ادب پر تحقیق

ایک عالمِ دین کی بذلہ سنجی​

شیخ عبداللہ المطلق سعودی عرب کے بڑے علماء کی کمیٹی کے رکن ہیں۔ اُنکا شمار فی البدیہ اور فوراً فتویٰ دینے کے حوالے سے مشہور ترین علماء میں ہوتا ہے۔ اپنی بذلہ سنجی، ظریف اور پُر مزاح طبیعت کی وجہ سے عوام میں ایک خاص مقام رکھتے ہیں۔ براہ راست پروگراموں میں اُن سے پوچھے گئے سوالات کے جواب سننے کے لائق ہوتے ہیں۔

* ایک پروگرام کے دوران یمن سے ایک سائل نے ٹیلیفون کر کے پوچھا؛

شیخ صاحب، میرے موبائل میں قرآن شریف کی بہت سی تلاوت بھری ہوئی ہے۔ کیا میں موبائل کے ساتھ بیت الخلاء میں جا سکتا ہوں؟

شیخ صاحب: ہاں جا سکتے ہو، کوئی حرج نہیں۔

سائل نے سوال دوبارہ دہرایا: شیخ صاحب، میں موبائل میں قرآن شریف کے بھرے ہونے کی بات کر رہا ہوں۔

شیخ صاحب: میرے بھائی کوئی حرج نہیں، قرآن شریف موبائل کے میموری کارڈ میں ہو گا، تم اُسے ساتھ لیکر بیت الخلاء میں جا سکتے ہو۔

سائل: لیکن شیخ صاحب یہ قرآن کا معاملہ ہے۔ اور بیت الخلاء میں ساتھ لے کر جانا اچھا تو ہرگز نہیں ہے ناں!

شیخ صاحب؛ کیا تمہیں بھی کُچھ قرآن شریف یاد ہے؟

سائل: جی شیخ صاحب، مُجھے کئی سورتیں زبانی یاد ہیں۔

شیخ صاحب: تو پھر ٹھیک ہے، اگلی بار جب تُم بیت الخلاء جاؤ تو اپنے دماغ کو باہر رکھ جانا۔

 

بہت خوب کنعان بھائ۔ کافی عرصہ پہلے سسٹر ماہا جواد نے شیخ کی یہ اور اس طرح کی مزید دلچسپ گفتگو مجلس پر شئر کی تھی۔ جو کہ مندرجہ ذیل لنک پر موجود ہے۔
http://www.urdumajlis.net/threads/15368/

 

جزاک اللہ خیر