نہ جانے کن اداؤں سے لبھا لیا گیا مجھے قتیل میرے سامنے چُرا لیا گیا مجھے کبھی جو ان کے جشن میں سیاہیاں بکھر گئیں تو روشنی کے واسطے جلا لیا گیا مجھے براہِ راست رابطہ نہ مجھ سے تھا قبول انہیں لکھا کے خط رقیب سے بلا لیا گیا مجھے جب ان کے دید کے لیے قطار میں کھڑا تھا میں قطار سے نہ جانے کیوں ہٹا لیا گیا مجھے میں روندنے کی چیز تھا کسی کے پاؤں سے مگر کبھی کبھی تو زلف میں سجا لیا گیا مجھے سوال تھا وفا ہے کیا ، جواب تھا کہ زندگی قتیل پیار سے گلے لگا لیا گیا مجھے
