لاہور واہگہ بارڈر پر خود کش دھماکا ، خواتین اور بچوں سمیت بیسیوں افراد ہلاک

لاہور: واہگہ بارڈر کے قریب خودکش حملے میں بچوں، خواتین اور رینجرز اہلکاروں سمیت 57 افراد جاں بحق ہوئے جس میں ایک ہی خاندان کے 8 افراد بھی شامل ہیں جبکہ رینجرز اہلکاروں سمیت 70 سے زائد افراد زخمی بھی ہوئے۔

ایکسپریس نیوز کے مطابق خودکش دھماکا واہگہ بارڈر پر پرچم اتارنے کی تقریب ختم ہونے کے بعد ہوا جس کے نتیجے میں بچوں، خواتین اور رینجرز اہلکاروں سمیت 57 افراد جاں بحق ہوئے جن میں ایک ہی خاندان کے 8 افراد بھی شامل ہیں، دھماکے میں رینجرز اہلکاروں سمیت 70 سے زائد افراد زخمی بھی ہوئے جبکہ بارڈر کے قریب واقع کئی دکانوں اور گاڑیوں کو بھی نقصان پہنچا، قانون نافذ کرنے والے اداروں نے دھماکے کے بعد جائے وقوعہ پر پہنچ کر علاقے کو گھیرے میں لے لیا جبکہ ریسکیو اہلکاروں نے زخمی افراد کو گھرکی اور سروسز اسپتال منتقل کردیا ہے جہاں انہیں طبی امداد فراہم کی جارہی ہے تاہم اسپتال ذرائع کا کہنا ہے کہ زخمیوں میں سے بھی بعض کی حالت تشویشناک ہے۔

دھماکے کے بعد لاہور کے تمام سرکاری اسپتالوں میں ایمرجنسی نافذ کردی گئی جب کہ گھرکی اسپتال جہاں لاشوں اور زخمیوں کو لایا گیا وہاں قیامت صغریٰ کے مناظر دیکھے گئے، لوگ اپنے پیاروں کی لاشوں سے لپٹ کر دھاڑیں مار مار کر روتے رہے جب کہ اسپتال انتظامیہ کی جانب سے شہریوں سے خون کے عطیات دینے کی اپیل کی گئی، اسپتال میں جگہ کم پڑجانے کے باعث لاشوں کو پارکنگ ایریا میں رکھا گیا جنہیں بعد ازاں شناخت کے بعد ورثا کے حوالے کردیا گیا، حملے کی ذمہ داری کالعدم جند اللہ، کالعدم احرار الہند اور کالعدم تحریک طالبان کے محسود گروپ نے قبول کی ہے۔

آئی جی پنجاب مشتاق سکھیرا نے ایکسپریس نیوز سے خصوصی بات کرتے ہوئے بتایا کہ واہگہ بارڈر کے قریب کئے جانےو الا حملہ خود کش تھا جس میں 12 سے 15 کلو بارودی مواد، بڑی تعداد میں بال بیئرنگز اور کیلوں کا استعمال کیا گیا۔ انہوں نے بتایا کہ جب بارڈر پر پرچم اتارنے کی تقریب ختم ہوئی تو خودکش حملہ آور نے گھروں کو جانے والے افراد کے بیچ میں پہنچ کر خود کو دھماکے سے اڑالیا جس کی وجہ سے اتنی قیمتی جانوں کا ضیاع ہوا۔ آئی جی پنجاب کا کہنا تھا کہ محرم الحرام کے حوالے سے صوبے بھر میں سیکیورٹی کے انتہائی سخت انتظامات کئے گئے ہیں لیکن انتظامات جیسے بھی ہوں خودکش حملے کا خطرہ ہمیشہ رہتا ہے۔ وزیر اعلیٰ پنجاب شہباز شریف نے واقعے کی شدید مذمت کرتے ہوئے جاں بحق افراد کے لواحقین کے لئے 5، 5 لاکھ، شدید زخمی ہونے والوں کے لئے 75، 75 ہزار اور معمولی زخمی ہونے والوں کے لئے 25، 25 ہزار روپے امداد کا اعلان کیا ہے۔

http://www.express.pk/story/299977/
اناللہ وانا الیہ راجعون

 

اللہ کی لعنت ہو یہ حملہ کرنے والے پرچاہے خودکش ہو یا نہیں !

