انگلیاں چٹخانے سے آواز کیوں پیدا ہوتی ہے، مسئلہ حل کے قریب

انگلیاں چٹخانے سے آواز کیوں پیدا ہوتی ہے، مسئلہ حل کے قریب

انگلیاں چٹخانے سے پیدا ہونے والی آواز کے بارے میں اب تک مختلف اندازے لگائے جاتے رہے ہیں تاہم اب کینیڈا کے سائسندانوں نے کہا ہے کہ وہ اس مسئلے کو حل کرنے کے قریب پہنچ گئے ہیں۔
اس حوالے سے کی گئی تحقیق کے لیے اس اسٹڈی کے شریک مصنف جیروم فرائر Jerome Fryer کی انگلیوں پر تجربات کیے گئے۔ ان کی انگلیوں پر ایک خاص قسم کے غلاف لپیٹا گیا پھر اس غلاف سے لپٹی ایک رسی کو تحقیقی رپورٹ کے دوسرے شریک مصنف گریگ کاوچک Greg Kawchuck نے نہایت احتیاط سے کھینچا۔
ایک تیز رفتار ایم آر آئی MRI مشین کے اندر موجود ان کی انگلیوں کو بتدریج کھینچا گیا یہاں تک کہ ان کی انگلیوں کے جوڑوں سے آواز سنائی دی۔

کینیڈا کی یونیورسٹی آف البیرٹا کے شعبہ ری ہیبیلیٹیشن rehabilitation کے پروفیسر کاوچک کے مطابق، ’’ایم آر آئی کے وقت کافی زیادہ آواز ہوتی ہے اور میں نہیں چاہتا تھا کہ ان کی انگلیوں کو کوئی نقصان پہنچے۔ اس لیے ہم نے مختلف اشارے مقرر کر لیے تھے۔‘‘ کاؤچک کا یہ بھی کہنا تھا کہ انہوں نے اپنے تجربے کے لیے جو طریقہ کار استعمال کیا اس سے زیادہ ہائی ٹیک طریقہ کار بھی استعمال کیے جا سکتے ہیں۔
ایم آر آئی کے ذریعے جو ویڈیو تیار ہوئی اس میں دیکھا جا سکتا ہے کہ انگلی کی دو ہڈیوں کی سطح جس وقت الگ ہوتی ہے اس سے بالکل تھوڑی دیر قبل جوڑوں میں پائے جانے والے سیال ’سائینوویئل فلوئیڈ‘ synovial fluid میں ایک ’ایئر کیویٹی‘ بن جاتی ہے۔
تاہم محققین چونکہ ایم آر آئی کے مقناطیسی میدان میں ایک مائیکروفون نہیں رکھ سکتے تھے اس لیے وہ یہ بات وثوق سے نہیں کہہ سکتے کہ کیویٹی کے بننا ہی دراصل آواز پیدا ہونے کی وجہ ہے۔ تاہم ان کا یہ کہنا ہے کہ ’خلا اسی وقت پیدا ہوتی ہے جب جوڑ الگ ہوتے ہیں۔‘‘
انگلیوں کو چٹخانے کے نتیجے میں پیدا ہونے والی آواز کے بارے میں اب تک مختلف خیالات کا اظہار کیا جاتا رہا ہے۔ مثلاﹰ 1947ء میں سامنے آنے والی ایک اسٹڈی کے مطابق یہ آواز دراصل ایک گیس کیویٹی پیدا ہونے کی وجہ سے سنائی دیتی ہے۔ اسی طرح 1971ء میں محققین نے خیال پیش کیا تھا کہ ہوا کا ایک بلبلہ پٹھنے کے باعث یہ آواز پیدا ہوتی ہے۔
کاوچک کے مطابق ان کی تحقیق ’’1947ء میں پیش کیے جانے والے خیال کی تصدیق کرتی ہے کہ آواز دراصل ایک کیویٹی پیدا ہونے کی وجہ سے سنائی دیتی ہے‘‘۔ تاہم ان کا یہ بھی کہنا تھا کہ اس حوالے سے ابھی وہ مزید تجربات کریں گے۔ اس طرح یہ بات بھی معلوم کرنے کی کوشش کی جائے گی کہ انگلیاں چٹخانے سے کچھ لوگوں کی آواز سنائی دیتی ہے جبکہ دیگر لوگوں میں نہیں

لنک

 

واہ جی واہ بہت بڑا مسئلہ حل ہونے کے قریب ہے۔
ابتسامہ۔

 

اس تحقیق کے بعد بے آواز چٹخنے والی انگلیوں کے لئے مارکیٹ میں کوئی نیا پراڈکٹ لانچ ہوا چاہتا ہے۔

 

جی یہ ڈیوائس لگائیں اور جتنی چاہے انگلیاں چٹخا لیں کوئ آواز پیدا نہیں ہوگی

 

ظاہر ہر بے کار لوگوں کے لیے یہی تجربات پڑے ہیں

 

