افادیت کی یقین دہانی (کوالٹی اشورنس)

اسلام علیکم!
تمام دوستوں کی خدمت میں افادیت کی یقین دہانی(کوالٹی اشورنس) پر ایک مختصر معلوماتی آرٹیکل پیش کر رہا ہوں۔

کوالٹی اشورنس کیا ہے؟
کوالٹی اشورنس اس عمل کو کہا جاتا ہے جس کے ذریعے کسی بھی چیز میں پنہاں خطرات و نقصانات کا ازالہ کر کے کلی طور پر اعتبار قائم کرنے میں مدد ملتی ہو۔

فوائد:
اس عمل کے فوائد بے شمار ہیں۔ پہلا فائدہ تو استعمال کنندگان کا ہے کہ وہ جو چیز خرید رہے ہوتے ہیں اس کے استعمال سے انہیں نقصان کا اندیشہ نہیں ہوتا۔ دوسرا یہ کہ ان کی رقوم کا بے جا استعمال نہیں ہوتا اور سب سے بڑا فائدہ اس ادارے کا ہوتا ہے جس کی مصنوعات اس عمل کی بنا پر قابلِ اعتماد ٹھہرتی ہیں اور اس وجہ سے ہاتھوں ہاتھ فروخت ہوتی ہیں۔

استعمال:
کوالٹی اشورنس ہر شعبے میں ہی قابلِ استعمال ہوتی ہے، اس کی مثال یوں دوں گا کہ اگر آپ گھر پر کھانا تیار کرتے ہیں جس میں انتہائی مہنگی اشیا و مصالحہ جات کا استعمال کیا جائے مگر اس کی تیاری کے دوران کسی غلطی کی بنا پر اس کا ذائقہ یا رنگ تبدیل ہو جائے تو یقینآ اس کی افادیت ختم ہو کر رہ جائے گی۔ کوالٹی اشورنس ہر قسم کی صناعی میں انتہائی اہمیت کی حامل ہے، چاہے روزِ مرہ کی عام استعمال کی اشیا ہوں یا زندگی بچانے والی ادویات۔ تاہم کوالٹی اشورنس کا اطلاق ادویات اور کھانے پینے والی اشیاپر انتہائی اہمیت کا حامل ہوتا ہے۔ اگر آپ بازار سے ایک پتلون خریدتے ہیں تو دیکھ کر اندازہ لگا سکتے ہیں کہ اس کی کوالٹی کیسی ہےمگر کسی بھی دوائی کو دیکھ کر یہ نہیں کہا جاسکتا کہ اس کے استعمال سے واقعی افاقہ ہوگا یا آپ لڑھک جائیں گے- - - -

(جاری ہے----)

 

ماشا اللہ ۔۔۔
بہت عمدہ۔۔۔
مزید کا انتظار ہے۔۔۔
اللہ آپ کو خوش رکھے

 

بہت عمدہ

 

شکریہ

 

شاندار رفی بھائی