پاکستان: درآمدی اشیاء میں حرام اجزا کی آمیزش کا معاملہ سنسنی کی بجائے احتیاط کی ضرورت

ایک خبر کے مطابق: ملک میں کھانے پینے کی درآمد کی جانی والی 23 اشیاء کے حرام ہونے کا انکشاف ہوا ہے -
تفصیل: قومی اسمبلی کی قائمہ کمیٹی برائے سائنس اینڈ ٹیکنالوجی کا اجلاس چئیرمین طارق بشیر چیمہ کی زیر صدارت اسلام آباد میں ہوا۔ جمعیت علمائے اسلام ف کی رکن قومی اسمبلی شاہدہ اختر علی کی جانب سے توجہ دلاوٴ نوٹس پر ایڈیشنل سیکرٹری سائنس اینڈ ٹیکنالوجی محمد اعجاز نے کمیٹی کے سامنے ملک بھر میں فروخت ہونے والی تئیس حرام غذائی اشیا کی فہرست پیش کی۔ فہرست میں بتایا گیا کہ کنور چکن سوپ، فروٹ کاکٹیلز، گمی پیزا، چکن ٹونائٹ، ٹیولپ چکن، کپ سوپ ، پاستہ کریمی چکن ، فروٹ کاکٹیلز، اسٹرابری لیف ، سلما سوپ سمیت تئیس اشیا ایسی ہیں جنہیں حرام قرار دیا گیا ہے۔ ایڈیشنل سیکرٹری سائنس اینڈ ٹیکنالوجی نے مزید بتایا کہ ملک بھر میں فروخت ہونے والی سڑسٹھ فیصد اشیا جو کہ درآمد کی جاتی ہیں حرام ہیں۔ چئیرمین قائمہ کمیٹی طارق بشیر چیمہ نے تشویش کا اظہار کرتے ہوئے کہا کہ ہم سڑسٹھ سال سے حرام چیزیں استعمال کر رہے ہیں اور کسی کو پتا بھی نہیں۔ انہوں نے استفسار کیا کہ معاملے کے ذمہ دار کون ہیں؟ جس پر ایڈیشنل سیکرٹری محمد اعجاز نے بتایا کہ تاحال ملک میں ایسا کوئی ادارہ نہیں جس پر ذمہ داری عائد کی جا سکے۔ انہوں نے کہا کہ پاکستان حلال اتھارٹی کے قیام کا بل کابینہ ڈویژن کو بھجوا دیا گیا ہے۔ چئیرمین قائمہ کمیٹی طارق بشیر چیمہ نے آئندہ اجلاس میں چاروں صوبوں کے چیف سیکرٹریز اور کسٹم حکام کو طلب کر لیا۔ قائمہ کمیٹی کا آئندہ اجلاس چھبیس فروری کو ہو گا۔ -
اشیاء کے نام

Two brands of Chicken Tonight (imported from Holland)

Bubblicious (UK)

Chupa Bubble (Holland)

Pascual Yogikids (Spain)

Three brands of Skittle Fruit (UK)

Picnic Chicken (USA)

Slima Soup (UK)

Knorr Chicken Soup (France)

Cup A Soup (UK)

Tulip Chicken (Denmark)

Rice Chicken Broccoli (USA)

Pasta Chicken Broccoli (USA)

Pasta Creamy Chicken (US)

Heinz Dinner Chicken (England)

Jell-O (US)

Pop Tarts (USA)
​

Spoiler: خبر کا ربط

See more at: http://urdu.dunyanews.tv/index.php/ur/Pakistan/263207#sthash.Ym2DbTl2.dpuf

The items, according to the ministry’s data, contain ingredients like white and red wine, gelatine and E120 (animal-based food colour). Some of the food items containing chicken have been placed in the list due to “doubts” about the “slaughtering mechanism” since “stunning is prohibited” in Islam. Some other products have been placed in the list due to lack of “proper source or traceability to ascertain the Halal/Haram status”.​

Spoiler: ربط

http://www.dawn.com/news/1165567/haram-ingredients-in-most-of-imported-food-items

میرا تبصرہ: اس خبر کی وجہ سے بہت دل آزاری ہوئی ہے۔ اس سے قبل میں نے ایسی رپورٹس پر کبھی یقین نہیں کیا کہ پتہ نہیں خبر کس حد تک درست ہے اس لیے کہ صحافی بھی ملاوٹ کرتے ہیں لیکن یہ تو حکومت کے ایک ذمہ دار افسر کا بیان ہے۔اور اگر یہ بات درست ہے تو یہ صرف امپورٹڈ غذائی اشیاء کا جائزہ ہے۔ ملک میں جو کچھ بن رہا ہے اس کا جائزہ کون لے گا؟ اور اب یہ بیٹھ کر اتھارٹی بنانے کی کاغذی کارروائی کریں گے لیکن اس بات کو یقینی کون بنائے گا کہ وہ اتھارٹی میرٹ پر کام کرے گی؟ بددیانتی اور خیانت کی عادت نے ہمیں بحیثیت قوم کہاں پہنچا دیا ہے۔
دوسری طرف یہ خبر بہت غلط طریقے سے رپورٹ ہو رہی ہے جس کی وجہ سے اشتعال پھیل رہا ہے۔ کچھ نیوز سائٹس کا کہنا ہے کہ فرانس سے درآمدی کنور چکن سوپ حرام ہے لیکن بعض سائٹس سرے سے کنور چکن کیوبز وغیرہ کو حرام کہہ رہے ہیں، مجھے تو یہی سمجھ آتی ہے کہ جو کنور پروڈکٹس پاکستان میں تیار ہوتی ہے وہ حرام نہیں امپورٹڈ میں مشکوک اجزا ہیں۔ خبر کی تفصیل میں یہ بھی ہے کہ کچھ اشیاء صرف مشکوک ہیں ان کے باقاعدہ حرام یا حلال ہونے کی کافی معلومات میسر نہیں لیکن سوشل میڈیا پر لوگ اس خبر کو غلط لے رہے ہیں۔ پاکستان میں جو کنور چائینیز چکن سوپ ملتا ہے اس پر Islamic Food and Nutrition Council of America کی جانب سے حلال سرٹیفکیشن کا لوگو ہوتا ہے۔ ان کی ویب سائٹ موجود ہے: http://www.ifanca.org/Pages/index.aspx
اس پر سرٹیفائڈ پروڈکٹس کو بھی دیکھا جا سکتا ہے۔
مذہبی رجحان رکھنے والے لوگوں کو بہت احتیاط کرنی چاہیے اور خبر کی مکمل تصدیق ہونے تک اشتعال یا جذبات میں انے سے گریز کرنا چاہیے۔

 

اللہ رحم کرے یہ مسلہ بڑا قابل افسوس ہے کہ اس طرف کوئی توجہ نہیں کرتا .اگر اس طرف اقدام ہو تو اچهی بات ہے .

 

یہ مسئلہ بہت گھمبیر اور پیچیدہ ہے۔ پاکستان میں بہت سی اشیاء میں حرام اجزاء کی ملاوٹ ہوتی ہے۔ سب سے بڑی چیز جیلی، ہوٹلوں میں ملنے والا گوشت، بازار سے تلی ہوئی چیزیں وغیرہ۔ سوچا تھا اس موضوع پر لکھوں گا لیکن وقت ہی نہیں ملا۔

 

ہو سکتا ہے کچھ نہ کچھ جرائم پیشہ لوگوں کی وجہ سے ایسا ہو، مجھے لگتا ہے کہ مبالغہ آرائی ہو رہی ہے۔ جیسے بعض صحافی سنسنی پھیلا رہے ہیں۔