پاکستان کی زمبابوے کے خلاف سات وکٹ سے فتح !

کینیڈا میں کھیلنے جانے والے چار ملکی ٹوئنٹی ٹوئنٹی ٹورنامنٹ کے ایک میچ پاکستان نے زمبابوے کو سات وکٹ سے شکست دے دی ہے۔

زمبابوے نے پاکستان کو فتح کے لیے ایک سو آٹھ رن کا ہدف فراہم کیا تھا جو کہ اس نے انیس اوورز میں حاصل کر لیا۔

پاکستان کی جانب سے اوپنر شعیب خان جونیئر نے چھ چوکوں کی مدد سے نصف سنچری بنائی جبکہ سلمان بٹ تینتیس رن بنا کر نمایاں رہے۔

اس سے قبل زمبابوے نے ٹاس جیت کر پہلے کھیلنے کا فیصلہ کیا اور مقررہ بیس اوورز میں آٹھ وکٹوں کے نقصان پر ایک سو سات رن بنائے۔زمبابوے کی اننگز کی خاص بات اوپنر مساکادزا کی شاندار بلے بازی تھی۔ انہوں نے اڑتیس گیندوں پر باون رن کی جارحانہ اننگز کھیلی جس میں تین چھکے اور پانچ چوکے شامل تھے۔

زمبابوے کے اوپنرز نے اپنی ٹیم کو باسٹھ رنز کا آغاز فراہم کیا اور اس سکور پر کپتان شعیب ملک نے پاکستان کو پہلی کامیابی دلائی۔ اکیاسی کے مجموعی سکور پر نصف سنچری بنانے والے مسکادزا کے آؤٹ ہونے کے بعد زمبابوے کی بیٹنگ لائن لڑکھڑا گئی اور سکور جب سو رنز تک پہنچا تو اس کے چھ کھلاڑی پویلین لوٹ چکے تھے۔

زمبابوے کے ابتدائی دو کھلاڑیوں کے علاوہ کسی کھلاڑی کا سکور دہرے ہندسوں میں داخل نہ ہو سکا اور زمبابوے کے مجموعی سکور میں دوسرا سب سے بڑا حصہ اضافی رنز کا تھا۔

پاکستان کی جانب سے فواد عالم نے تین جبکہ عمر گل، شاہد آفریدی اور شعیب ملک نے ایک، ایک وکٹ حاصل کی جبکہ دو کھلاڑی رن آؤٹ ہوئے۔

یاد رہے کہ ٹورنامنٹ میں پاکستان نے اپنے ابتدائی میچوں میں انتہائی سنسنی خیز مقابلے کے بعد سری لنکا کو تین وکٹ سے جبکہ کینیڈا کو پینتیس رنز سے شکست دی تھی۔

بی بی سی اردو​

 

ہمممم۔۔۔۔۔۔زبردست اچھی خبر ہے تو شکریہ بھی قبول کریں نہ۔۔۔۔۔۔۔۔۔۔۔۔۔!:00003:

 

اب تو یہ خبر پرانی ہو چکی ہے- رات کو تو پاکستان فائنل بھی ہار چکا ہے سری لنکا سے-

 

اوہ۔۔۔۔۔
کیسے؟؟؟:00002:

 

یہ تھریڈ ملاحظہ فرمائیے:

http://www.vblinks.urdumajlis.net/showthread.php?p=93830#post93830