عاطف میاں ۔۔۔ پہلا اوور مکمل ہوا، کھیل جاری ہے

ابوعکاشہ نے 'مضامين ، كالم ، تجزئیے' میں ‏ستمبر 9, 2018 کو نیا موضوع شروع کیا

  1. ابوعکاشہ

    ابوعکاشہ منتظم

    رکن انتظامیہ

    شمولیت:
    ‏اگست 2, 2007
    پیغامات:
    15,966
    ایک طرف یوتھیوں کی تیز رفتاری ہے کہ نیازی کے کسی فیصلے پر کوئی شریف سنجیدہ آدمی کمنٹ کردے تو فورا ہی پٹواری کہ دیتے ہیں. دوسری طرف تحریک انصاف کے پروفیشنل، سنجیدہ اسپورٹر ہیں. جن کی حمایت کے ساتھ تنقید بھی جاری ہے.انہی میں محترم آصف محمود صاحب ہیں. معروف کالم نگار اور اینکر بھی ہیں۔ سوال یہ ہے کہ عاطف قادیانی کی تقرری کا فیصلہ واپس ہوا؟.قصدا یہ فیصلہ کیوں گیا؟؟
    ........
    عاطف میاں ۔۔۔ پہلا اوور مکمل ہوا، کھیل جاری ہے
    آصف محمود

    عاطف میاں کی تقرری کا فیصلہ واپس ہونا ہی تھا ، ہو گیا ۔ دل میں مگر جو بال آ گیا ہے اس کا کیا کریں ؟ اعتبار کے موسم کتنے نا معتبر ہوتے ہیں ؟

    لوگ خوش ہیں کہ فیصلہ واپس ہو گیا ۔ کچھ ایسے سادہ لوح بھی ہیں جن کا مطالبہ ہے کہ فیصلہ واپس لینے پر عمران خان کی بصیرت کے اعتراف میں اول بغلیں بجائی جائیں پھر ان کی دانائی اور مومنانہ فراست کے قصیدے لکھے جائیں ۔ کاش میں ان دونوں میں سے کسی ایک بے وقوفی کا متحمل ہو سکتا ۔

    خوشی کس بات کی ؟ سیدنا علیؓ نے فرمایا تھا : اقتدار آدمی کو بدلتا نہیں ، بے نقاب کر دیتا ہے ۔ دس دنوں میں یہاں نقاب اتر گئے ہیں تو کیا یہ خوش ہونے کا مقام ہے ؟ فیصلہ واپس ہوا ہے تو ان نابغوں کی بصیرت کی وجہ سے نہیں ، خلق خدا کی وجہ سے جس نے اس نا مبارک فیصلے کو قبول کرنے سے انکار کر دیا۔

    مجھے اس بات سے بھی اتفاق نہیں کہ حکومت پسپا ہو گئی ۔ ہر گز وہ پسپا نہیں ہوئی اس نے صرف پینترا بدلا ہے ۔ وہ کسی بھی وقت ، کسی بھی محاذ پر کوئی نیا معرکہ شروع کر سکتی ہے ۔ معاملہ ختم نہیں ہوا یہ پہلا اوور تھا جو مکمل ہوا ۔

    یہ بد گمانی بے سبب نہیں ۔ عاطف میاں کا فیصلہ اچانک نہیں ہوا کہ اسے محض ایک غلطی سمجھ کر نظر انداز کر دیا جائے ۔ یہ عمران خان کا شعوری فیصلہ ہے ۔ یہ نام آپ کو یاد ہو گا چند سال پہلے سامنے آیا جب عمران خان نے کہا جیت گیا تو عاطف میاں ان کی ٹیم کا حصہ ہوں گے ۔ شور مچا تو کہا میں تو عاطف کو جانتا تک نہیں ، کسی میگزین میں نام پڑھا کہ بہت بڑے ماہر معیشت ہیں تو میں نے یہ بات کہہ دی ۔لازم تھا کہ اس ابتدائی رد عمل کے بعد عمران محتاط رہتے ۔ لیکن انہوں نے اس کے باوجود عاطف کو چنا کہ وہ جانتے تھے یہ سماج اس معاملے میں کتنا حساس ہے۔ اس لیے اسے ایک شعوری فیصلہ سمجھا جائے گا۔