 

ان للہ وانا الیہ راجعون

 

انتہائی افسوسناک خبر ۔۔۔
حملے کی پیشگی اطلاع دے دی گئی تھی ، لیکن ہؤا وہی جو دہشتگرد چاہتے تھے ،
مجھے کیوں ایسا لگتا ہے کہ جب بھی ایسا حادثہ ہوتا ہے ، پیشگی اطلاع ، احیتاط برتنے کے لیے نہیں بلکہ کھلے عام دھمکی دی جاتی ہے کہ لو ہم حملہ کرنے آرہے ہیں جو کرنا ہے کرلو۔۔۔۔چیلنج ہے

 

واہگہ بارڈرخود کش حملہ: ذمہ داری بیک وقت کالعدم جنداللہ، حکیم اللہ محسود گروپ اور جماعت الاحرار نے قبول کر لی
لاہور(مانیٹرنگ ڈیسک) واہگہ بارڈر کے قریب ہونے خود کش حملے کی ذمہ داری ملک میں کام کرنے والی تین کالعدم تنظیوں جنداللہ، جماعت الاحرار اور حکیم اللہ محسود گروپ نے قبول کر لی ہے۔ نامعلوم مقام سے میڈیا کو جاری ایک بیان میں جنداللہ کے ترجمان نے کہا ہے کہ یہ خود کش حملہ شمالی وزیرستان میں جاری پاک فوج کے آپریشن ضرب عضب کا رد عمل ہے جس میں نشانہ رینجرز اہلکار تھے۔دوسری جانب تحریک طالبان پاکستان سے علیحدگی اختیار کرنے والی جماعت الاحرار اور حکیم اللہ محسود گروپ نے بھی مختلف میڈیا گروپس کو فون کر کے اس واقعے کی ذمہ داری قبول کی ہے۔ واضح رہے اس خود کش حملے میں کم از کم پچاس افراد جاں بحق اور سو سے زائد زخمی ہوئے ہیں جبکہ جاں بحق ہونے والے بیشتر افراد عام شہری ہیں۔
http://dailypakistan.com.pk/national/02-Nov-2014/159090

 

اس وقت پاکستا ن ایک انتہائی تشویسناک صورتحال سے دوچار ہے۔طالبان کے دہشتگردوںاور ان کے ساتھیوں نے ہمارے پیارے پاکستان کو جہنم بنا دیا ہے،50 ہزار کے قریب معصوم اور بے گناہ لوگ اپنی جان سے گئے،پاکستان کی اقتصادیات آخری ہچکیاں لے رہی ہے اور داخلی امن و امان کی صورتحال دگرگوں ہے۔ مذہبی انتہا پسندی عروج پر ہے۔ انتہا پسندی، فرقہ واریت اور دہشت گردی جیسی قبیح برائیوں کی اسلام میں کوئی گنجائش نہیں۔خودکش حملے اور بم دھماکے اسلام میں جائز نہیں.دہشتگردی کی وجہ سے پاکستان کی معشت کو ایک کھرب تین ارب ڈالر کا نقصان ہو چکا ہے جو کہ جاری ہے۔
معصوم شہریوں، عورتوں اور بچوں کو دہشت گردی کا نشانہ بنانا، قتل و غارت کرنا، بم دہماکے کرنا،خود کش حملوں کا ارتکاب کرنا دہشتگردی ہے ،جہاد نہ ہے،جہاد تو اللہ کی راہ میں ،اللہ تعالی کی خشنودی کے لئےکیا جاتا ہے۔ کسی بھی مسلم حکومت کے خلاف علم جنگ بلند کرتے ہوئے ہتھیار اٹھانا اور مسلح جدوجہد کرنا، خواہ حکومت کیسی ہی کیوں نہ ہو اسلامی تعلیمات میں اجازت نہیں۔ یہ فتنہ پروری اور خانہ جنگی ہے،اسے شرعی لحاظ سے محاربت و بغاوت، اجتماعی قتل انسانیت اور فساد فی الارض قرار دیا گیا ہے۔جہاد کا فیصلہ افراد نہیں کر سکتے،یہ صرف قانونی حکومت کر تی ہےلہذا طالبان اور دوسری دہشت گر جماعتوں کا نام نہاد جہاد ،بغاوت کے زمرہ میں آتا ہے۔ اسلام میں ایک بے گناہ کا قتل تمام انسانیت کا قتل تصور ہوتا ہے۔ چندانتہاپسندعناصرکی وجہ سے پوری دنیا میں اسلام کاامیج خراب ہورہا ہے۔ معصوم اور بے گناہ لوگوں ، عورتوں اور بچوں کا قتل اسلام میں ممنوع ہے۔

 

بالکل بجا فرمایا بھائی
اگر بے گناہوں کا قتل کرنا جہاد ہے تو پھر خوارج سب سے عظیم تر مجاہد ہوئے۔
اسلام امن اور سلامتی کا دین ہے۔ ان جیسے گروپوں نے ہمیشہ اسلام کا نام استعمال کرکے مسلمانوں کا قتل عام کیا ہے۔
ایک طرف کافر بے گناہ مسلمانوں کو قتل کررہے ہیں اور دوسری طرف یہ نام نہاد مجاہد اپنے ہی مسلمانوں کا خون بہا رہے ہیں۔
چلو مان لیا کہ یہ غیر ملکی ایجنسیاں ہیں تو پھر تحریک طالبان پاکستان ذمہ داریاں کیوں قبول کرتی ہیں۔ اللہ تعالی مسلمانوں کو خوارج اور منافقوں سے بچائے۔

 

انا للہ وانا الیہ راجعون
اللہ کی لعنت ہو ایسے کام کرنے والوں پر جو ایسی درندگی کر کے بے گناہ لوگوں کو قتل کرتے ہیں۔ اللہ کی پکڑ میں ضرور آئیں گے، ان شاءاللہ

 

انا لله و انا الیه راجعون

 

ان للہ وانا الیہ راجعون

اللہ تبارک و تعالیٰ پاکستانی شہریوں کو اپنے حفظ و امان میں رکھے آمین اور افسوسناک سانحہ میں جاں بحق ہونے والے پاکستانی شہریوں کی مغفرت فرمائے، آمین

 

یہ لعنت ان لوگوں پر بھی کرے جو ڈالر کے لیے اپنی ماں تک بیچتے ہیں جو حربی کافرکے ساتھ مل کر ایک مسلمان ملک پر حملہ کروائے یا مدد کرے ، اور جو قبائیلی عوام کا صرف اس لیے خون بہائے تاکہ چند ڈالر ملے ،

 

بھائی برابر ہیں وہ تمام لوگ جو بے گناہ مسلمانوں کا خون بہاتے ہیں چاہے وہ کفارکے ساتھ مل کر ہو یا اسلام کے نام پر۔

 

همارے جاننے والے انڈیا کے لوگ کہتے هیں پاکستانی واحد قوم دیکهی هے جو چند منٹ بهی نہیں گزرتے اور خد اپنے ملک کے لوگوں کا نام لینا شروع کر دیتی هے کہ هم نے هی یہ جرم کیا هے یہ سب تو نام لینے والے بدنام کرنے والے اور یہ سب جرم کرنے والے کون هیں اللہ جانتا هے لیکن هم کسی کا نام لیں سنی سنائ باتوں پر اور کام کسی اور نے کیا هو کیا هم بهی ایک اللہ کے هاں جرم نہیں کر رهے کیا قیامت والے دن هم ان الزام کو کیسے ثابت کریں گے جب تک اپنی آنکهوں سے نہ دیکھیں کیسے کسی پر الزام لگا سکتے هیں کیسے هم اللہ کے سامنے ثابت کریں گے کہ واقعی یہ کام کس کا هے اس لیئے اللہ سے ڈرتے هوے کسی کابهی نام لیئے بغیر دعا کریں کہ یارب تو همیں سہی مسلمان بنادے جب هم خو د صیح مسلمان هوں گے تو کسی دوسرے مسلمان کو کیسے تکلیف دے سکتے هیں ؟؟؟؟؟؟؟

 

اتنے بڑے سانحے پر بھی تکفیریوں اور امریکی ایجنٹوں کو ترس نہیں آیا، اپنی اپنی ڈفلی لے کر اپنا راگ بجانے پہنچ گئے۔ عام پاکستانی انہی کی جنگ میں پس رہا ہے۔

 

بال کی کھال نکالنی ہو تو پوچھا جا سکتا ہے کہ اس دعا میں دیہاتیوں اور پاکستانی فورسز کا ذکر کیوں نہیں؟ وفات پانے والے رینجرز اہلکار بھی پاکستانی ہی تھے! جو پاک فوج کو نکال کر پاکستان کی بات کرتے ہیں وہی پاکستان کے دشمن ہیں۔

 

انا لله و انا الیه راجعون

 

محترم بہن بصد شوق بال کی کھال نکالنے کا شوق پورا کریں۔ دیہاتی شہریوں میں شامل ہیں۔ باقی باتوں کے جواب کا میں مکلف نہیں۔

 

جار دے شم لالیا