لذتِ تشکر

لذتِ تشکر

روز و شب کی گردش میں
پانچ مرتبہ دیکھو
رنگ رنگ پھولوں کو
اُونچے اُونچے پیڑوں پر
جب ہوا اذانیں دے
جب پرند اُڑتے ہیں
صف بہ صف فضاؤں میں
آنسوؤں کی ندی سے
تازہ دم وضو کرکے
سقفِ ابر کے نیچے
جانمازِ سبزہ پر
سجدہ ریز ہو جاؤ
تم پہ بھی یہ لازم ہے
جیسے تم سے پہلے کی
اُمتوں پہ لازم تھا
جس طرف بھی رُخ کر لو
اُس طرف وہ چہرہ ہے
چہرہ چہرہ قبلہ ہے
آئنوں کا کعبہ ہے
اور کبھی جو ممکن ہو
جتنا ہو سکے تم سے
خونِ دل کے دانوں پر
اس کا اسم پڑھ لینا
ذکر میں تفکر ہے
اہلِ جذب کی خاطر
آیتِ تشکر ہے

معین نظامی

 

عمدہ خیال عمدہ پیرائے میں بیان کیا ہے شاعر سے اس اختلاف کے ساتھ:

حقیقی زندگی میں کچھ چیزوں کا نہ متبادل ہوتا ہے اور نہ متماثل۔

 

بات میں سمجھ نہیں سکی ۔۔۔سہی طرح سے معذرت خواہ ہوں
میں ویسےکافی ناقص العقل ہوں ۔۔
میں نے تو اسے حقیقی معنوں میں اس طرح سے سمجھا کہ شاعر یہ کہنا چاہ رہا ہے کہ اللہ کی پاک ذات جابجا موجود ہے ہر طرف اُس کے جلوے ہیں کس طرف بھی رُخ کر لیں ۔۔۔۔
اور آئینہ کو اس طرح سمجھا کہ اگر ہم یہ حقیقت پا لیں تو گناہوں کا تصور ختم ہو جائے گا کہ رب ہمیں دیکھ رہا ہے

 

جی میرا اسی طرف اشارہ تھا کہ عام طور پر سمجھا جاتا ہے اللہ باری تعالی کی ذات جا بجا موجود ہے جو کہ بنیادی اسلامی عقائد کے منافی ہے، جیسا کہ قرآن کریم اور احادیث مبارکہ میں جا بجا مذکور ہے کہ اللہ عرش پر مستوی ہے تو ہم اسے ذرے ذرے میں موجود بتا کر نہ صرف ان آیات و احادیث کا انکار کرتے ہیں بلکہ شرک خفی کے چور دروازے بھی کھولتے ہیں۔

 

بہت اچھا جی اصلاح کے لئے شکریہ ۔۔۔ جزاک اللہ خیرا

 

محترم انتظامیہ سنیں پلیز !آپ اس تھریڈ کو ڈیلیٹ کر سکتے ہیں کوئی مذہبی مسئلہ نہ ہو جائے

 

نہیں ایسی کوئی بات نہیں ہو گی ان شاء اللہ۔ بلکہ اس سے آگہی پھیلے گی۔

 

بہت خوب