    میں پہلے دن سے کہہ رہا ہوں کہ اس فیصلے کا مقصد معیشت کی بہتری نہیں تھا ۔مشیروں کی بارات اکٹھی کر کے تماشا تو لگایا جا سکتا ہے ، معیشت بہتر نہیں ہوا کرتی ۔ اس کا مقصد سماج کے اندر قادیانیوں کے بارے میں موجود حساسیت کو ختم کرنا تھا ۔

    موقع بھی بہت اچھا تھا ۔ عمران کی حکومت تھی جو مذہبی طبقے سے بے نیاز تھی ۔ ایم ایم اے میں شامل دو نمایاں مذہبی جماعتوں کے ساتھ تحریک انصاف کے تعلقات شدید تلخ ہو چکے تھے ۔ تحریک انصاف کا کارکن فضل الرحمن اور سراج الحق کے بارے میں نا پسندیدگی رکھتا ہے اور مولانا کے بارے تو بہت شدید ۔ شاید یہ سوچا گیا ہو کہ مذہبی سیاست سے بے زار کارکن اس معاملے میں بھی عمران خان کے فیصلے کے ساتھ کھڑا ہو گا ۔ جزوی طور پر ایسا ہوا اور ہم نے دیکھا کہ عمران کی محبت میں چند احمقوں نے اس فیصلے کی بھی تحسین کر دی لیکن مجموعی طور پر تحریک انصاف کے وابستگان نے اس فیصلے کو شدت سے ٹھکرا دیا ۔ خود پارٹی کے اندر سے ایسی آوازیں اٹھیں کہ قیادت ششدر رہ گئی ۔ بے بسی میں اسے فیصلہ واپس لینا پڑا ۔ اس سے مطمئن ہونے کی ضرورت ہے نہ خوش ہونے کی ۔

    عمران کو معلوم تھا پاکستان میں ختم نبوت کا معاملہ کتنا حساس ہے ۔ پھر بھی یہ فیصلہ سامنے آتا ہے۔ کیا یہ محض اتفاق ہے؟ کیا کوئی رہنما صرف ایک عاطف میاں کی خاطر اتنا نامقبول فیصلہ کر سکتا ہے؟ مسلم لیگ کے رہنما اس فیصلے کی تائید میں سامنے آ گئے ، کیا آپ کے خیال میں یہ اتفاق ہے؟ شرافت کی صحافت کے کارندے اس فیصلے کی پشت پر کھڑے ہو گئے، کیا یہ بھی ایک اتفاق سمجھا جا سکتا ہے؟ این جی اوز کے کارندے جو عام حالات میں عمران کے شدید مخالف تھے اسے اکسانے لگ گئے کہ نیا پاکستان بنانا ہے تو فیصلے پر ڈٹ جاؤ ، کیا یہ بھی اتفاق سمجھ کر نظر انداز کر دیا جائے ۔ ان مختلف قوتوں میں عاطف میاں کے معاملے پر یہ مثالی یکجہتی بتا رہی ہے کہ بات اتنی سادہ نہیں ۔ پاکستان پرانا ہو یا نیا ، بین الاقوامی قوتوں کے دباؤ پر سبھی شرمناک فیصلے کرنے کے لیے ہمہ وقت تیار ہوتے ہیں ۔

    عمران خان نے اپنا سارا بانکپن گنوا دیا ۔ اب وہ بھی اتنا ہی مشکوک ہے جتنا کوئی اور حکمران۔ اپنی آنکھیں کھلی رکھنا ہوں گی اور ختم نبوت کے معاملے پر بیدار رہنا ہو گا ۔آخری تجزیے میں حکمران نہیں یہ عوام ہیں جنہیں اپنی مبادیات کا تحفظ کرنا ہے۔

    میڈیا کے بارے میں بھی غلط فہمی دور کر لیجیے کہ یہ ریاست کا چوتھا ستون ہے ۔ یہ ایک کارپوریٹ میڈیا ہے جو ایک خاص کلچر کو فروغ دینے کا سبب بن رہا ہے۔ ، جناب ارشاد عارف , جناب ہارون رشید اور برادر مکرم عامر خاکوانی پر اللہ کی رحمتیں ہوں ، ان کے علاوہ کون ہے جو اس واردات پر بولا ؟ ذاتی مفادات پر دیوان لکھ دینے والے جب ختم نبوت کا معاملہ آتا ہے تو گونگے شیطان بن جاتے ہیں تو یہ بے سبب نہیں ۔ یہ فکری پسپائی ہے۔ ماحول ایسا بنا دیا گیا ہے کہ اسلامی اقدار یا تصورختم نبوت کے حق میں لکھنے والا روشن خیال نہیں رہتا ۔ اسے انتہا پسند کہا جاتا ہے۔ اور یہ وہ طعنہ ہے جس کے ڈر سے لوگ گونگے بہرے اور اندھے بن چکے۔

