عیدالفطر کی خوشیاں مبارک ہوں !!

بسم اللہ الرحمٰن الرحیم​

السلام علیکم ورحمة اللہ وبرکاتہ
عزیزانِ گرامی !

[ar]رمضان المبارک[/ar] کے مقدس و متبرک مہینے میں ہم نے اللہ کی کتاب کو پایا تھا
اسی ماہ میں کتابِ اللہ سے اپنے رشتہ کی تجدید کی تھی
کتاب اللہ سے اپنے تعلق کو تازہ تر اور قوی تر بنانے کے لیے تلاوت کا اہتمام کیا تھا
نمازِ تراویح کی ادائیگی کی تھی ، قرآن کریم کو سنا اور سنایا
طاق راتوں میں جاگ جاگ کر رب العالمین کی چوکھٹ پر پیشانی بچھائی ، رویا گڑگڑایا اور دستِ سوال کو پھیلایا

عبادت اور بندگی کی یہ لذتیں بےشک اللہ کی توفیق سے حاصل ہوئیں ۔۔۔
اور آج ۔۔۔ رمضان المبارک کی تکمیل پر نزولِ قرآن کریم کا جشن ۔۔۔ گویا ۔۔۔ [ar]عیدالفطر[/ar] کا جشن ہے !
اور عید کے موقع پر ایک دوسرے کو مبارکباد دینا ۔۔۔ برکت کی دعا کرنا بھی ہے اور خوشی و مسرت کا اظہار بھی۔

اردو مجلس کے تمام معزز اراکین کو عید الفطر کی بہت بہت مبارکباد قبول ہو۔​

مگر ، یاد رکھئے کہ ۔۔۔۔۔۔
ہرچند کہ ماہِ مبارک نے اپنا کام مکمل کر لیا اور اپنی ذمہ داری سے عہدہ برآ ہو گیا۔ خالقِ کائینات نے "تربیتِ نفس" کی جو اہم ذمہ داری اس کے سپرد کی تھی اس کی تکمیل بحسن و خوبی انجام پائی۔
اب اپنے اپنے دلوں کو بدعملی کی آلائشوں سے محفوظ رکھنا ہماری اپنی ذمہ داری ہے جو ہمارے اپنے عزم و ارادے کے بغیر مکمل نہیں ہو سکتی۔
ماہِ مبارک کے طفیل ، روحِ مسلم کو عبادت کی چاشنی ، اعمالِ خیر کی حلاوت اور ذکر و تلاوت کی مٹھاس حاصل تو ہو گئی ۔۔۔ مگر یہ گراں بار ذمہ داری بھی عائد ہو گئی کہ

• عبادت و ریاضت کی اس عادت کو برقرار رکھا جائے۔۔۔
• شریعت کے ساتھ وابستگی کے اس تسلسل کو جاری رکھا جائے۔۔۔
• ماہِ مبارک والی نیکیوں کے اہتمام کا سلسلہ دیگر مہینوں میں بھی قائم رکھا جائے ۔۔۔۔۔۔۔۔

فرمان باری تعالیٰ ہے :
اور (ہر وقت) اللہ سے ڈرتے رہو۔ اللہ تمہارے سب اعمال سے باخبر ہے۔
( سورة الحشر : 59 ، آیت : 18 )

اللہ تعالیٰ ہم تمام کو صراط مستقیم پر قائم و دائم رکھے ، آمین !!​