سید طیب الرحمان زیدی حفظہ اللہ کی بیٹی کا 41 دن میں قرآن حفظ کرنا

ملاحظہ فرمائیں یہ خبر

اور آپ کے تبصرے کا انتظار ہے

https://www.facebook.com/video.php?v=940444719313751

 

ماشاء اللہ بہت زبردست! اللہ تعالیٰ انہیں اپنا حفظ ہمیشہ یاد رکھنے کی توفیق عطا فرمائے۔ اور ان کی خواہش کے مطابق باعمل عالمہ بنائے۔

تبصرہ:
میرے مشاہدے کے مطابق جو لوگ میٹرک کے بعد یا میچور ایج میں اپنے شوق سے حفظ شروع کرتے ہیں وہ عموما جلدی مکمل کرتے ہیں۔ چند مثالیں میرے سامنے ہیں۔
یہ بلاشبہ ایک اعزاز کی بات ہے اور اس میں جو لگن قرآن کے ساتھ وابستہ ہے وہ عظیم ہے۔ مگر مجھے یہ محسوس ہوتا ہے انسان کا حفظ کرنے کا دورانیہ انمول ہوتا ہے۔ کسی کو حفظ میں زیادہ وقت لگتا ہے تو وہ اور اس کے اعزء شاید الجھن کا شکار بھی ہوجاتے ہیں۔ لیکن بعد میں اس وقت کی قدر و قیمت کا اندازہ انسان خود محسوس کرتا ہے۔ زیادہ وقت لگانے کے بھی اپنے فوائد ہیں جن میں منزل کی پختگی اور تجوید وغیرہ شامل ہیں جن میں کبھی کبھار زیادہ جلدی کرنے والے لوگ پیچھے رہ جاتے ہیں۔

 

ماشاء اللہ، اللہ اس بچی کو با عمل عالمہ بنائے اور اسے حفظ قرآن میں پختگی عطا فرمائے،
ایک عالم دین کے بارے میں بھی سنا تھا کہ انہوں نے ایک ماہ میں قرآن حفظ کیا تھا، لیکن ان کا نام یاد نہیں،

 

ماشاء اللہ.
حفظ قرآن کے حوالے سے ذاتی تجربہ تو یہ ہی کہتا ہے کہ اب جو حالات ہیں ان میں میٹرک کے بعد حفظ ہونا چاہئے کیوں کہ اب میٹرک کے بعد بچوں کو یہ محسوس ہو جاتا ہے کہ ان کا وقت ضائع ہو رہا ہے اسی سوچ کی وجہ سے مزید لگن پیدا ہوتی ہے جو وقت کو بچانے کا سبب بنتی ہے میں چھوٹی عمر میں حفظ کے لئے گیا تھا اور تین سال تقریبا فراغت میں لگ گئے.
ہمارے قاری صاحب کے پاس جو لڑکے میٹرک،ایف اے کے بعد آتے تھے وہ سال میں ہی فارغ ہو جاتے تھے حفظ کے بعد اور اب آکے پتہ چلا ہے کہ کس قدر وقت کا نقصان ہوا ہے.
واللہ اعلم.

 

السلام علیکم ورحمتہ اللہ وبرکاتہ
یہاں هی دو بڑے شیخ هیں . ان میں سے ایک شیخ کی والدہ محترمہ اپنے پانچ بچوں کو قرآن حفظ کروا رهی هیں جن میں سے تین بچے ماشاءاللہ قرآن حفظ کرچکے هیں اور باقی دو کر رهے هیں ..
اور ایک بڑے شیخ جن کے 9 بچے اپنی والدہ محترمہ سے قرآن حفظ کر رهے هیں اور ایک بچی چهوٹی هے .. همارے اپنے خاندان میں دیکهتے هوے جتنے لوگوں نے کیا اور سب بچوں کو دیکهتے هوے کہ بچے جتنی چهوٹی عمر میں کر لیں اتنا زیادہ اچها هے آجکل ان فتنوں کے دور میں جب ان کے هاته میں موبائل آجاتے هیں ....
جتنی جلدی کر لیں اچها هے ورنہ بہت مشکل هوتی هے اور جو بچے مدرسہ میں رهتے هیں ان کے لیئے اتنی مشکل نہیں هوتی وہ جلدی کر لیتے هیں ورنہ بہت مشکل هوتی هے . کچه بچوں کے دماغ بہت تیز هوتے هیں اور کچه بچے جن کو شوق بہت جلدی کر لیتے هیں اللہ هم سب کے بچوں حافظ قرآن بناے اور عمل کرنے کی توفیق عطا فرمائے آمین یا رب العالمین

 

ماشاءاللہ
اللہ تعالی بچی کے علم وعمل میں برکت دے اور عالمہ بنائےاور والدین اور اساتذہ کے لیے صدقہ جاریہ بنائے.آمین یارب العالمین

 

ماشاء اللہ

 

ماشاءاللہ ولاقوۃ الاباللہ بہت اچھی خبر ہے اور جو لوگ ابھی قرآن حفظ کرنا چاہتے ہیں ان کے لیے مہمیز بھی، اللہ تعالی ان کے سب خواب پورے کرے۔ ہمیں عالمات کی بہت زیادہ ضرورت ہے۔

 

قرآن چھوٹی عمر میں حفظ کرنا اس لیے بہتر ہوتا ہے کہ وہ پختہ ہوتا ہے، مگر اس میں والدین کو خصوصی توجہ دینی پڑتی ہے، جو والدین بچوں کو بس مدرسے کے حوالے کر کے سمجھتے ہیں کہ بس اب بچہ حافظ بن گیا تو وہیں ٹائیم ضائع ہوتا ہے، ہمارے اردو مجلس کے ایک پرانے ساتھی جنکی بیٹی نے 7 سے 8 سال کی عمر میں قرآن حفظ کر لیا تھا، وہ بتاتے ہیں کہ اس کی دادی اسے اسے روزانہ گودی میں بٹھا کر اسکی منزل اور سبقی سنتی تھیں اور انہی کی خصوصی توجہ سے وہ بچی اتنی کم عمر میں حافظہ بن گئ۔ ماشا ء اللہ۔