آسیہ کیس کا فیصلہ ملک بھر میں مذہبی تنظیموں کا احتجاج

پاکستان آج پھر عالمی خبروں کا موضوع ہے، جس کے جج مقدموں کو برسوں تک لٹکائے رکھنے اور تضاد بھرے فیصلے لکھنے کی تنخواہ لیتے ہیں، جس کے نام نہاد مذہبی رہنما عدالت میں ثبوت دینے میں ناکام رہتے ہیں، مگر سڑکیں بند کر دینے کے ماہر ہیں، علمی شعور کا یہ عالم ہے کہ آزاد ملک میں برطانوی غلامی کے زمانے کے غازی علم الدین کیس کے حوالے دیے جاتے ہیں۔ محمد عربی صلی اللہ علیہ وسلم کی #محبت میں یہ قوم مقدمے کی پیروی میں محنت نہیں کرسکتی، لیکن چوک میں ٹائر جلا کر زہریلا دھواں پھیلانے کو پیش پیش ہے۔ نجانے کتنی جانوں کو نگلنے والا کیس آج پھر سڑکوں کی ویرانی کا سبب بن رہا ہے۔ جہالت بال کھولے اس ملک کی عدالتوں سے سڑکوں تک بین کرتی پھر رہی ہے۔ اہل دانش کو عرصہ ہوا ہم دیوار سے لگا چکے۔ اب ہر سمت جاہل انقلابیوں کا راج ہے، اور #انقلاب میں ہر چیز تلپٹ ہوتے دیکھتے رہنا عام سی بات ہے۔

 

ایک وقت تھا جب ممتاز قادری کی پھانسی جیسے حساس مسئلے پر پی ٹی آئی نے سیاست کی اور آج دوسری جانب سے وہی رویہ سامنے آ رہا ہے۔ ملک کے بگڑتے حالات کی کسی کو پرواہ نہیں۔ بے حسی کی کوئی حد ہوتی ہے۔

 

رضوی میڈیا نامی یوٹیوب چینل پر فخریہ اعلان کیا جا رہا ہے کہ کہاں کہاں انہوں نے روڈ بند کر دیے ہیں۔ یہ سب مذہب کے نام پر ہو رہا ہے۔ اور ایجنسیاں یہ سب ہونے دے رہی ہیں کیوں کہ یہ الیکشن تھوڑی ہیں جن پر قابو پانا ان کی ڈیوٹی ہے۔

 

سمجھ نہیں آتا ہماری عدلیہ نے پہلے کون سا مثالی عدل کی نظیریں پیش کی ہیں جو لوگ اس کیس کے فیصلے پر صدمے کا شکار ہو رہے ہیں۔ یہاں مقدمہ ایسا لٹکایا جاتا ہے کہ مرنے کے بعد انسان بری ہوتا ہے، اور جب کسی کیس میں اچانک پھرتی دکھائی جاتی ہے تو وہ تاریخی نظیر بن جاتا ہے۔
عدلیہ تو عدلیہ ہے اس کو کیا کہہ سکتے ہیں لیکن سب سے دلچسپ نظریاتی لوٹے پن کا ثبوت نام نہاد لبرل دے رہے ہیں جو اپوزیشن میں ہوتے تھے تو 126 دن تک دھرنے میں ناچنا گانا، گالیاں بکنا، پورے پاکستان کو بند کرنے کی دھمکیاں دینا، قریبی پارکس کو تباہ کرنا، پولیس پر حملے کرنا، لاؤڈ سپیکر پر سارے علاقے کو انقلابی نغمے سنوانا اپنا حق سمجھتے تھے، آج انہیں ریاست کی رٹ شریف بہت زور سے یاد آ رہی ہے۔ یعنی حزب اختلاف میں ہو تو لبرل بن جاؤ حکومت میں آتے ہی فاشسٹ بن کر سب کو کچل دو۔ اتنی جلدی کینچلی سے باہر آگئے۔

 

میڈیا پر مذہبی جماعتوں کے موقف کی کوریج پر پابندی ہے اس لیے افواہیں پھیل رہی ہیں۔ ایک بات یہ اڑی کہ حافظ محمد سعید احتجاج سے الگ رہے ہیں۔
حقیقت میں انہوں نے نہ صرف سپریم کورٹ کے فیصلے کی مذمت کی ہے بلکہ یہ بھی کہا ہے کہ وہ احتجاج، تحریک اور دباؤ کے ذریعے مجبور کریں گے کہ حکومت نظرثانی کی اپیل کرے، اگر حکومت نہیں کرے گی تو جماعت الدعوۃ کرے گی۔ گویا انہوں نے قانونی راستہ خالی نہ چھوڑنے کا فیصلہ کیا ہے۔
البتہ یہ ضرور ہے کہ دوسرے بہت سے علمائے کرام کی طرح انہوں نے تحریک لبیک جیسے توڑپھوڑ والے احتجاج کی مذمت کی۔ یہ باتیں یہاں سنی جا سکتی ہیں۔

 

اے کاش اہل توحید کو اتنی ایمانی طاقت مل جائے کہ وہ امام کعبہ کو " جھلے' کا خطاب دینے والے خادم رضو ی کے پیچھے نہ چلیں،
اللہ سے دعا ہے کہ پیر افضل قادری اور خادم رضوی کا اصل چہرہ ہمارے دین دار طبقے کے سامنے کھل کر سامنے آ جائے، یا اللہ اہل توحید کو اتنی طاقت عطا فرما کہ وہ ان قبر پرستوں کے پیچھے نہ چلیں،
کیا تحریک لبیک 'حب رسول' کی ٹھیکیدار ہے یا اس کو ٹھیکیدار بنایا جا رہا ہے، کچھ تو ہے جس کی پردہ داری ہے۔۔۔۔

