مصری فوج کا مرسی کے حامیوں کے خلاف آپریشن شروع

کسی نے یہ کہا بھی نہیں ۔ پچھلے صفحات دیکھے جا سکتے ہیں ۔

 

مصر میں ظلم ہوا ہے، یہ سب پچھی پوسٹس سے ظاہر ہے لیکن اس سب سے آپ اخوانیوں‌کو بری الذمہ قرار نہیں دے سکتے۔ کوئی شک نہیں کہ حالات کو ہینڈل کرنے میں اخوانی قیادت بہت بری طرح ناکام رہی اور یہ ان کے سیاسی طور پر نابالغ ہونے اور جذباتیت کا منہ بولتا ثبوت ہے۔
اور پچھلی کچھ پوسٹس میں دوسری بات کو آپ سرے سے نظر انداز کر گئے ہیں کہ قصور مصر کی فوج اور اخوانی قیادت کی ضد کا ہے، سعودی عرب کو بیچ میں گالیاں کیوں‌ پڑ رہی ہیں۔
اب اخوانیوں نے بے پردہ خواتین کی ویڈیوز بھی لگانا شروع کر دی ہیں۔ اللہ ہدایت دے

 

مجھے اخوانیوں پر ھونے والے ظلم و ستم پر دکھ صرف اسی وجہ سے ھے کہ وہ مسلمان ھیں ۔ حالات و واقعات جو بھی رھیں ھوں۔ اور اسی طرح شام میں ھونے والے ظلم و ستم کے دکھ بھرے واقعات پر بھی۔
اب ھماری ساری توانائیاں اسی پر ھی کیوں لگ رھی ھیں کہ اخوانی یہ تھے وہ تھے، یا ھیں؟
ان کی حکومت کے آخری دنوں میں ان کے خلاف ھونے والے مظاھروں میں کتنے لوگ مارے گئے؟ شاید اس کی مثال نہ ملے۔
بس یہی دعا ھے کہ اللہ ھم سب مسلمانوں‌ کو ھر ظالم کے شر سے بچائے ۔ آمین

 

غلطی کی نشاندہی کرنے کا مطلب غلطی کو نہ دہرانے کا اشارہ ہوا کرتا ہے۔
اخوان المسلمین کے گمراہ کن منہج کی وجہ سے ہی آج مسلم ممالک میں یہ آگ کی لہر دوڑی ہوئی ہے یہاں‌تک کہ افغانستان، لیبیا اور پاکستان کے محاذ کے پیچھے بھی انہی کے افکار و خیالات ہیں۔

 

تو کیا یہ سمجھا جائے کہ جہاں‌جہاں مسلمان اذیت میں ھیں‌یا ظلم کا شکار ھیں ، انھیں کے افکار کی وجہ سے ھی ھیں؟

 

ظھر الفساد فی البر والبحر بما کسبت ایدی الناس۔۔۔
سب کچھ ہمارا ہی کمایا ہوا ہے۔

 

اخوان اقتدار چھننے کے بعد

اقتدار چھننے کے بعد اخوان المسلمون نے دوبارہ خفیہ سرگرمیوں کا آغاز کر دیا
تنظیم کو کالعدم قرار دینے کے کئی عوامل موجود
مصر میں اخوان المسلمون کے ایک سالہ اقتدار کے پرتشدد اور ناپسدیدہ انداز میں خاتمے کے بعد جماعت نے پھر سے اپنی سرگرمیوں کا خفیہ آغاز کر دیا ہے۔ تیس جون کو سابق صدر ڈاکٹر محمد مرسی کے خلاف اٹھنے والے عوامی احتجاج کے طوفان نے نہ صرف ملک میں ایک منتخب جمہوری حکومت کی بساط لپیٹ دی بلکہ اخوان کی قیادت کےخلاف طاقت کے استعمال کے بعد جماعت کو حکمت عملی تبدیل کرنے پر بھی مجبور کر دیا ہے۔

