میرا پسندیدہ شعر ۔۔

شاید اسی کا نام جمود حیات ہے
اہل ہنر کو فرصت کسب ہنر نہیں

محرم لکھنوی

 

انہاں دے بال ساری رات روندن بھک توں سوندے نئيں
جنہاں دی کئيں دے بالاں کو کھڈیندے شام تھی ویندی
(شاکر شجاع آبادی)
ان کے بچے ساری رات بھوک سے روتے ہیں سوتے نہیں
جن کی دوسروں کے بچوں کو کھلاتے ہوۓ شام ہو جاتی ہے۔

 

کرن آیا ہیں کم جیڑھا مکا گھن شام توں پہلے
کمائ کل جو کم آوی کما گھن شام توں پہلے
اندھاری رات وی ہو سی تے چن تارے وی نہ ہوسن
جے ڈیوا بالنا ہوی ٹھہا گھن شام توں پہلے
شاکر شجاع آبادی

 

جیوندے جی میری وات نہ بجھی الٹے زخم لگاۓ نیں
بعد مرن دے لوکاں میری قبر تے پھل چڑھاۓ نیں
(نامعلوم)

 

اجالے اپنی یادوں کے ہمارے ساتھ رہنے دو
نہ جانے کس گلی میں زندگی کی شام ہو جائے

بشیر بدر

 

اندھیروں کو نکالا جا رہا ہے
مگر گھر سے اجالا جا رہا ہے

عالم خورشید

 

اے سجدہ فروش کوئے بتاں ہر سر کے لیے اک چوکھٹ ہے
یہ بھی کوئی شان عشق ہوئی جس در پے گئے سر پھوڑ لیا

جمیلؔ مظہری

 

معمول پہ ساحل رہتا ہے فطرت پہ سمندر ہوتا ہے
طوفاں جو ڈبو دے کشتی کو کشتی ہی کے اندر ہوتا ہے

ملک زادہ منظور احمد

 

ترک تعلقات پہ رویا نہ تو نہ میں
لیکن یہ کیا کہ چین سے سویا نہ تو نہ میں

خالد احمد

 

هزار شمع فروزاں ہو روشنی کے لیے
نظر نہیں تو اندھیرا ہے آدمی کے لیے
(نشور واحدی)

 

اک لفظ محبت کا ادنی یہ فسانہ ہے
سمٹے تو دل عاشق پھیلے تو زمانہ ہے

جگر مراد آبادی

 

زندہ رہتی ہے بُرائی یا بھلائی کچھ بھی ہو
موت آئے گی تمہیں پر یہ عمل مرتے نہیں

شاعر نا معلوم

 

ہر آدمی میں ہوتے ہیں دس بیس آدمی
جس کو بھی دیکھنا ہو کئی بار دیکھنا

ندا فاضلی

 

ﺯﻧﺪﮦ ﮨﮯ ﺩﻝ ﺗﻮ ﺍﺱ ﻣﯿﮟ ﻣﺤﺒﺖ ﺑﮭﯽ ﭼﺎﮨﯿﮯ
ﺁﻧﮑﮭﯿﮟ ﺟﻮ ﮨﯿﮟ ﺗﻮ ﺭﺍﮦِ ﻭﻓﺎ ﺩﯾﮑﮫ ﮐﺮ ﭼﻠﻮ

احسان دانش

 

نظر میں بے رخی لب پر تبسم
نہ جانے دل میں کیا ٹھانے ہوئے ہیں

نا معلوم

 

اے دوپہر کی دھوپ بتا کیا جواب دوں
دیوار پوچھتی ہے کہ سایہ کدھر گیا

امید فاضلی

 

کھینچتی ہے عقل جب کوئی حصار
دھوپ کہتی ہے کہ یہ سایہ بھی کیا

امید فاضلی

 

چھاؤں دیتے ہیں جو صحرا میں کسی کو احمد
دل مرا ایسے درختوں کو ولی بولتا ہے

احمد رضوان

 

دیوار ان کے گھر کی مری دھوپ لے گئی
یہ بات بھولنے میں زمانہ لگا مجھے

اصغر مہدی ہوش