نام میں کیا رکھا ہے

دوستو یہ ناموں کا سلسلہ بھی عجیب ہے۔ ہر وہ انسان جو اس دنیا میں تشریف لایا ہے۔ اس کی پہچان کے لیۓ نام رکھنا بھی ایک لازمی امر ہے۔اور ہاں آج کے دور میں نمبروں کی اہمیت بھی کم نہیں ہے۔ اور بہت سی جگہوں میں ہماری پہچان نمبر ہوا کرتے ہیں۔ اور یہ سلسلہ ایک انسان کی پیدائش سے ہی شروع ہو جاتا ہے۔ مثلا پیدائشی سرٹیفیکیٹ نمبر، شناختی کارڈ نمبر، پاسپورٹ نمبر، راشن کارڈ نمبر، لائسنس نمبر، رول نمبر، بکنگ نمبر۔ یعنی نام کے ساتھ نمبر بھی شخصیت کا لازمی حصہ بن چکے ہیں۔ ٹریفک کی خلاف ورزی پر سرکاری فوٹو اسٹوڈیو، جو حکومت نے مختلف مقامات پر قائم کیے ہوئے ہیں، نے آپ کی گاڑی کی تصویر کھینچی اور اس کے نمبر کی مدد سے آپ تک پہنچ گۓ اور تصویر کھینچنے کے چارجز آپ سے وصول کرلیۓ۔ اور تو اور آج کمپیوٹر کے دور میں آ پ کے کمپویٹر کے IP نمبر کی مدد سے آپ تک پہنچا جاسکتا ہے۔ خیر بات ہو رہی تھی ناموں کی۔ کچھ شخصیات ایسی ہوتی ہیں جن کی ذات ان کے نام کے مطابق ہوتی ہے۔ مثلا ہو سکتا ہے کہ شجاع اپنے نام کی طرح ہی بہادر ہو۔ سخی اپنی سخاوت میں مشہور ہو۔ ایسے ہی لوگوں کو میرے خیال میں اسم بامسمی کہا جاتا ہے۔۔ مگر ہمارے روز مرہ کے مشاہدات میں ایسی بہت سی مثالیں نظر آتی ہیں کہ نام اور شخصیت میں مشرق و مغرب کا فرق نظر آتا ہے۔ امیر خان کے گھر میں غربت نے ڈیرے ڈالے ہوۓ نظر آتی ہے۔ دولت خان دولت کے صرف خواب ہی دیکھ سکتا ہے۔ گل اندام کا وزن 100 کلو گرام بھی ہوسکتا ہے۔ جہانگیر ہوسکتا ہے کہ کبھی اپنے محلے سے باہر بھی نہ گیا ہو۔ ہماری اس مجلس کے ایک بہت ہی پیارے دوست ہیں اعجاز علی شاہ ۔ نام سے میرے ذہن میں کچھ ایسا تصور تھا کہ وہ ایک بھاری بھرکم شخصیت کے مالک ہوں گے مگر جب ملاقات ہوئ تو کچھ ایسا محسوس ہوا کہ وہ ان لوگوں کے مصداق نہیں ہیں جو کہ کھانے کے لیۓ زندہ رہتے ہیں بلکہ وہ زندہ رہنے کے لیۓ کھانا کھاتے ہیں۔ اللہ انہیں خوش رکھے بہت ہی پیاری شخصیت کے مالک ہیں۔
اس بارے مین ایک دلچسپ بات عرض کرتا چلوں۔ ہمارے ایک دوست جو کہ پہلے ریاض میں ہوا کرتے تھے اب کافی عرصہ ہوا پاکستان جا چکے ہیں۔ دونوں میاں بیوی کا نام ایک ہی تھا۔ یعنی "شمیم" اب گھر میں کچھ ایسے ہوتا ہوگا۔ کہ ساس نے آواز لگائ "شمیم" جواب کچھ ایسے آیا "امی مجھے بلا رہی ہیں یا انہیں"
یا کچھ ایسے بھی ہوسکتا ہے کہ شمیم صاحب جواب دیں "امی ابھی آیا" اور نفس الوقت شمیم صاحبہ پکاریں امی ابھی تھوڑی دیر میں آئ" ۔
کچھ لوگوں کو شائد نام پسند نہیں ہوتے یا کسی اختصار کی غرض سے وہ اپنے نام کو محفض کر کے لکھتے ہیں۔ جیسے کہ "نبی داد خان " اپنے آپ کو "این ڈی خان" لکھتا ہے یا "اللہ دتا" "اے ڈی" بن جاتا ہے۔ ہماری اسی مجلس کی ایک محترم بہن ہیں "sjk" میں انہیں کافی عرصے تک بھائ ہی سمجھتا رہا۔
اسی طرح کچھ نام ہمارے ہان خواتین کے رکھے جاتے ہیں، مثلا "طلعت ، رفعت" وغیرہ مگر عربوں میں یہ نام حضرات کے لیۓ مخصوص ہیں۔
"گل جی" کا نام آتے ہی آپ کے ذہن میں پاکستان کے مشہور مصور کا نام آ جاے گا اور ظاہر ہے کہ وہ مؤنث نہیں بلکہ مذکر تھے۔ اس مجلس میں ایک نئ بہن بھی اس نام سے رجسٹر ہوئ ہیں۔ ہماری غلطی کہ نام سے ہم انہیں "گل جی بھائ" سمجھ بیٹھے۔
اردو مجلس کا ایک مستقل تھریڈ ہے "آئیۓ اپنی حاضری لگا جائیں" وہاں محترم سسٹر گل جی نے کچھ اس طرح لکھا،
(السلام علیکم ورحمۃاللہ وبرکاتہ ۔کیا حال ہے آپ کا ؟ کٰیا کرتی ہیں آپ ؟)
تو جناب ہم نے سوچا کہ "بھائ گل جی" بہنوں کو اس طرح کیوں مخاطب کیا ہے۔ تو ہم نے کچھ اس طرح کا ردعمل ظاہر کیا
ا