    میدان سج چکا ۔ عملی اقدامات بھی ہو رہے ہیں اور فکری یلغار بھی ہو چکی ۔ دین کو کوئی گالی دے یہ اظہار رائے کی آزادی ہے اور کوئی آگے سے احتجاج کرے تو یہ انتہا پسندی ۔ آپ اچھی طرح جان لیں جب تک آپ ہم جنس پرستی کو تسلیم نہیں کر لیتے، توہین رسالت جیسے جرم پر خاموش نہیں رہنا سیکھ لیتے ، اسلام اور اسلامی اقدار سے یکسر بے نیاز نہیں ہو جاتے تب تک آپ کو روشن خیالی کی سند نہیں ملے گی۔ اس سند سے بے نیاز ہو کر پوری قوت سے بروئے کار آنا ہو گا۔

    مذہبی جماعتوں کا وجود بھی آخری تجزیے میں اس ملک کے لیے خیر کی علامت ہے ۔ ان کی قیادت کا نامہ اعمال بھی کچھ شاندار نہیں لیکن یہ بھی حقیقت ہے کہ ان کی جملہ خامیوں کے باوجود جب میدان سجتا ہے اور حکومتیں ہماری اساس پر حملہ آور ہو کر فیصلے کرتی ہیں تو یہی جماعتیں ہیں جو میدان میں آتی ہیں ۔ پریشانی جب بڑھتی ہے تو عام آدمی انہی کی طرف دیکھتا ہے ۔

    عمران خان کو جانے مقبولیت کا زعم تھا یا بیرونی دباؤ زیادہ تھا لیکن جو بھی تھا انہوں نے اپنا بانکپن گنوا دیا ۔ ان کی بصیرت اور دیانت دونوں پر سوال اٹھ کھڑے ہوئے ہیں ۔ معاشرے کو سکون کی ضرورت ہے ان کے غلط فیصلے سے اسے اضطراب سے دوچار کر دیا ۔ قیامت کو بھی قیادت پڑھنے والے بتائیں ، کیا قیادت اسی کا نام ہے؟ قیادت کو اگر معلوم ہی نہیں ختم نبوت کے معاملے پر سماج کی حساسیت کا عالم کیا ہے تو اس کی بصیرت پر سوال اٹھتا ہے اور اگر وہ اس حساسیت سے آگاہ ہونے کے باوجود بیرونی دباؤ پر اپنے ملک کو ذہنی اذیت اور اضطراب سے دوچار کر دے تو اس کی دیانت سوالیہ نشان بن جاتی ہے۔
     
  2. بابر تنویر

    بابر تنویر -: ممتاز :-

    شمولیت:
    ‏دسمبر 20, 2010
    پیغامات:
    7,320
    پہلی بات تو یہ کہ جن یوتھیوں کو میں جانتا ہوں۔ ان میں سے سب نے نہیں تو اکثریت نے اس فیصلے سوشل میڈیا اور جہاں جہاں ممکن تھا وہاں تک اس غلط فیصلے کے خلاف آواز بلند کی۔ لیکن دوسری طرف ان تمام پٹواریوں کے لیڈر اعلی کا بیان بھی موجود ہے جس میں اس نے قادیانیوں کو اپنا بھائ قرار دیا۔ کیا کسی پٹواری نے کبھی اس بیان کے خلاف آواز اٹھائ؟
    ایک یہ یوتھیے اور دوسری طرف وہ پٹواری۔ جو کہ اس حکومت کے ہر قدم کی چاہے وہ ملک کے لیے اچھا یا برا ہو مخالفت کر رہے ہیں۔ بلکہ ان کے لیڈر تو گيس اور بجلی کے نرخوں کے اس اضافے پر احتجاج بھی کرتے ہوۓ پائے گۓ ہیں جو کہ اب تک ہوا ہی نہیں۔

