میرا پسندیدہ شعر ۔۔

لوٹنے والے اسے قتل نہ کرتے لیکن
اس نے پہچان لیا تھا کہ بغل والے ہیں

منور رانا

 

جیں کیتے میں حرف الیکےدرد فراقاں والے
عقلوں، شکلوں اوہ بالکل تیرے ورگا سی

پتا نئیں!

 

. آئے بھی لوگ، بیٹھے بھی، اٹھ بھی کھڑے ہوئے
میں جا ہی ڈھونڈتا تیری محفل میں رہ گیا

آتش

 

برا نہ مان ضیاؔ اس کی صاف گوئی کا
جو درد مند بھی ہے اور بے ادب بھی نہیںً

ضیا جالندھری

 

ہم بھی اوروں کی طرح آرام سے رہتے مگر
دل کو لے ڈوبا سمندر دیدہء بیدار کا

سید مسعود افروز

 

دیکھیں کیسے کسی مشہور شعر کا خيال چرایا جاتا ہے۔
احمد ندیم قاسمی کا ایک مشہور شعر ہے:

کون کہتا ہے کہ موت آئی تو مر جاؤں گا
میں تو دریا ہوں سمندر میں اتر جاؤں گا

اسی خیال کو ایک شاعرہ نکہت افتخار نے اپنے الفاظ میں کچھ اس طرح ڈھالا ہے۔

کیوں تجھے ڈر ہے کہ موت آئ تو مر جاؤں گي
میں تو نکہت ہوں، فضاؤں میں بکھر جاؤں گی

 

زندگی شمع کی مانند جلاتا ہوں ندیمؔ
بجھ تو جاؤں گا مگر صبح تو کر جاؤں گا

احمد ندیم قاسمی

 

اسی پر میں نے فرمایا:

میں وہ خوشبو نہیں جو ہوائوں میں بکھر جائے گی
میری رفاقت تو تیرے سنگ ہی قبر جائے گی

 

ندیم قاسمی صاحب نے بھی تو کان اِدھر سے نہیں اُدھر سے پکڑ لیا ہے ہیں تو دونوں کان ہی نا
اقبال کی شمع کی صورت کو شمع کی مانند سے بدل دِتا ہے

 

خطائیں عمرِ رفتہ کی ، سزائیں عمرِ حاضر کو
عجب انصاف ہے دیکھو ، کہاں کرنا کہاں بھرنا
اتباف ابرک

 

جی سسٹر درست فرمایا۔ لیکن دونوں میں بنیادی فرق ہے۔ اقبال کی شمع جلتی بجھتی رہتی ہے۔
یعنی " دور دنیا کا میرے دم سے اندھیرا ہوجاۓ (آف)
ہر جگہ میرے چمکنے سے اجالا ہوجاۓ" (آن)
لیکن احمد ندیم قاسمی کی شمع ابتداۓ شب سے ابتداۓ سحر تک جلتی رہتی ہے اور پھر بجھ جاتی ہے۔
یعنی " بجھ تو جاؤں گا مگر صبح تو کر جاؤں گا"

 

شاہ جی شعر میں کچھ اس طرح تبدیلی نہ کر دیں۔

میں وہ خوشبو نہیں جو ہواؤں میں بکھر جاۓ گا۔
تیرا رفاقت تو تیرے سنگ ہی قبر تک جاۓ گا۔ (اور پھر تجھے چھوڑ کر واپس آ جاۓ گا)

 

بڑے خلوص سے اک شہر گل اجاڑ لیا
ہوئی ہیں اہل نظر سے حماقتیں کیا کیا

خالد یوسف

 

کسی کی ترش‌ روئی کا سبب یہی تو نہیں
اچار ، لیموں ، انار ، آم ، ٹاٹری ، املی

شہزاد قیس

 

جی بالکل درست فرمایا۔ لیکن اگر کسی شعر کے حوالے سے کوئ کمنٹس یا گفتگو ہو بھی جاۓ تو کوئ مضائقہ نہیں ہے۔

 

ہمیں پیڑوں کو رکھنے کا سلیقہ سیکھنا ہو گا
وہی ہم کاٹ دیتے ہیں جو سایہ دار ہوتے ہیں
امتیاز علی گوہر