 

خادم رضوی کا خبث باطن دیکھیں

 

سیدھی سی بات ہے جیسے کچھ جہاد کے ٹھیکے دار پیدا کیے گئے ویسے ہی عشق کے ٹھیکے دار ہیں۔ وقتی طور پر یہی تاثر دیا جاتا ہے کہ ان کے سوا سب اہل پاکستان جہاد و عشق کے منکر ہیں۔ جنہوں نے تاریخ پڑھی ہےانہیں معلوم ہے کہ ہر دور میں دینی طبقے سے کچھ لوگ اسٹیبلشمنٹ کا ٹشو پیپر بنے۔ یہ وقتی شہرت بلبلے کی مانند پھوٹ جاتی ہے، پیدا کیے گئے زبردستی تباہ بھی کر دیے جاتے ہیں۔

 

حکومت اور ان اہل دھرنا کے مابین معاہدہ طے پا گيا۔۔ پچھلی بار ان کا دھرنا 20 دن سے زائد جاری رہا تھا۔ اس کی وجوہات جو بھی رہی ہوں لیکن اس بار تین دن کے اندر ہی یہ دھرنا ختم کر دیا گيا۔ لیکن میرے خیال میں یہ مسئلہ کا حل نہیں ہے۔ حکومت کو اس طرح کے دھرنوں کے خلاف قانون سازی کرنی پڑے گي۔ اور اس طرح کے دھرنوں کے ذمہ داروں کی سزا مقرر کرنی ہوگي۔ ورنہ یہ دوبارہ ایسا کریں گے۔ لوگوں کی املاک جلانا، لوٹنا کہاں کا اسلام ہے۔ یہ کونسی اسلام کی خدمت ہے؟۔
اصولا فیصلہ آںے کے بعد احتجاج کرنے کے بجاۓ انہیں خود عدالتی کاروائ کا حصہ بننا چاہیے تھا۔ اور آسیہ کے خلاف کیس کی پیروی کرنی چاہیے تھی۔ لیکن میرے خیال میں اس وقت بھی ان کی مرضی کا فیصلہ نہ آنے کی صورت میں ان کا رد عمل یہی ہونا تھا۔
بہر حال حکومت وقت کو اس مسئلہ کا کوئ مستقل حل ڈھونڈنا ہی پڑے گا۔ ورنہ یہ ملک ہمیشہ انتشار کا شکار رہے گا۔

 

دھرنے والوں نے اصل مسئلے سے توجہ ہٹانے اور مذہبی لوگوں کو بدنام کرنےکی ڈیوٹی پوری طرح نبھائی۔ اب وفاقی وزرا ہوبہو پرویز مشرف کے الفاظ میں بڑھکیں مار کر اصل مسئلے کو گول کرنے کی کوشش میں ہیں، لیکن آنکھیں بند کرنے سے خطرہ نہیں جاتا۔اصل مسئلہ وہیں کا وہیں ہے۔ اور وہ یہ ہے کہ ملک کی تمام مذہبی جماعتوں نے عدالتی فیصلے کی شفافیت پر شک کا اظہار کیا ہے، عوام میں بھی بے یقینی اور مایوسی ہے۔ عدلیہ توہین عدالت کے نوٹس بھیج کر اپنا وقار بلند نہیں کر سکتی جب اس کے متنازعہ فیصلوں کی تاریخ ستر سال پر محیط ہو۔

 

جی بات تو درست ہے۔ لیکن مسئلہ یہ ہے کہ ہمارے ملک میں ایک عدالتی نظام موجود ہے۔ اور تمام فیصلے چاہے ہم انہیں پسند کریں یا نا کریں وہیں ہوتے ہیں۔ تو اس صورت میں کیا ہماری مذہبی جماعتوں کی یہ ذمہ داری نہیں بنتی تھی کہ وہ بھی اس عدالتی کاروائ کا حصہ بنتے۔
دوسری اہم بات یہ کہ اس احتجاج کی آڑ میں توڑ پھوڑ اور لوٹ مار کا سلسلہ تین دن جاری رہا لیکن محسوس ایسا ہو رہا تھا کہ انہیں سب کچھ کرنے کی اجازت ہے۔ پولیس یا دوسرے اداروں نے عوام کی جان و مال کے تحفظ کے لیے کچھ نہیں کیا۔ بعد میں ان پر مقدمات چلانے کے بجاۓ انہیں قانون اپنے ہاتھ میں لینے سے روکنا ان اداروں کی اولین ذمہ داری ہونی چاہیے تھی۔

 

بی بی رہا اور بیرون ملک روانہ
https://www.bbc.com/urdu/pakistan-46132740

 

حکومت کی جانب سے بیرون ملک روانگی کی تردید کی گئی ہے۔

https://www.dawnnews.tv/news/1090786/

 

عدالت عظمی نے آسیہ بی بی کیس پر نظر ثانی درخواست خارج کرتے ہوئے اکتیس اکتوبر 2018 کا فیصلہ برقرار رکھا ہے۔
اسلام آباد میں سیکیورٹی ہائی الرٹ ہے۔

 

اس وقت تین دن تک توڑ پھوڑ کی اجازت تھی، آج کل پرامن احتجاج کی مناسب کوریج کی بھی اجازت نہیں۔
آج تقریبا تمام بڑی مذہبی جماعتوں نے نماز جمعہ کے بعد احتجاج کی کال دے رکھی ہے۔ زمہ دار جماعتوں کے ایسے احتجاج کے لئے انتظامیہ سے پہلے اجازت لی جاتی ہے اور اس کے پرامن رہنے کی ذمہ داری جماعت کے اوپر ہوتی ہے خدا کرے کہ یہ پرامن رہے۔