مصری دانشوروں کا خیال ہے کہ اخوان المسلمون کو اپنے کیے کی سزا ملی ہے۔ معزول صدر محمد مرسی کوعوامی مطالبہ مانتے ہوئے حکومت چھوڑ دینی چاہیے تھی اور ان کی جماعت اخوان المسلمون کو تشدد کا راستہ اختیار کرنے کے بجائے پرامن رہتے ہوئے عوام کے مطالبات پرغور کرنا چاہیے تھا۔ جماعت نے غیر دانشمندانہ حکمت عملی اپنائی اور ریاست سے ٹکر لینے کا فیصلہ کر کے اپنی طاقت ختم کر بیٹھی ہے۔ اس وقت جماعت کی صف اول اور صف دوم کی قیادت زیرحراست ہے اور جو پکڑے نہیں جا سکے ہیں وہ روپوش ہیں لیکن پولیس مسلسل ان کا پیچھا کر رہی ہے۔

ماہرین کا خیال ہے کہ موجودہ حالات میں جماعت کے لیے ڈنکے کی چوٹ پر اپنی دعوتی و سیاسی سرگرمیاں جاری رکھنا ناممکن ہے۔ جماعت نے اس کا ایک متبادل حل خفیہ سرگرمیوں کی شکل میں نکالا ہے۔ جماعت کی "انڈر گراؤنڈ" قیادت کے درمیان رابطے ٹیلیفون یا موبائل کے ذریعے نہیں بلکہ ایک دوسرے تک زبانی پیغام رسانی ہو رہی ہے۔

اخوان المسلمون کی پالیسیوں کے ناقدین مزید کہتے ہیں کہ تیس جون کے بعد جماعت نے تشدد کا راستہ اختیار کر کے اپنی عوامی مقبولیت کھو دی۔ موجودہ عبوری حکومت جماعت کو ایک کالعدم تنظیم قرار دینے پرغور کر رہی ہے۔ جماعت پرپابندیاں عائد کرنے کے کئی عوامل موجود ہیں۔ اگرحکومت ایسا کوئی فیصلہ کرتی ہے تو اسے کسی قسم کی مشکل کا سامنا نہیں کرنا پڑے گا۔

فوج کی جانب سے اخوان قیادت کے خلاف کریک ڈاؤن اور اس کے مالی سوتوں پر پابندیاں عائد کر کے جماعت کو سنگین مشکلات سے دوچار کیا گیا ہے۔ یہ بھی عین ممکن ہے کہ اخوان کے باقی ماندہ کارکن اپنی طاقت بحال کرنے کے لیے پھر سے تشدد کا راستہ اپنائیں۔ اگرایسا ہوا تو جماعت حتمی طورپر ختم ہوجائے گی، کیونکہ اب اخوان المسلمون سے نفرت کرنے والوں میں عوام بھی شامل ہو گئے ہیں۔
http://urdu.alarabiya.net/ur/middle-east/2013/08/28/%D8%A7%D9%82%D8%AA%D8%AF%D8%A7%D8%B1-%DA%86%DA%BE%D9%86%D9%86%DB%92-%DA%A9%DB%92-%D8%A8%D8%B9%D8%AF-%D8%A7%D8%AE%D9%88%D8%A7%D9%86-%D8%A7%D9%84%D9%85%D8%B3%D9%84%D9%85%D9%88%D9%86-%D9%86%DB%92-%D8%AF%D9%88%D8%A8%D8%A7%D8%B1%DB%81-%D8%AE%D9%81%DB%8C%DB%81-%D8%B3%D8%B1%DA%AF%D8%B1%D9%85%DB%8C%D9%88%DA%BA-%DA%A9%D8%A7-%D8%A2%D8%BA%D8%A7%D8%B2-%DA%A9%D8%B1-%D8%AF%DB%8C%D8%A7.html

 

کوئی شک نہیں کہ یہ "حق و باطل" کا معرکہ نہیں تھا، دونوں طرف مسلمان تھے ۔ اسلام کے نام پر سیاست کرنے والے اپنی سیاسی آراء کو اسلامی عقیدے کی مانند ناقابل بحث بنانا چاہتے ہیں ۔ یہ ممکن نہیں ہے ۔ لوگ اختلاف کریں گے اور انہیں برداشت کرنا ہو گا ۔

 

