جدہ: 9 چینی مزدوروں نے امام مسجد اور مسلمانوں کے اخلاق سے متاثر ہو کر اسلام قبول کر لیا

یہ چینی مزدور کمپنی کی جانب سے تنخواہ ادا نہ کیے جانے پر نوکری چھوڑ چکے تھے اور مسجد کے قریب گتے کے ڈبوں میں سو رہے تھے۔ امام مسجد اور مسلمان نمازیوں نے مسجد کے احاطے میں انہیں پناہ اور خوراک مہیا کی اور سفارت خانے کے ذریعے گھر واپسی میں بھی مدد کی۔ ۔ غیر مسلم ہونے کے سبب یہ انتہائی خوف زدہ تھےان کا خیال تھا کہ مسلم ان سے بہت برا سلوک کریں گے لیکن جب انہوں نے یہ مہربانی اور حسن سلوک دیکھا تو ان کے دل کی دنیا بدل گئی۔
اس جمعے اپنی زندگی کی پہلی نماز جمعہ ادا کرنے کے بعد یہ نو مسلم اپنے وطن واپس چلے جائیں گے لیکن ان کا کہنا ہے کہ یہاں کے مسلمانوں کا حسن کردار، مہربانی اور محبت کی یاد ہمیشہ ان کے ساتھ رہے گی۔
خبر کا حوالہ http://www.arabnews.com/node/942716/saudi-arabia