ویسے بابر بھائی نماز پڑھتے ہوئے جو "گوڈے" چٹختے ہیں ان کے بارے میں محقیقین کیا کہتے ہیں؟

 

محققین کا تو پتا نہی , حکمیین ضرور جانتے ہوں گے. ابتسامہ

 

جی محققین تو نہیں طبی ماہرین ضرور کہتے ہیں کہ اب آپ کا جسم مائل بہ بڑھاپا ہے۔
آپ نے نماز کی بات کی تو پھر آپ کو کسی سعودی شباب کے ساتھ کھڑے ہو کر نماز پڑھنے کا اتفاق بھی ہوا ہوگا۔ تمام نماز کے دوران انگلیاں چٹخانے اور خارش کرنے کا پروگرام چلتا رہتا ہے اور جیسے ہی نماز ختم ہوئ یہ پروگرام ختم ہو جاتا ہے۔

 

ہاہاہاہا محققین کا تو بابر بھائی ہی بتا سکیں گے مجھے حکما کا پتہ ہے زیادہ تر کمزوری کی شکایت ہی پیش کرتے ہیں۔
اس کےلئے آپ کو بادام اور دودھ کی ضرورت ہے۔ابتسامہ۔

ویسے ان کی یہ عادت بے چینی بچپن سے ہوتی ہے یا فطرتا یہ تو اللہ ہی جانتا ہے لیکن بلامبالغہ 90 فیصد اپنے ساتھ ساتھ، ساتھ کھڑے کی نماز کا بھی بیڑا گل کردیتے ہیں۔

 

اس کو غیبت تو نہیں کہتے.

 

جی میرے خیال میں اسے اجتماعی غیبت کا نام دیا جاسکتا ہے۔ یہ کام تو میرا خیال بھی آپ بھی کرتی ہیں۔ ان خواتین کا تذکرہ کرکے جو دوران جماعت پاؤں سے پاؤں ملا کر نہیں کھڑی ہوتیں۔

 

السلام علیکم
جناب بابر تنویر اس کا حوالہ بھی عنایت کیجیے
دوران نماز چند دن پہلے یہ خیال آیا کہ مختلف جوڑوں سے یہ آواز کیوں پیدا ہوتی ہے۔

 

انگلیاں چٹخانے کی آواز پر تحقیق اور بحث غالبا اصل موضوع سے توجہ ہٹانے کے لئے شروع کی گئ ہے...








ارے بھائ ...کیا سوچ رہے ہیں...تحقیق طلب اور حل طلب وہ آوازیِں ہیں جو آپ کی نیند اڑا دیتی جب آدھی رات آنا شروع ہو جائیں.نیند کے بجائے خوف آنے لگتا ہے...خراٹوں کی آوازیں بھائ.

 

جی بھائ نوجوانی، جوانی، اور قدیم جوانی کے دنوں میں جوڑوں سے اس قسم کی کوئ صدا نہیں آتی تھی۔ یہ سلسلسہ تو نو بڑھاپے کے وقت شروع ہوا ۔ اپنے ڈاکٹر سے رجوع کیا تو اس نے یہی کہا کہ وقت کے ساتھ ساتھ جوڑوں کے درمیان خلا پیدا ہوجا تا ہے جس کی وجہ سے بیٹھتے اٹھتے وقت یہ آواز پیدا ہوتی ہے۔

 

چلیں آپ اونچائ سے نیچے اتر آئیں تو پھر اس کے بارے میں بھی تحقیق کرتے ہیں۔ ان شاء اللہ

 

جزاک اللہ خیرا
لیکن اس میں خاص کسی ملک سے تعلق رکهنے والوں ذکر نہیں ہوتا .اور واقعی اکثر ہم سب سے یہ گناہ ہوتا پے بهلا اس میں کہ ایک دوسرے کو یاد کرواتے رہیں.
اس لیے کہ میں سنا تها جس نے کسی قوم کا نام لے کر برائی بیان کی گویا پوری قوم کی غیبت کی.

 

شیئرنگ کے لئے شکریہ

 

جی بالکل نہیں بلکہ یہ تو ایک معاشرتی بیماری ہے، نماز میں انگلیاں چٹخانا، دانتوں سے ناخن کترنا، بلاضرورت خارش کرنا وغیرہ اور یہ سب ایسے کرنا کہ نماز ختم ہونےکے بعد دوبارہ موقع نہیں ملےگا۔

 

متفق!

 

میں نے بھی آج تحقیق کی ہے کہ مندرجہ بالا تحقیق غلط ہے۔ اصل میں آواز ایئر کیویٹی کے بننے سے نہیں ہوتی بلکہ ایئر کیویٹی کے ختم ہونے سے آتی ہے۔ یقین نہیں آتا تو آپ خود مندرجہ ذیل قسم کی ببل ریپڈ پیکنگ پر یہ تجربہ کر سکتے ہیں: