ڈرتا نہیں جو کبھی خدا سے، ڈر جاتا ہے زمانے سے

ڈرتا نہیں جو کبھی خدا سے، ڈر جاتا ہے زمانے سے
کبھی ہے اپنے بھائی سے جھگڑا ، اور کبھی بیگانے سے

دورنگی اپنانے والے ، اپنے اندر جھانک کے دیکھ
گھر سے بھی آرام ہے غائب ، چین گیا میخانے سے

وقت پڑا ہے امت پر ، اور تو اپنے حال میں مست
اس دنیا میں تجھ کو غرض ہے بس دینار کمانے سے

سچ ہوتا ہے کڑوا، لیکن اس کو پینا پڑتا ہے
ہم سے سن روداد حقیقت ، جان چھڑا افسانے سے

یاد خدا کی برکت ہی سے، مل جاتا ہے دل کو سکون
آگے پیچھے کیوں ہوتا ہے پھر تو مسجد جانے سے

حاکم اپنے رب کو مان اور منزل کر آسان اپنی
صبح کا بھولا لوٹ آئے شاید یوسف کے سمجھانے سے

شاعر: محمد یوسف چوہدری - کویت​

 

بہت خوب۔شئرنگ کا شکریہ

 

جزاک اللہ خیرا

 

بہت خوب.
عوام الناس کی اکثریت زندوں سے نہیں بلکہ مردوں سے ڈرتی ہے..اللہ سےڈرنا شروع کر دیں تو مخلوق کا خوف ختم ہو.

 

واہ بہت خوب