تعلیمی اداروں میں چھڑی کا استعمال ؟

السلام علیکم

ابھی ابھی ایک دوسرے موضوع "آپ اپنے تعلیمی اداروں میں کون کون سی سہولیات دیکھنا چاہتے ہیں " میں کسی پوسٹ کا جواب دیتے ہوئے ڈنڈوں کا ذکر نکل آیا۔

ہمارے ہاں تعلیمی اداروں مین مار کٹائی کا رواج عام ہے۔ طالبات میں تو پھر کچھ نرمی دکھائی جاتی ہے لیکن ننھے منے طلبا کا عام سی بات ہر حشر کر دیا جاتا ہے۔

کیا آپ اس بات سے اتفاق کرتے ہیں کہ طلبہ کو صرف مار کر ہی سیدھا کیا جا سکتا ہےِ ؟

کیا مارنا ڈسپلن کے لے ضرورئی ہے؟

کیا آپ نے جس تعلیمی ادارے سے پڑھا وہاں یہ رویہ عام نظر آتا تھا؟

اگر آپ کے تعلیمی ادارے میں طلبا کو مارنا منع تھا تو سزا دینے کے لیے یا تربیت کے لیے اور کونسا رویہ اپنایا جاتا تھا یا اپنایا جاتا ہے؟ یا آپ کے خیال مٰن کونسا رویہ اپنانا چاہیئے؟

 

ہندوستان میں اکثر مدارس میں مار پیٹ کا رواج عام ہے خصوصا شعبۂ حفظ کے طلبہ کو بہت مارا جاتا ہے
جس مدرسہ سے میں نے حفظ تکمیل کیا ہے وہاں کا ماحول بھی یہی ہے
جہاں تک میرا خیال ہے مارنے سے کچھ فائدہ نہیں کیونکہ میں جس مدرسے میں حفظ کر رہا تھا وہاں پر کئی طلبہ مار پیٹ کی وجہ سے مدرسہ سے بھاگ جاتے تھے
اگر طلبہ کو سمجھایا جائے اور انہیں تعلیم پر توجہ دلائی جائے یہ بہتر ہے مار پیٹ سے تربیت حاصل نہیں ہوتی مار پیٹ کے نتیجے میں طلبہ اپنے ہی اساتذہ کو گالیاں بھی دینے لگتے ۔
اللہ ہماری صحیح رہ نمائی فرمائے(آمین)

 

بالکل بھی نہیں، جیسی مار اکثر ہمارے اداروں میں دیکھنے کو ملتی ہے، وہ تو بچوں کی شخصیت کو بالکل مجروح کر دیتی ہے۔ میرے خیال سے مسئلہ یہ ہے کہ تربیت کی کمی ہے۔ ایسے اساتذہ خود ان مراحل سے گزرے ہوتے ہیں، اس لیے شاید ان کے لیے ایسی سختی کرنا ہی ضروری ہے۔ دوسری طرف اکثر بچوں کو گھر سے تربیت نہیں ملتی ، گھر والے سب کچھ مولانا صاحب یا مولوی صاحب کے سپرد کر دیتے ہیں، اور اپنی ذمہ داریوں سے بجات حاصل کر لیتے ہیں۔

میرا ایک چھوٹا کزن قرآن حفظ کرنے سے صرف اس لیے بھاگا کہ قاری صاحب تو بہت زیادہ مارتے ہیں۔ اور ابھی اسے مار نہیں پڑی تھی، وہ دوسروں کو مار رہے تھے اور یہ ڈر گیا۔

 

جی بالکل آج کل ایسی شکایتیں سننے میں
بہت آرہی ہیں

 