    "بانکپن گنوا دیا" عجیب لفظ ہے۔ جو کہ دو بار استعمال کیا گيا ہے۔ یہ بکے ہوۓ صحافی اس حکومت کے ہر قدم پر ہمیشہ اسی طرح کی لفاظی کریں گے۔

    اگر ملک سے محبت کرتے ہیں تو اس حکومت کے ہر غلط فیصلے کی مخالفت کریں اور اس کے ساتھ ساتھ اگر کچھ اچھا ہو رہا ہے تو پھر اس کی ایک محب وطن پاکستانی کی طرح تعریف بھی کرنے میں کنجوسی سے کام نہ لیں۔
     
  3. ابوعکاشہ

    ابوعکاشہ منتظم

    رکن انتظامیہ

    شمولیت:
    ‏اگست 2, 2007
    پیغامات:
    15,966
    یہاں دو باتوں میں تضاد ہے. ایک طرف کہا گیا کہ یوتھیے غلط فیصلے پر آواز بلند کر رہے ہیں. دوسری طرف ایک پی ٹی آئی کا حمایتی غلط فیصلے پر مدلل اور معقول تنقید کر رہا ہے . اسے بغیر تحقیق کے بکا ہوا صحافی اورمخالفت کو لفاظی کہا گیا ہے.حالانکہ موصوف تعریف و حوصلہ افزائی بھی کرتے رہتے ہیں ۔
    اب جنہوں نے آواز بلند کی ۔بعض حضرات کومعلوم ہی نہیں تھا کہ قادیانیوں کا اصل مسئلہ کیا ہے ، اورکیوں مخالفت کی جارہی ہے ؟؟ اس لئے پوسٹ کرتے رہے کہ "اگر عیسائی ، ہندو ،سکھ آئین کی رو سے جج ،وزیر بن سکتے ہیں تو قادیانی کیوں نہیں! ایسے ناسمجھ لوگوں کا آواز بلند کرنا نا کرنا دونوں برابر ہیں ۔
     
  4. بابر تنویر

    بابر تنویر -: ممتاز :-

    شمولیت:
    ‏دسمبر 20, 2010
    پیغامات:
    7,320
    محترم کوئ تضاد نہیں ہے۔ سمجھنے کی بات ہے۔ جو فیصلہ غلط تھا۔ اس کی تقریبا ان تمام عام لوگوں نے مخالفت کی ہے جو کہ اس حکومت کی حمایت کرتے ہیں۔ لیکن کیا کبھی کسی پٹواری نے نواز شریف پر بھی کبھی تنقید کی جس نے قادیانیوں کو اپنا بھائ قرار دیا تھا۔
    جی جی لوگون کو ان کے خیال میں اس فیصلے کے واپس ہونے پر رونا چاہیے تھا۔

    اس اقدام کے محرکات کچھ بھی رہے ہیں۔ ہمیں یہ خوشی ہے کہ عوام کی جانب سے دباؤ کے نتیجے میں اس فیصلہ کو واپس لینا پڑا۔ اور اگر اس حکومت نے دوبارہ کبھی اس قسم کا قدم اٹھایا تو پھر عوام دوبارہ اسی طرح احتجاج کریں گے۔ رہی بات پٹواریوں کی تو وہ تو اس حکومت کے ہر اچھے اور برے فیصلہ کی مخالفت ہی کریں گے۔ بالکل اسی طرح جس طرح وہ ڈیم کے لیے چندے کی اپیل پر کر رہے ہیں۔
    اس بارے میں خاموشی ہی بہتر ہے ۔ ورنہ پھر اسے تفرقہ بازی اور مذہبی منافرت پھیلانے کی کوشش قرار دے دیا جاے گا۔ ورنہ تو ختم نبوت والے مسئلہ میں ہمارے صحیح العقیدہ لیڈران بھی اس قدم کی حمایت کرتے ہوۓ نظر آۓ تھے۔ پانچ سال تک حکومت میں رہ کر مزے اڑاتے رہے اور پھر جواب ہوا کا بدلتا رخ دیکھا تو فرما دیا کہ اس حکومت نے اسلام کے لیے کچھ نہیں کیا۔
     
  5. ابوعکاشہ

    ابوعکاشہ منتظم

    رکن انتظامیہ

    شمولیت:
    ‏اگست 2, 2007
    پیغامات:
    15,966
    محترم. .... جواب چنا.. آپ بیک فٹ پر چلے گئے. جانا ہی تھا.
     
