بے عمل کو دنیا میں راحتیں نہیں ملتیں

بے عمل کو دنیا میں راحتیں نہیں ملتیں
دوستو دعاؤں سے جنتیں نہیں ملتیں

اس نئے زمانے کے آدمی ادھورے ہیں
سورتیں تو ملتی ہیں سیرتیں نہیں ملتیں

اپنے بل پہ لڑتی ہے اپنی جنگ ہر پیڑھی
نام سے بزرگوں کے عظمتیں نہیں ملتیں

جو پرندے آندھی کا سامنا نہیں کرتے
ان کو آسمانوں کی رفعتیں نہیں ملتیں

اس چمن میں گُل بوٹے خون سے نہاتے ہیں
سب کو ہی گلابوں کی قسمتیں نہیں ملتیں

شہرتوں پہ اترا کر خود کو جو خدا سمجھے
منظر ایسے لوگوں کی تربتیں نہیں ملتیں


شاعر نامعلوم