حفظ والے بچوں کو خوب مارا اور ساته ٹارچر کیا جاتا ہے مجهے یاد ہے بیٹے کو کہتی تهی کہ چهٹیوں میں مسجد چلے جایا کرو پڑهنے وہ وہاں کے ماحول کی وجہ سے بهاگتا تها جس کا سن کر مجهے بہت دکه ہوتا تها کہ ۔وافی نام سے ریاض میں ایک ادارہ ہےوہاں بہت ا چهے طریقے سے بچوں کو دین کی تعلیم دی جاتی ہے۔
میرے خیال میں اب انگلش میڈیم سکولز میں تو ایسا نہیں ہوتا ہو گا ۔بلکہ الٹا معاملہ کہ بچوں کو کچه کہ دیا تو اماں جی کی حاضری لازمی ہو جاتی ہے۔
ہمارے سکولز میں لیٹ آنے پر ڈنڈے برستے تهے ویسے ایک ہماری ٹیچر میز پر خوب ڈنڈے برساتی تهیں ۔

 

افسوس کی بات ہے کہ یہ طریقہ ابھی تک رائج ہے۔ اور اس کے خلاف کوئی احتجاج نہیں۔ یہاں کی گئی چند لوگوں کی پوسٹس سے ہی اندازہ ہو جاتا ہے کہ دینی تعلیم خاص کر کے مدرسوں کےاندر مار پیٹ کا طریقہ عام ہے۔ یقینا چند مدرسے ایسے بھی ہوں گے جو کہ بچوں سے نرمی کا برتاؤ رکھتے ہوں گے۔ لیکن کیا اتنا حل کافی ہے؟ کہ ہم جس معاشرے میں رہیں وہاں ایک مدرسہ جس میں ہمارے اپنے بچے کو بہت نرمی اور محبت سے پڑھایا جاتا ہے ہم اکتفا کر کے بیٹھ جائین جب کہ ہمیں معلوم ہے کہ اسی شہر میں ایک ایسا مدرسہ یا اسکول بھی ہے جہاں کا ماحول بچوں کو پر تشدد بنا رہا ہے۔

ان عظیم ستم خانوں کے نام اور شہر کے نام بھی لکھ دیں۔ اکثر والدین لا علم ہوتے ہیں کہ جس ادارے میں وہ اپنے بچے کو بھیج رہے ہیں وہاں اس کا آگے کیا حشر ہونا ہے۔

ایک ویب سائٹ ہونی چاہئے ایسے قاریوں اور مدرسوں / اسکول وغیرہ کو بلیک لسٹ کرنے کے لیے۔ والدین اس ویب سائٹ پر جا کر چیک کر سکیں کے ادارہ اس قابل ہے کہ ننھے منے معصوم بچوں کو بھیجا جا سکے۔

یہ بھی ایک اہم نکتہ ہے۔ کچھ والدین مکمل آزادی کے قائل ہوتے ہیں۔ یہ سمجھے بغیر کے زیادہ چینی شوگر کا مریض بھی بنا سکتی ہے۔ میری رائے میں اس صورتحال مین ادارہ کو سختی دکھانی چاہیے اور استاد کا ساتھ دینا چاہئے۔ والدین کو زیادہ اعتراض ہو تو شوق سے اسکول بدل لیں۔ لیکن یہاں سختی سے میری مراد ہر گز بھی مار پیٹ نہیں۔

 

السلام علیکم

سرکاری سکولوں میں چھڑی و ڈنڈا کا استعمال ہوتا ہے پرائیویٹ سکولوں میں شائد ڈنڈہ کا استعمال نہیں صرف ڈانٹ کا استعمال ہے کیونکہ وہ بھاری فیس ادا کرتے ہیں۔