ہماری غلطی کہ ہم نے ان کی آئ ڈی کو غور سے نہیں پڑھا۔ جس پر "محترمہ سسٹر گل جی" سے معذرت۔ اور ان کا شکریہ بھی ادا کردیں کہ اس غلطی کو بنیاد پر ہی ہم یہ سب کچھ لکھنے کے قابل ہوۓ۔

 

زبردست تحریر

 

جزاک اللہ خیرا بھائی
مزہ آیا پڑھنے کا

چلیں اچھا ہوا کہ وقت پر ہی جان لیا کہ کون بہن بھائی اور کون بھائی

 

ماشا ء اللہ

بابر بھائی آپ بہت اچھا لکھ سکتے ہیں پر آپ لکھتے کیوں نہیں

بات نام کی چلی

ویسے مجھے جہاں تک یاد پڑتا ہے مجھے یوزر نیم تبدیل کرنے کا مشورہ آپ ہی نے دیا تھا سب سے پہلے

بارك اللہ فیك

آپ سے گزارش ہے کہ

آپ لکھا کریں

اللہ آپ کے علم ااور عمر اور قلم میں برکت دے

آمین

 

بھائ عبد الرحمن یحیی حوصلہ افزائ اور دعاؤں کا شکریہ۔ بارک اللہ فیک ۔
بھائ اصل بات یہ ہے کہ درحقیقت میں لکھنا تو بہت کچھ جاہتا ہوں مگر۔ میرے کام اور گھر کی مصروفیات کچھ ایسی ہیں کہ بہت کم وقت اپنے لیۓ نکال پاتا ہوں۔ میرے کمپویٹر میں میرے اکثر مضامین ادھورے پڑے ہو‎ۓ ہیں اور مصروفیت کی وجہ سے ان پر وقت کی دھول جمتی جاتی ہے۔ اور پھر وہ تمام مضامین ادھورے پی پڑے رہ جاتے ہیں۔ بہر حال بھائ اب کوشش کروں گا کہ روزانہ کچھ وقت اس کام کے لیۓ بھی نکالوں۔ میرے لیۓ دعا کجیۓ گا۔
کل حج کے لیۓ روانہ ہونے کا پروگرام ہے۔ ان شاء اللہ۔ دعا کیجیۓ گا کہ اللہ تعالی آسانیاں پیدا فرماۓ اور ہم سب کے حج کو قبول فرماۓ۔آمین!

 

آمین یارب العالمین

 

جزاک اللہ خیرا بابر بھائی

 

زبردست تحریر ہے جزاک اللہ
واقعی نام میں کیا رکھا ہے؟
مجھے بھی سسٹر گل کا پیغام دیکھ کر حیرت ہوئی تھی اسی لئے تو لکھا تھا کہ گپ شپ کے لئے گوشہ نسواں میں آئیں۔

 

اللہ مالک الملک سب کا حج ''حج مبرور ''بنائے

اور سب کو خیریت کے ساتھ اُن کے گھروں میں واپس لائے

اللھم آمین

 

بہت خوب :00001:

 

زبردست !:00001:

 

سسٹر گل کہاں ھیں مجھے ابھی تک کہیں بھی نظر نہیں آئیں

 

گوگل سرچ پر کچھ تلاش کرتے ہوۓ یہ آرٹیکل سامنے آ گيا۔ نۓ قارئين کے لیے اسے اپ کر رہا ہوں۔
اس تھریڈ میں سب سے آخری پیغام ام ثوبان سسٹر کا تھا۔ جو کہ اب ہم میں نہیں ہیں ، اللہ تعالی ان کی مغفرت فرماۓ آمین!

 

آمین

 

اللھم آمین

 

اللہ ہماری سسٹر کو کروٹ کروٹ جنت نصیب کرے، ایک اور تھریڈ میں نام کے ہی سلسلے میں ان کی ایک دلچسپ پوسٹ یہاں پر پڑھیں:
http://www.urdumajlis.net/threads/22901/page-4#post-371301

 

اس تھریڈ پر نہ تو لائک کرسکتے ہیں اور نہ ہی مزید پیغام دے سکتے ہیں

 

کیونکہ تھریڈ مقفل ہے، ویسے پڑھ تو سکتے ہیں نا