حرمین سے قرآن مجید کی تعلیم جہاں آپ ہوں ۔۔۔ مقرأة الحرمين اب آن لائن

بسم اللہ الرحمن الرحیم
السلام علیکم ورحمۃ اللہ وبرکاتہ
​

انسانوں میں بہترین وہ ہیں جو قرآن سیکھ رہے ہیں یا سکھا رہے ہیں۔ اگر آپ بھی قرآن مجید کی تعلیم حاصل کرنا چاہتے ہیں یا اس میں مزید مہارت حاصل کرنا چاہتے ہیں تو اس مبارک ویب سائٹ کے ذریعے اپنے خواب کو حقیقت بنائیے۔
فی الحال یہ دو زبانوں عربی اور انگریزی میں ہے۔

http://maqraa.com/ar/
http://maqraa.com/en​

یہ ویب سائٹ اصل میں حرمین شریفین کی انتظامیہ کی جانب سے شروع کیے گئے تعلیمی نظام کا ایک حصہ ہے۔ اس پروگرام کے مطابق حرمین شریفین (مسجدالحرام اور مسجد نبوی) میں آنے والے نمازیوں، حاجیوں اور معتمرین (عمرہ کرنے والوں) کو قرآن مجید کی تعلیم دی جاتی ہے جس کے لیے جگہیں مقرر ہیں، جو لوگ کچھ عرصہ بھی وہاں رہیں وہ اس نظام سے فائدہ اٹھا کر اللہ کی کتاب کا علم حاصل کر سکتے ہیں اور کامیابی سے مکمل کرنے پر اسناد،اجازہ یا شہادہ بھی حاصل کر سکتے ہیں ۔ اب یہ سہولت آن لائن بھی شروع کر دی گئی ہے جس کی وجہ سے دور دراز کے رہنے والے وہ مسلمان بھی اس سے فائدہ اٹھا سکیں گے جو کبھی ان دو مبارک مساجد تک نہیں جا سکے۔ اس وقت 111 ممالک سے تعلق رکھنے والے طلبہ اس نظام سے تعلیم حاصل کر رہے ہیں۔
اللہ سبحانہ و تعالی اس مبارک تعلیمی منصوبے کو کامیاب کرے، زیادہ سے زیادہ مسلمانوں کو اس سے فائدہ اٹھانے کی توفیق دے اور اس منصوبے پر کام کرنے والے تمام افراد کو بہترین اجر دے۔

 

ماشاء اللہ

 

خادم الحرمین الشریفین کی جانب سے شروع کیے گئے توسیع حرم کے منصوبے کے تحت آن لائن قرآن کریم کی کلاسز کا بھی اہتمام کیا گیا ہے۔

العربیہ ڈاٹ نیٹ کی رپورٹ کے مطابق اس وقت حرم مکی کے لائن تدریس قرآن سرکل میں 70 ہزار طلباء وطالبات قران پاک کی تعلیم حاصل کررہے ہیں۔ توسیع حرم کے پروجیکٹ کے تحت اس شعبے میں بھی مزید وسعت لانے کا فیصلہ کیا گیا ہے کیونکہ آن لائن قرآن کریم پڑھنے میں دلچسپی رکھنے والے غیرملکی مسلمانوں کی تعداد میں غیرمعمولی اضافہ دیکھا گیا ہے۔

العربیہ ٹی وی کی رپورٹ کے مطابق حرم مکی میں آن لائن قرآن کی صبح وشام کلاسز جاری ہیں جن میں روزانہ 24 مرد اساتذہ اور 12 معلمات خدمات انجام دے رہی ہیں۔

http://urdu.alarabiya.net/ur/editor...ی-میں-آن-لائن-تدریس-قرآن-کلاس-جاری-ویڈیو.html

 

جزاک اللہ خیرا۔ ماشاء اللہ بہت اچھی خبر ہے۔