  6. رفی

    رفی -: ممتاز :-

    شمولیت:
    ‏اگست 8, 2007
    پیغامات:
    12,394
    عاطف میاں کو مشیر بنانے کا فیصلہ جس کا بھی تھا اس کی بد نیتی تھی، فیصلہ واپس ہوا چاہے عوامی دبائو پر ہی صحیح۔ مگر پٹواریوں کی جیسے ماں مر گئی کہ پرویز رشید کہنے لگا کہ جناح کے پاکستان میں تو قادیانی وزیر خارجہ بن سکتا تھا یہ کیسا نیا پاکستان ہے، یہ تو ضیاء الحق والا پاکستان ہے۔ باقی لتاڑنے کے لئے موضوع اچھا کہ لگایا ہی کیوں تھا، بلکہ وہ پیدا ہی کیوں تھا۔۔۔۔۔۔ خوش رہیں اپنے خرچے پر
     
    • پسندیدہ پسندیدہ x 1
  7. بابر تنویر

    بابر تنویر -: ممتاز :-

    شمولیت:
    ‏دسمبر 20, 2010
    پیغامات:
    7,320
    محترم بیک فٹ پر شاٹ اچھی اور موثر لگتی ہے۔ اور میرا خیال ہے کہ لگ چکی ہے۔
    میں نے اپنی اسی بات کو دھرایا جو کہ پہلے والی پوسٹ میں کی تھی۔
    نمبر ایک فیصلے کی مخالفت عمران خان کی حمایت کرنے والوں نے بھی کی۔ لیکن پٹواریوں نے قادیانیوں کو اپنا بھائ قرار دینے پر۔ اپنے لیڈر اعلی کے خلاف کبھی ایک لفظ بھی اپنے حلق سے نہیں نکالا۔
    اور اس سے ایک اور بات واضح ہوگئ کہ ایک محب وطن پاکستانی اس حکومت کے ہر غلط فیصلے کی مخالفت کرے گا۔ لیکن پٹواری برے فیصلے کے ساتھ اچھے فیصلوں کی بھی مخالفت کرے گا۔
    اور یہ لفظ "بانکپن" کی کیا تعریف ہے؟ ذرا بتا دیں۔ بانکپن گنوانا یا بانکپن لٹنا کسے کہتے ہیں؟
     
  8. ابوعکاشہ

    ابوعکاشہ منتظم

    رکن انتظامیہ

    شمولیت:
    ‏اگست 2, 2007
    پیغامات:
    15,966
    پھر یوٹرن بھائی. شاٹ اچھی نہیں لگی. آپ وکٹ گنوا بیٹھے ہیں. آپ کی گفتگو میں ربط غائب ہے.اس لیے کمک منگوانی گئی ہے. دو چار اور بھی منگوا لیں، بہر حال آپ جاری رکھیں. آپ سے تو گفتگو چلتی رہتی ہے. ٹینشن نہیں.
     
  9. ابوعکاشہ

    ابوعکاشہ منتظم

    رکن انتظامیہ

    شمولیت:
    ‏اگست 2, 2007
    پیغامات:
    15,966
    یوتھیوں کی بداخلاقی پر پی ٹی آئی کا سنجیدہ و باشعور طبقہ پریشان ہے..آصف محمود صاحب لکھتے ہیں..

