سرکاری خرچ پر پی ایچ ڈی کے لئے بیرون ملک جانیوالے 428 سکالرز غائب ہو گئے

سرکاری خرچ پر پی ایچ ڈی کے لئے بیرون ملک جانیوالے 428 سکالرز غائب ہو گئے​

20 فروری 2018

اسلام آباد (آن لائن) ہائر ایجوکیشن کمیشن کا سکالر شپ پروگرام پاکستان کے لئے فائدے کے بجائے نقصان کا باعث بن رہا ہے، حکومت پاکستان نے ہزاروں طالب علموں کو سپانسر کیا اور سرکاری خزانے سے پیسہ خرچ کر کے بیرون ملک پی ایچ ڈی اور ایم فل کے لئے بھیجا , کروڑوں ڈالرز کے خرچ پر امریکہ ، برطانیہ اور دیگر مغربی ملکوں میں پی ایچ ڈی اور ایم فل پروگرام کے لئے جانے والے تقریباً 850 پاکستانی سکالرز ہیں جنہوں نے واپس آنے کے بجائے وہیں سکونت اختیار کر لی یا غائب ہو گئے ہیں، سرکاری خرچ پر پی ایچ ڈی کے لئے بیرون ملک جانیوالے 428 سکالرز غائب ہو گئے۔

ہائر ایجوکیشن کمیشن کے قوانین کے مطابق بیرون ملک جانے والوں کو واپسی کا حلف نامہ دینا پڑتا ہے کہ پی ایچ ڈی کی تعلیم مکمل کرنے کے بعد وطن واپس آئیں گے اور تقریباً 5 سال تک پاکستان کے اداروں میں کام کرنے کے پابند ہوں گے۔ ہائر ایجوکیشن کمیشن نے سینٹ میں بتایا کہ 5780 اسکالرز کو اعلیٰ تعلیم کے لئے بیرون ملک بھیجا گیا جن میں سے 3800 نے تعلیم مکمل کر رہے ہیں جبکہ 428 سکالرز غائب ہو گئے ہیں۔ واپس نہ آنے والے 55 سکالرز سے جرمانہ وصول کیا جبکہ 338 سکالرز کے خلاف اب قانونی کارروائی شروع کی جا رہی ہے ۔

شکریہ روزنامہ پاکستان ح

​

 

ہہہہ بہت خوب، یہ تو سکالرز تھے، ان پر تو اغیار کی نظریں تھیں کوئی پچیس سال پہلے سنا تھا کہ فٹ بال کی ایک ٹیم جاپان میں کھو گئی، پھر اسے ڈھونڈنے والی تفتیشی ٹیم گئی دونوں کا آج تک پتہ نہیں چلا۔ ہمارا ٹیلینٹ مغرب چھین رہا ہے اس کے لئے حکومت کو چاہئے کہ سخت اقدامات کرے

 

@بابر تنویر

بھائی ناپسند کرنے کی وجہ بھی بتا دیں تو شاید میں کچھ اپنی صفائی پیش کر سکوں

 

شاہ جی صفائ تو ہمیں پیش کرنی چاہیے۔ بلکہ صفائ کرنی چاہیے۔ میرا ایک مشورہ ہے کہ پسند اور ناپسند کے آپشنز میں فاصلہ بڑھا دیں۔ یہ دباؤ تو وہ دب جاتا ہے۔
نا پسندیدگی کو پسندیدگی سے بدل دیا ہے۔

 

مجھے اندازہ تھا کہ سلپ آف کلک ہوا ہے، پھر بھی اندیشہ دور کرنا ضروری تھا

 

السلام علیکم

اتنی تعلیم ادھوری چھوڑنے پر جو ایسا کرتے ہیں وہ ویسے ہی تعلیم سے صفر ہو جاتے ہیں، اب ان ممالک کے ویزے فنگر پرنٹس ہونے کے بعد ملتے ہیں جس پر سیٹ ہونا اب ایک طویل عرصہ اور مشکل ہے، نام بدل کر کیس بھی نہیں کر سکتے، لوکل کرنسی 20 پر اپنے پاکستانی شاپ پر کام دے دیتے ہیں جس کا دورانیہ وقت 12 سے 16 گھنٹے ہوتا ہے۔

والسلام