لوجی پرامن مظاہروں میں اور مسلمان گزر گئے
قاہرہ میں پھر چھ مظاہرین ہلاک، مظاہروں میں ہزاروں شریک
صرف جمعہ کے روز 190 افراد زخمی ہو گئے، سخت سکیورٹی انتظامات


مصر میں جمعہ کا دن پھر اخوان المسلمون کے لیے ہلاکتوں کا پیغام لے کر آیا اور پہلے جمہوری صدر مرسی کی بحالی کے حق میں مظاہرہ کرنے والے کم از کم چھ افراد لقمہ اجل بنا دیے گئے۔ ان مظاہرین میں سے ایک سو نوے کے سکیورٹی فورسز کے آہنی ہاتھوں کی زد میں آ کر زخمی ہوںے کی اطلاع آئی ہے۔ وزارت صحت کے مطابق یہ ہلاکتیں مظاہرین اور سکیورٹی فورسز کے درمیان جھڑپوں کے دوران ہوئی ہیں۔

چند دن کی خاموشی کے بعد قاہرہ سے پھر خونریزی کی خبریں آنا شروع ہو گئی ہیں۔ جمعہ کے روز اخوان المسلمون نے مرسی کی بحالی، اسیران کی رہائی اور اب تک لقمہ اجل بننے والے سیکڑوں مظاہرین کی تصویریں اٹھا کر انہیں یاد کرنے کی خاطر مظاہرے ترتیب دیے تھے۔ اس اعلان کے پیش نظر سکیورٹی فورسز نے دارالحکومت کے اہم چوراہوں اور احتجاجی مراکز کو کیل کانٹے سے لیس ہو کر کنٹرول میں کر لیا تھا۔ اس لیے اخوانی مظاہرین کا رخ دوسری جگہوں کی طرف ہو گیا۔

قاہرہ کے علاقے نصر سٹی ڈسٹرکٹ میں ہزاروں مظاہرین اپنے حالیہ دنوں سکیورٹی فورسز کے ہاتھوں مارے جانے والے ساتھیوں کی تصاویر اٹھا کر جمع تھے، تاہم گزشتہ دنوں کے مقابلے میں تشدد کی سطح کم رہی۔ البتہ سکیورٹی فورسز کو ہدایات تھیں کہ اگر مظاہرین ہنگامہ آرائی کریں تو گولی چلا دی جائے۔

نہر سویز سے متصل پورٹ سعید سے وزارت صحت کے ذرائع نے بتایا ہے کہ اس شہر میں مظاہرین کا ایک ساتھی ہلاک اور دو زخمی ہو گئے ہیں۔ بالعموم جمعہ کے روز مرسی کے حامیوں کے مظاہرے مختلف جگہوں پر بکھرے نظر آئے۔ قاہرہ کی رومی مسجد کے پاس پانچ سو کے قریب مظاہرین جمع تھے۔ یہ لوگ اپنے جاں بحق ساتھیوں کی تصاویر اٹھائے ہوئے تھے اور وزارت داخلہ کو ٹھگوں کی وزارت قرار دے رہے تھے۔ ان کے نعرے تھے ''مصر ایک اسلامی ریاست ہے سیکولر نہیں۔''

سہ پہر کے دوران ہزاروں مظاہرین قاہرہ کے مختلف اضلاع اور مضافات میں نمودار ہو گئے۔ یہ مظاہرین جمہوری صدر اور جمہوری حکومت کی بحالی کا مطالبہ کر رہے تھے۔ مظاہرین کو روکنے کے لیے سکیورٹی اہلکار سر پر ہیلمٹ اور بدن پر بلٹ پروف جیکٹس پہنے آنسو گیس اور سیمی آٹو میٹک رائفلز سے لیس تھے۔ ان اہلکاروں نے دریائے نیل کے پل کو جانے والے راستے کو بلاک کر رکھا تھا۔