دینی مدرسہ پر تو علم نہیں مگر اتنا یاد ہے کہ یسرن القرآن پڑھنے پر دادا جان نے ابتداء کی مگر وہ کہتے تھے کہ حلق سے آواز نکالو جس پر کچھ دن ڈانٹ پڑنے کے ساتھ یسرن القرآن سیکھنے کا عمل جاری رہا مگر پھر کسی بہانہ سے چھوڑ دیا، پھر والدہ محترمہ سے قریبی مسجد میں داخل کروایا، پہلا دن تھا حافظ محترم نے دوسرے بچوں سے پہلے دن کا سبق سنا جس پر جن بچوں کو سبق یاد نہیں تھا حافظ صاحب نے ان کی بہت پٹائی کی جسے دیکھ کر میں بہت ہی ڈر گیا کسی بھی طرح یہ دن نکالا پھر دوسرے دن بھی ایسا ہی ہوا جس پر میں نے والدہ سے کہہ کے یہ بھی چھوڑ دیا، پھر ایک قریبی باجی جان سے کہا تو اس نے کبھی بھی نہیں مارا جس پر ان سے قرآن مجید مکمل پڑھا۔

پاکستان میں سکولوں میں بچوں کی پٹائی پر افسوس ہے۔ اس کی وجہ یہی ہے کہ بغیر کسی ٹریننگ کے سکول ٹیچر کی جاب مل جاتی ہے جبکہ وہاں بھی اساتذہ کی جاب کے لئے ایک کورس ہے جو شائد کم ہی اسے کیا جاتا ہے۔ ہر میٹرک، انٹرمیڈیٹ پاس سکول ٹیچر آسانی سے لگ جاتا/ جاتی ہے۔

ہمارے یہاں تعلیمی اداروں میں چھڑی تو دور بچوں کو ہاتھ بھی نہیں لگا سکتے۔ تعلیم کا طریقہ کار ہی ایسا ہے کہ بچے خوشی سے پڑھائی کرتے ہیں۔

ٹیچنگ جاب کے لئے ٹریننگ کورس ضروری ہے، اور پھر ہر تعلیمی اداروں کو انسپیکشن ٹیم کے ارکان کلاسوں میں طالب علموں کے ساتھ بیٹھ کر اساتذہ کا پڑھائی کا طریقہ کار چیک کرتا ہے۔

ڈنڈوں کا استعال کسی بھی طرح درست نہیں اس سے بچوں کی ذہنی نشونما رک جاتی ہے۔ جس طرح ایک اچھا ڈرائیور کسی بھی اچھی بری کار پر کنٹرول کرنا جانتا ہے اسی طرح اساتذہ کرام کو بھی ہر طالب علم کے ذہن کو پڑھنا اور پھر اسے اس کے مطابق کنٹرول کرنا آنا چاہئے۔

والسلام

 

جی یہی بات میں کرنے والا تھا۔ اس مدرسہ میں بات مار کی نہیں بلکہ ماحول کی تھی۔ اور بچوں کی عزت نفس پر حملہ کرنے کی تھی۔ صاحبزادے نے بتایا کہ مولوی صاحب ہر وقت بچوں کی بے عزتی کرتے رہتے ہیں اور بچوں کو عجیب و غریب القاب سے نوازتے رہتے ہیں۔ کبھی کسی کے موٹاپے کا مذاق اور کبھی کسی کے دبلے پن کا۔ بہرحال صاحبزادہ ایک سال کے بعد پھر وہاں نہیں گيا۔

 

جیسا کہ اوپر بتایا گيا کہ مدرسوں میں بچوں کو مار پڑنا ایک عام سی بات ہے۔ اور اس مار کا اثر ساری زندگي ان کے ساتھ رہتا ہے اور میرا خیال ہے کہ اسی وجہ سے ان مدرسوں سے فارغ ہونے والے بچوں میں خود اعتمادی کی کمی ہوتی ہے۔ ہمارے وقت پرائمری اور سیکنڈری سکول تک بچوں کو مار پڑنا ایک عام سی بات تھی۔ شائد آٹھویں کلاس کی بات ہے۔ کہ لڑکے کلاس میں شور کر رہے تھے۔ ایک استاد کلاس میں آۓ اور ہر لڑکے کو مارنا شروع کردیا۔ میری باری آئ تو میں نے غلطی سے استاد جی کا ڈنڈا پکڑ لیا اس پر وہ استاد غضب ناک ہوگۓ اور پھر میری اس وحشیانہ طریقے سے پٹائ کی کہ بازوؤں اور کمر وغیرہ میں نیل پڑ گۓ۔ گھر آ کر میں والد صاحب کو بتایا اور اپنے بازو وغیرہ دکھاۓ۔ دوسرے والد صاحب اسکول پہنچ گۓ اور ہیڈ ماسٹر سے ملے اور کہا کہ اس استاد کو بلاؤ اور پوچھو کہ اس نے میرے بچے نے کیا غلطی کی تھی جو اس نے اس برے طریقے سے مارا ہے۔ مجھے نہیں معلوم اس کے بعد کیا ہوا۔ لیکن وہ مار مجھے ابھی تک یاد ہے۔ جو کہ بغیر کسی غلطی کے مرتکب ہوۓ اس استاد سے کھائ تھی۔