    کیا سیاست اپنے اخلاقی وجود سے بالکل بے نیاز ہو چکی؟
    آصف محمود

    کیا سیاست اپنے اخلاقی وجود سے بے نیاز ہو چکی؟ کیا اب یہ محض بے ہودگی ، یاوہ گوئی اور پگڑی اچھالنے کا اکھاڑہ ہے جہاں میدان اسی کے نام ہو گاجو زیادہ بد زبان ، زیادہ جھوٹا اور زیادہ بد تمیز ہو؟ ابولکلام آزاد نے کہا تھا : سیاست کے سینے میں دل نہیں ہوتا۔ سوال یہ ہے کیا اب اس کی آنکھ سے حیا بھی اٹھ چکی؟
    یہ پہلا منظر ہے۔کلثوم نواز بیمار ہوتی ہیں، انہیں لندن لے جایا جاتا ہے۔ یہاں شور مچ جاتا ہے کہ یہ سب ڈرامہ ہے اور کلثوم نواز تو بالکل خیریت سے ہیں۔ پھر خبر آتی ہے ان کی طبیعت بہت خراب ہے وہ وینٹی لیٹر پر ہیں ، مریم نواز قوم سے التجا کرتی ہیں کہ ان کی ماں کی صحت کی دعا کی جائے۔ اب کے شور اٹھتا ہے کہ کلثوم نواز تو کب کی اللہ کو پیاری ہو چکیں اب محض سیاسی مفادات کی خاطر انہیں وینٹی لیٹر پر رکھا گیا ہے۔ ذرا غور فرمائیے ، سیاسی نفرت میں لوگ اس قدر بدذوقی اور شقاوت قلبی پر اتر آئے کہ پہلے مرحلے میں انہیں بیمار تسلیم کرنے سے انکار کر دیا اور دوسرے مرحلے میں ان کے زندہ تسلیم کرنے سے انکار کر دیا گیا۔ سیاسی وابستگیاں بھی ہوتی ہیں اور محبت و نفرت کے رشتے بھی اس سیاست میں استوار ہو جاتے ہیں لیکن کیا ایک انسان اس حد تک گر سکتا ہے کہ وہ ان دو رویوں کا اسیر ہو جائے جن کا میں نے ابھی ذکر کیا ہے؟
    بات بہت سادہ تھی ، کوئی بیمار ہے ، دکھ کے عا لم میں ہے ، موت وحیات کی کشمکش میں مبتلا ہے اور وینٹی لیٹر پر ہے تو شریفانہ رویہ تو یہ ہے کہ اس کے لیے کلمہ خیر کہا جائے اور دعا کی جائے۔ کوئی زیادہ ہی نفرت کی آگ میں جل رہا ہو اور اس کی زبان پر کلمہ خیر نہ آ سکے تو ضبط نفس کا تقاضاہے کہ وہ جذبات پر قابو پا لے اور خاموشی اختیار کر لے لیکن بستر علالت پر پڑے مریض کی اول علالت ہی تسلیم کرنے سے انکار اور پھر اس کی زندگی سے انکار کرتے ہوئے اس معاملے کو تفنن طبع کا عنوان بنا دینا ، یہ اصل میں اس بات کا اعلان بھی ہے کہ ہمارا اخلاقی بحران کتنا شدید ہو چکا ہے اور شعور کے نام پر ہم جو اچھل کود کر رہے ہیں وہ بے ہودگی کے سوا کچھ نہیں۔
     
  10. بابر تنویر

    بابر تنویر -: ممتاز :-

    شمولیت:
    ‏دسمبر 20, 2010
    پیغامات:
    7,320
    کوئی یوٹرن نہیں لیا بھائی.تینوں پوسٹس میں ایک ہی بات کی ہے.
    بالکل صحیح فرمایا۔ اور پٹواریوں کی بد اخلاقی پر ان کی پارٹی کا ہر طبقہ دل و جان سے فدا ہے۔ کیونکہ یہ وہی ہیں جنہوں نے بے نظیر کے خلاف قابل اعتراض پمفلٹ بنوا کر ہیلی کاپٹر سے گراۓ تھے۔
     
  11. بابر تنویر

    بابر تنویر -: ممتاز :-

    شمولیت:
    ‏دسمبر 20, 2010
    پیغامات:
    7,320
    جی جی یہ تو اس وقت بھی اٹھ چکی تھی جب (حالانکہ ہم کبھی اس کے حق میں نہیں ہیں) تحریک انصاف کے جلسوں میں جانے والی خواتین کے بارے میں نا زیبا الفاظ ادا کیے گۓ تھے۔ اور کہنے والا اتنا با اخلاق اور باحیا تھا کہ ایک جگہ خود کہتا ہے کہ میری بیٹی ناچتی بہت اچھا ہے۔ اور اس نے تو اپنی شادی میں بھی ڈانس کیا تھا۔
     
