اردو مجلس پر نئے منتظمین کا تقرر

بسم اللہ الرحمٰن الرحیم

السلام علیکم

اراکینِ مجلس کو یہ اطلاع دیتے ہوئے اردو مجلس کی انتظامیہ دلی مسرت محسوس کرتی ہے کہ آج مجلس پر تین ناظم صاحبان کا تقرر عمل میں لایا جا رہا ہے۔

1۔
زمرہ : مجلسِ ادب
ناظم : s4shakeel
برادر s4shakeel مجلسِ ادب کے تمام زمرہ جات کی تزئینِ نو کرنے کے ساتھ ساتھ ان کی ذمہ داریاں بھی سنبھالیں گے ، ان شاءاللہ ۔ آپ اردو ادب و شاعری کا کافی ذوق و شوق رکھتے ہیں اور ہمیں امید ہے کہ ان کی سرکردگی میں مجلسِ ادب ، مقبولیت اور معیار میں اپنا ایک منفرد مقام بنائے گی۔

2۔
زمرہ : مجلسِ انفارمیشن ٹیکنالوجی اور کمپیوٹنگ
ناظم : R4Rifi
برادر R4Rifi مجلسِ انفارمیشن ٹیکنالوجی اور کمپیوٹنگ کے تمام زمرہ جات کی ذمہ داریاں سنبھالیں گے ، ان شاءاللہ ۔ آپ انفارمیشن ٹیکنالوجی کے حوالے سے کسی تعریف کے محتاج نہیں ہیں۔ ہمیں اُمید ہے کہ آپ اراکینِ مجلس کی بہتر رہنمائی اور رہبری کرنے کے ساتھ ساتھ آئی۔ٹی کی نت نئی معلومات سے ہم تمام کو وقتاََ فوقتاََ روشناس کراتے ہوئے تیز رفتار تبدیلیوں سے ہم آہنگ رکھیں گے۔

3۔
زمرہ : مجلسِ گرافک ( کورل ڈرا کورس ذیلی زمرہ )
ناظم : اعجاز علی شاہ
برادر اعجاز علی شاہ ، مجلسِ گرافک کے ذیلی زمرہ " کورل ڈرا کورس " کی ذمہ داریاں سنبھالیں گے ، ان شاءاللہ۔ ہمارے یہ برادرِ محترم انٹرنیٹ کی اردو کمیونیٹی میں گرافک ڈیزائیننگ کے حوالے سے خاصے معروف ہیں ۔ ہمیں امید ہے کہ اردو مجلس کے وہ اراکین جو گرافک ڈیزائیننگ کا شوق رکھتے ہیں ، کورل ڈرا کورس کی تمام جماعتوں میں جوق در جوق شریک ہو کر اردو یونیکوڈ ٹیٹوریل کے اس سلسلے کی مقبولیت کو چہار سمت پھیلانے میں اپنا کردار ادا کریں گے۔