 

السلام علیکم

سمائل! ایسا ہی کچھ میرے ساتھ بھی ہوا تھا، گرلز سکول میں پڑھتے تھے کلاس 5 کی بات ہے سکول مین روڈ پر واقع تھا، آدھی چھٹی کے دوران روزانہ نان حلیم والا وہاں سے گزرتا تھا، کچھ لڑکے مل کر سکول کی چھوٹی سی دیوار پھلانگ کر نان حلیم کھاتے تھے، ایک دن ٹیچر سے شائد دیکھ لیا اور ہم تمام لڑکوں کو مرغا بنا کر ساتھ چھڑی سے خوب پٹائی بھی کی، نکر پہننے کا زمانہ تھا، گھر آئے والدہ محترمہ نے جب بازو اور ٹانگیں دیکھیں جس پر لاسیں پڑی ہوئی تھی دیکھ کر روئیں بھی، درد کی دوائی پلائی اور جسم کے نشان زدہ حصوں پر گرم پکڑے سے ٹکوریں بھی کیں اور سلا دیا، والد محترم جب کام سے آئے انہیں بتایا، دوسرے دن سکول ہیڈ مسٹریس کے پاس پہنچ گئے مختصر یہ کہ والد محترم بینکر تھے، نے ہیڈ مسٹریس کو گیٹ پر بلوایا اور سکول کی رپوٹ کرنے کی بات کی جس پر اس موضوع پر گفتگو ہوئی والدہ محترمہ ٹیچر کو کلاس میں بلانے چلی گئیں کہ گیٹ پر ہیڈ ٹیچر بھی ہے وہاں چل کر بات کرے اور پھر والدہ محترمہ نے گیٹ پر والد محترم کو بتایا کہ وہ رہ رہی ہے اور معافی مانگ رہی ہے کہ آئیندہ ایسا نہیں کرے گی جس پر ہیڈ ٹیچر نے بھی معذرت کی تو مسئلہ ختم ہوا۔


والسلام

 

شہر کرنول (A.P) میں ایک مدرسہ انوار العلوم کے نام سے ہے جب میرا داخلہ وہاں ہوا اس وقت میری عمر تقریبا لگ بھگ سات سال کی تھی میں اس وقت ناظرہ پڑھ رہا تھا اتفاق سے ایک دن تجوید کی مشق کئے بغیر سنانے چلا گیا ظاہر سی بات ہے تجوبد کی غلطیاں آئیں گی ہوا بھی یہی استاذ محترم کو بہت غصہ آیا اور انہوں مجھے اس قدر مارا جو کہ میں آج بھی اس کو بھلا نہیں سکتا استاذ محترم نے مجھے بیت کی چھڑی اور مسواک کے بِیل سے مارا نتیجہ میں میری پیٹ اور ہاتھوں پر نیل کے داغ آگئے جب یہ بات والد صاحب کو معلوم ہوی تو اسی وقت انہوں نے مجھے اس مدرسہ سے نکال لیا
بتانے کا مقصد یہ کہ چند مدارس میں مار پیٹ کا حد سے زیادہ رواج عام ہے