  12. ابوعکاشہ

    ابوعکاشہ منتظم

    رکن انتظامیہ

    شمولیت:
    ‏اگست 2, 2007
    پیغامات:
    15,966
    برائی کا جواب جواز کے طور پر برائی نہیں ہوتا۔اہل ایمان تو کسی میں برائی دیکھ کرنعمت پر اللہ کا شکر ادا کرتے ہیں کہ وہ اس گناہ سے محفوظ ہیں۔اب اگر کسی کی آنکھ سے حیاء اٹھ چکی ۔ تو باقی لوگ بھی اپنی آنکھ سے حیاء ختم کر لیں. گالیوں ،بدتہذیبی ،بداخلاقی کا جواب ویسے ہی دیا جائے ۔کہ اس کی ماں ، بیوی ،بیٹی کے سرسے پیر تک خدوخال ،مقامات کو نشانہ بنایا جائے ؟ کیا یہی مدینہ والے ،اورا سکی ریاست کی خصوصیات تھیں ؟ یہ سب کچھ نئے پاکستان میں دنیا داری کے لئے کیا جارہا ہے. شاید اس لئے اصرار ہے کہ نیازی کے کاموں کی جھوٹی تعریف کی جائے ۔تعریف کا دارومدار تو حسن خاتمہ پر ہوتاہے ۔مزید پرویز رشید ، نواز شریف نے جو کہا ہم نے ان کی صفائیاں کبھی پیش نہیں کی، نا ہی دفاع کیا ہے ۔ جو غلط ہے ۔ اس کو غلط ہی کہا ہے ۔
     
  13. عائشہ

    عائشہ ركن مجلس علماء

    شمولیت:
    ‏مارچ 30, 2009
    پیغامات:
    24,479
    اضافے کی پہلی خبریں آئیں 28 اگست، کو پھر اس کا باقاعدہ اعلان کیا گیا تھا، حوالہ شریف 4 ستمبر https://www.dawn.com/news/1431041 اس کے بعد احتجاج ہوا، اعلان واپس لیا گیا، اور اب پھر اضافہ ہوچکا ہے۔ حوالہ شریف: https://www.geo.tv/latest/211442-ga...or-masses-under-new-tariff-petroleum-minister آپ کے ممدوح کو بلاوجہ یوٹرن خان نہیں کہتے۔ بجلی گیس قیمتوں پر اتنے یوٹرن لیے گئے ہیں کہ اب بزرگوار کو ٹرن اباؤٹ کہنا بنتا ہے بلکہ وہ بھی کچھ سیدھا ہوتا ہے۔
     
    • پسندیدہ پسندیدہ x 1
  14. عائشہ

    عائشہ ركن مجلس علماء

    شمولیت:
    ‏مارچ 30, 2009
    پیغامات:
    24,479
    آپ نے صرف مسلم لیگ کے بعض رہنماؤں کا ذکر کر دیا کہ انہوں نے قادیانی مشیر کی تنزلی پر تنقید کی ہے، لیکن خود پی ٹی آئی کے ان لوگوں کا ذکر نہیں کیا جنہوں نے ایسی ہی تنقید کی۔ وہ بھی پٹواری ہیں؟ بات یہ ہے کہ پاکستان کی ہر جماعت کے سیکیولر لوگوں نے اس تنزلی کی مخالفت کی۔ بندہ تحریک انصاف کا حمایتی ہو اور اتنا سا بھی انصاف نہ کر پائے، یہ تو نظریاتی ڈنڈی ماری ہے جناب نے۔ اگر اعتراض اس بات پر ہے کہ تنزلی ہو گئی اب بات ختم کرو، تو بھئی جھنجھلائیے مت، تنقید کا سامنا مضبوط اعصاب سے کیجیے۔ سیاست دل گردے کا کام ہے۔ بات کی گرد ابھی تک اس لیے نہیں بیٹھ رہی کہ پہلے تقرری پر احتجاج کرنے والوں کے جذبات مشتعل تھے، اب تنزلی پر احتجاج کرنے والے مسلسل مایوسی کا اظہار کر رہے ہیں۔ تو ظاہر ہے یہ بات لامحالہ ہو گی کہ آخر گرد اڑائی کیوں گئی؟ یہ کوئی اتنی غیر منطقی بات نہیں کہ آپ اتنے برہم ہوں۔یہ بنیادی سوال ہے، جو تقرری کے مخالف اسی طرح اٹھا رہے ہیں جیسے تنزلی کے مخالفوں کو سوال اٹھانے کا حق ہے۔ برائے کرم معاملے کو شخصیات کی بجائے نظریات کی سطح پر دیکھیے۔
     
  15. رفی

    رفی -: ممتاز :-

    شمولیت:
    ‏اگست 8, 2007
    پیغامات:
    12,394
    نو کمک او سوری نو کمنٹس!!!
     
