معاصی اور شہوات میں مال خرچ کرنا

بسم اللہ الرحمن الرحیم

يَقُولُ أَهْلَكْتُ مَالًا لُّبَدًا﴿٦: سورۃ البلد﴾​

"کہتا ہے میں نے بہت سا مال برباد کیا ہے۔" یعنی بہت زیادہ مال، ایک دوسرے کے اوپر چڑھا ہوا۔

اللہ تعالیٰ نے شہوات اور معاصی میں مال خرچ کرنے کو "ہلاک کرنے" سے موسوم کیا ہے، کیونکہ اس راستے میں مال خرچ کرنے سے ندامت، خسارے، تکان اور قلت کے سوا کچھ حاصل نہیں ہوتا۔ اس شخص کے مانند نہیں جو اللہ تعالیٰ کی رضا کے لیے بھلائی کے راستے میں خرچ کرتا ہے، کیونکہ اس شخص نے اللہ تعالیٰ کے ساتھ تجارت کی اور جو کچھ اس نے خرچ کیا اس سے کئی گنا نفع اٹھایا۔ اللہ تبارک وتعالیٰ نے اس شخص کو جو اپنی شہوات میں مال خرچ کر کے فخر کرتا ہے، وعید سناتے ہوئے فرمایا :
أَيَحْسَبُ أَن لَّمْ يَرَهُ أَحَدٌ﴿٧﴾
یعنی وہ اپنے اس فعل کے بارے میں سمجھتا ہے کہ اللہ تعالیٰ اس کو دیکھتا ہے نہ وہ چھوٹے بڑے اعمال کا اس سے حساب ہی لے گا بلکہ اللہ تعالیٰ نے اس کے اعمال کو دیکھا، ان کو محفوظ کر لیا اور اللہ تعالیٰ نے اس کے ہر اچھے برے عمل پر کراما کاتبین مقرر کر دیے ہیں۔

بحوالہ: تفسیر السعدی​

 

جزاكِ الله خيرا

 

جزاک اللہ خیرا بہت ہی اچھا سلسلہ ہے۔
تفسیر سعدی بہت ہی اچھی تفسیر ہے۔

 

وایاک

 

جزاک اللہ خیرا۔

 

جزاک اللہ خیرا

 

وایاکم