بسم اللہ الرحمن الرحیم کہنے کی فضیلت

بسم اللہ الرحمن الرحیم​

بسم اللہ الرحمن الرحیم کہنے کی فضیلت​

۱۔ حضرت وحشی رضی اللہ عنہ سے روایت ہے کہ انہوں نے عرض کیا '' یا رسول اللہ صلی اللہ علیہ وسلم ! ہم کھانا کھاتے ہیں لیکن سیر نہیں ہوتے ۔ ''
آپ صلی اللہ علیہ وسلم نے ارشاد فرمایا '' شائد تم لوگ الگ الگ کھانا کھاتے ہو ؟ '' انہوں نے عرض کیا '' ہاں ! رسول اللہ صلی اللہ علیہ وسلم !''
آپ صلی اللہ علیہ وسلم نے فرمایا '' کھانا اکھٹے کھایا کرو اور اس پر اللہ کا نام لے لیا کرو اللہ تعالی تمھارے کھانے میں برکت ڈال دیں گے ۔'' اسے ابن ماجہ نے روایت کیا ہے ۔

۲۔ حضرت حذیفہ رضی اللہ عنہ کہتے ہیں آپ صلی اللہ علیہ وسلم نے فرمایا'' جس کھانے پر بسم اللہ نہ پڑھی جائے اس کھانے پر شیطان کو اختیار حاصل ہو جاتا ہے ۔ '' اسے ابو داؤد نے روایت کیا ہے ۔

۳۔ حضرت جابر رضی اللہ عنہ کہتے ہیں رسول اللہ صلی اللہ علیہ وسلم نے فرمایا''( رات سونے سے قبل ) بسم اللہ پڑھ کر دروازے بند کیا کرو کیونکہ بسم اللہ پڑھ کر بند کیے گئے دروازے شیطان کھول نہیں سکتا ۔'' اسے بخاری نے روایت کیا ہے ۔

۴۔ حضرت جابر رضی اللہ عنہ کہتے ہیں رسول اللہ صلی اللہ علیہ وسلم نے فرمایا ''جب رات کا اندھیرا چھا جائے تو اپنے بچوں کو گھروں میں روک لیا کرو کیونکہ اس وقت شیطان اور جن پھیل جاتے ہیں عشاء سے کچھ دیر بعد بچوں کو چھوڑ دو اور گھر کا دروازہ بسم اللہ پڑھ کر بند کرو ، چراغ بسم اللہ کہہ کر بجھاؤ ، پانی کا برتن بسم اللہ پڑھ کر ڈھانپ دو اور دوسرے برتن بھی بسم اللہ کہہ کر ڈھانپواگر برتن ڈھانپنے کے لیے کوئی ڈھکن نہ ملے تو کوئی چیز آڑھی رکھ دو ۔ '' اسے بخاری نے روایت کیا ہے ۔

فضائل قرآن مجید
محمد اقبال کیلانی​

 

جزاک اللہ خیرا

 

جزاک اللہ خیرا

 

جزاک اللہ خیر

​