں عین باجی یہ کس چیز کا بدلہ لیا ہے آپ نے مجھ سے

 

بوتی بوتی مبارک ہوئے جی ساڈے ولوں وی ماشاءاللہ.. اس میں کوئی شک نہیں کہ آپ کے مراسلات سے بہت فائدہ ہوتا ہے..
اللہ آپ کو ہمیشہ ایسے ہی فعال رکھے تاکہ ہم بھی زیادہ سے زیادہ استفادہ کر سکیں.
عین باجی مطلع کرنے پر شکریہ.

 

بهت بهت مبارک هو سسٹر، الله. آپ کی محنت کو قبول فرمائے. آمین

 

عفیرہ کا نام بھلانے کا : ) وہ کہہ رہی تھی اچھا تو یہ تھیں جن کی وجہ سے آپ میرا نام بھول جاتی ہیں۔

 

بہت بہت مبارک ہو عفراء سسٹر
اللہ آپ کے نیک کام قبول کرے ، اور اسے آپ کے لئے صدقہ جاریہ بنائے - آمین
عین سسٹر مطلع کرنے کا شکریہ

​

 

و علیکم السلام و رحمۃ اللہ و برکاتہ

عفراء سس آپ کو بہت بہت مبارک ہو اللہ آپ کو دنیا و آخرت کی تمام خوشیاں عطاء فرمائے

 

وعلیکم السلام ورحمة الله وبركاته
ماشاءاللہ
عفراء بہت بہت مبارک ہو .اللہ تعالی آپکی محنت کو قبول فرمائے آپکے علم ، عمل ،رزق اورعمر میں برکت دے آمین یا رب العالمین.
سسٹر عین اطلاع دینے کا شکریہ.

 

اللہ تعالی آ پکی کاوشوں کو قبول کرے اور آپکو عزت و برکت عطاء فرمائے(امین)

 

ﻋﻔﺮﺍﺀ ﺳﺲ ﺁﭖ ﮐﻮ ﺑﮩﺖ ﺑﮩﺖ
ﻣﺒﺎﺭﮎ ﮨﻮ ﺍﻟﻠﮧ ﺁﭖ ﮐﻮ ﺩﻧﯿﺎ ﻭ ﺁﺧﺮﺕ
ﮐﯽ ﺗﻤﺎﻡ ﺧﻮﺷﯿﺎﮞ ﻋﻄﺎﺀ ﻓﺮﻣﺎﺋﮯ- آمین

 

جزاک اللہ خیرا۔ آپ سب کی دعاؤں اور حوصلہ افزائی کا شکریہ۔ اللہ تعالیٰ قبول فرمائے اور ہم سب سے دین کا کام لے اور شیطان کے شر سے محفوظ رکھے۔

آئی سی۔ سزا کافی بڑی ہے اس کے مقابلے میں! ان کو کہیں بڑوں کا حق زیادہ ہوتا ہے میں ان سے پہلے دنیا میں آئی تھی ؛)
اللہ تعالیٰ آپ کا مجھ گناہگار سےحسن ظن قائم رکھے۔ اور کیا کہہ سکتی ہوں شرمندہ تو آپ نے خاصہ زیادہ کر دیا ہے۔ پڑھنے والے سمجھ سکتے ہیں کہ جو دوسروں کے بارے میں گمان اچھا رکھتے ہیں اصل میں وہ خود ہی اچھے ہوتے ہیں اگلے کا کمال نہیں ہوتا!

جی آپ سے ابھی بہت پیچھے ہیں فکر نہ کریں ؛)

پہلے تو ایسا نہیں تھا مگر اب ایسا ہی ہے۔ کچھ دن قبل اپنی دوست سے میں کہہ رہی تھی کہ لوگوں سے ڈیل کرنا مجھے نہیں آیا۔ اس لیے کیوں نہ بالواسطہ ہی خدمت کی جائے۔

مزید تبصرہ نہیں کروں گی بس آپ سے دوستی کے حوالے سے اتنا کہنا چاہتی ہوں:
یہ فخر تو حاصل ہے برے ہیں کہ بھلے ہیں
دو چار قدم ہم بھی تیرے ساتھ چلے ہیں

 

وعليكم السلام ورحمة الله وبركاته
عفرا سسٹر آپ کو بہت بہت مبارک هو اللہ آپ کی محنت کو قبول فرمائے دنیا اور آخرت میں کامیاب کرے عمل اور علم میں اضافہ فرماے آمین یارب العالمین
عین بہنا اطلاع دینے کا شکریہ اللہ آپ کی پرخلوص محنت کو قبول فرماے اور دنیا اور آخرت میں کامیاب کرے آمین

 

و علیکم السلام و رحمۃ اللہ و برکاتہ
ماشاء اللہ
بہت بہت مبارک ہو سسٹر

 

بہت بہت مبارک ہو

 

آمین ،
اچھا شعرہے، لیکن ابھی تو بہت چلنے کا ارادہ ہے اللہ توفیق دے ۔

ہمم پبلک فورمز پر ایسا ہوجاتا ہے ۔ لیکن بددل نہ ہوں، شیطان برے لوگوں کو اکساتا ہے کہ اچھے کام میں رکاوٹ ڈالے ۔ اللہ آپ کی مدد کرے۔

 

نہیں میں نے فورمز کے حوالے سے یہ بات نہیں کہی عمومی بات کی تھی۔ فورم کا تجربہ الحمد للہ برا نہیں۔ اردو مجلس کی ٹیم تو بہت اچھی ہے۔