بسم اللہ الرحمن الرحیم السلام علیکم ورحمۃ اللہ وبرکاتہ ایام بیض ہر قمری مہینے کی ۱۳ ، ۱۴ اور ۱۵ تاریخ کو کہتے ہیں ۔ نبی کریم حضرت محمد صلی اللہ علیہ وسلم ہر مہینے ان تین دنوں کے روزے رکھتے تھے اور اپنے ساتھیوں کو بھی روزے رکھنے کی ترغیب دیتے تھے ۔ پاکستانی رویت ھلال کے مطابق امسال ماہ صفر کے ایام بیض 26، 27 اور 28 نومبر کو ہوں گے۔ دوسرے ممالک سے تعلق رکھنے والے ارکان اپنے ملک کی رویت کے مطابق تاریخ یہاں ذکر کر سکتے ہیں۔ یاد رکھیے ، اوروں کو یاد کروائیے اور اس مبارک سنت پر عمل کی برکتیں اپنے دامن میں سمیٹ لیں اگر آپ خود روزے نہیں رکھ سکتے تو دوسروں کو یاد کروائیں کہ نیکی کے بارے میں بتانے والے کو بھی عمل کرنے والے کا اجر ملتا ہے ۔ اردو مجلس فورم کے تمام ارکان کو اپنی نیک دعاوں میں یاد رکھیے ۔ اللہ عز وجل ہمارے بیماروں کو شفا دے ، فوت شدہ سے راضی ہو جائے اور ہم سب کو نیک اعمال کی توفیق دے ۔