    • ظریفانہ ظریفانہ x 1
  16. عائشہ

    عائشہ ركن مجلس علماء

    شمولیت:
    ‏مارچ 30, 2009
    پیغامات:
    24,479
    افسوس کی بات ہے کہ قادیانیت جیسے حساس مسئلے پر گفتگو کرتے وقت تقسیم کا یہ عالم ہے جب کہ یہ ہمارے بنیادی عقائد کا مسئلہ ہے۔
     
  17. ابوعکاشہ

    ابوعکاشہ منتظم

    رکن انتظامیہ

    شمولیت:
    ‏اگست 2, 2007
    پیغامات:
    15,966
    سبحان اللہ ۔ اس بھپتی نے لا جواب کردیا ۔۔۔
    یعنی اس کمک کا فائدہ بھی یوتھیوں کو ہوا ۔۔ بذریعہ بھپتی۔۔
    نیازی کے ٹبر کی زنبیل خالی ہوچکی ۔
     
  18. رفی

    رفی -: ممتاز :-

    شمولیت:
    ‏اگست 8, 2007
    پیغامات:
    12,394
    عموما پٹواریوں کو مٹھائی کھانے کے بعد سمجھ آتی کہ ان کے ساتھ ہوا کیا ہے، اس لئے جسٹ چل اینڈ اینجوائے۔۔۔۔۔:ROFLMAO:

    مردانہ وار کمک سامنے ہو تو بات بھی کریں۔۔۔۔:LOL:
     
    • دلچسپ دلچسپ x 1
  19. عائشہ

    عائشہ ركن مجلس علماء

    شمولیت:
    ‏مارچ 30, 2009
    پیغامات:
    24,479
    پرویز رشید سیکیولر خیالات کا آدمی ہے جس کی وجہ سے اس کی وزارت کے دور میں بھی اس پر تنقید ہوتی رہی ہے۔
    مشیر کی تنزلی ضرور ہو گئی ہے لیکن شاید آپ بھول رہے ہیں کہ انسانی حقوق کی وزیر شیریں مزاری نے قادیانیوں کو مسلمان قرار دینے کا اپنا بیان اب تک واپس نہیں لیا۔ جو کہ خود 298 سی کے حساب سے جرم ہے۔ اس وقت اس مسئلے پر صرف تنظیم تحفظ ختم نبوت والے ہی احتجاج کرتے نظر آ رہے ہیں۔ باقی سب تو اس خبر کو مکمل بھول چکے ہیں۔آصف محمود صاحب نے انہی باتوں کی طرف توجہ دلائی ہے۔ یہ باتیں اگر کسی کو صرف سیاسی مسئلہ لگ رہی ہیں تو بہت افسوس کی بات ہے۔ آئین پاکستان کی اسلامی دفعات پر اسی طرح بار بار حملے کیے جاتے ہیں تا کہ قوم کی حساسیت ختم کر کے رفتہ رفتہ ان کو بدلا جا سکے۔ اگر یہ بحثیں اسی طرح سیاسی تقسیم میں نظر انداز ہو گئیں تو فائدہ صرف اور صرف ان عناصر کو ہو گا جو چاہے کسی بھی پارٹی میں ہو راگ ایک ہی الاپ رہے ہیں۔
     
  20. عائشہ

    عائشہ ركن مجلس علماء

    شمولیت:
    ‏مارچ 30, 2009
    پیغامات:
    24,479
    جی بالکل جس دن نواز شریف نے یہ بیان دیا تھا اسی دن آواز اٹھائی، کئی لوگوں نے صرف اس بیان کی وجہ سے نواز شریف کو اس بار ووٹ نہیں دیا۔
    مسئلہ قادیانیت پر غلط پراپیگنڈہ چاہے جس پارٹی سے ہو، انسان کو اپنی ہر قسم کی سیاسی وابستگی بھول کر سب سے پہلے ایمان کی فکر کرنی چاہیے۔
     
    • متفق متفق x 1
Loading...

اردو مجلس کو دوسروں تک پہنچائیں