فوجی بغاوت کے خلاف اخوان کی زیر قیادت اتحاد نے اس موقع پر پرامن ریلیوں کی کال دی اور کہا وہ کشیدگی ختم کرنے کی تجاویز پر غور کریں گے۔ میڈیارپورٹس اور سرکاری ذرائع کے مطابق جمعہ کے روز کم از کم چھ افراد جاں بحق اور 190 زخمی ہوئے ہیں۔
http://urdu.alarabiya.net/ur/middle-east/2013/08/31/%D9%82%D8%A7%DB%81%D8%B1%DB%81-%D9%85%DB%8C%DA%BA-%D9%BE%DA%BE%D8%B1-%DA%86%DA%BE-%D9%85%D8%B8%D8%A7%DB%81%D8%B1%DB%8C%D9%86-%DB%81%D9%84%D8%A7%DA%A9%D8%8C-%D9%85%D8%B8%D8%A7%DB%81%D8%B1%D9%88%DA%BA-%D9%85%DB%8C%DA%BA-%DB%81%D8%B2%D8%A7%D8%B1%D9%88%DA%BA-%D8%B4%D8%B1%DB%8C%DA%A9-.html

 

سُنیے:
مصر کے موجودہ حالات کے تعلق سے ایک سوال کاجواب
ڈاکٹر مرتضیٰ بن بخش(حفظہ اللہ)

 

مرسی نواز ریلیوں میں تشدد کے واقعات، مزید پانچ مصریوں کی ہلاکت
حکومت مخالف مظاہروں میں اخوان کے کارکنوں کی اپنے مخالفین سے جھڑپیں

مصر کے دارالحکومت قاہرہ اور دوسرے شہروں میں برطرف صدر محمد مرسی کے ہزاروں حامیوں نے حکومت کے خلاف احتجاجی مظاہرے کیے ہیں۔ اس دوران ان کی مخالفین کے ساتھ جھڑپوں میں پانچ افراد ہلاک ہوگئے ہیں۔

العربیہ ٹیلی ویژن چینل کی اطلاع کے مطابق مصر کی عبوری حکومت کے اسلام پسندوں کے خلاف خونیں کریک ڈاؤن کے باوجود نماز جمعہ کے بعد قاہرہ میں برطرف صدر محمد مرسی کے ہزاروں حامیوں نے سڑکوں پر آکر احتجاجی مظاہرہ کیا ہے۔ دوسرے شہروں میں ان کی ریلیوں کے شرکاء کی تعداد کم رہی ہے۔

مصر کے دوسرے بڑے شہر اسکندریہ اور نیل ڈیلٹا کے صوبے دمیاطہ میں ڈاکٹر مرسی کے حامیوں اور مخالفین کے درمیان مظاہروں کے دوران جھڑپیں ہوئی ہیں جن میں دو افراد ہلاک ہوگئے۔ 3 جولائی کو ڈاکٹر مرسی کی برطرفی کے بعد سے مصر میں حالات معمول پر نہیں آئے اور 14 اگست کو پولیس کے مسلح افواج کی سرپرستی میں اخوان کے ہزاروں کارکنان کے خلاف طاقت کے بے مہابا استعمال کے نتیجے میں حالات زیادہ خراب ہوئے ہیں اور تشدد کے واقعات میں محتاط اندازے کے مطابق دو ہزار سے زیادہ افراد مارے جاچکے ہیں۔

جمعرات کو قاہرہ میں مصر کے وزیر داخلہ محمد ابراہیم کے قافلے پر خودکش کار بم حملہ کیا گیا تھا۔ وہ اس حملے میں محفوظ رہے تھے لیکن اس واقعے کے بعد سکیورٹی سخت کردی گئی تھی۔

ابھی تک کسی گروپ نے اس حملے کی ذمے داری قبول نہیں کی لیکن عبوری حکومت نے اخوان االمسلمون کی قیادت پر لوگوں کو تشدد پر اکسانے کا الزام عاید کیا ہے۔ عبوری حکومت اخوان المسلمون کے خلاف کارروائی کو دہشت گردی کے خلاف جنگ قرار دے رہی ہے اور اخوان کے مخالفین بھی اس موقف کی حمایت کررہے ہیں۔

مرسی نواز ریلیوں میں تشدد کے واقعات، مزید پانچ مصریوں کی ہلاکت - سرورق

 

اخوان المسلمون کی مصر کے سلفیوں‌کے ساتھ بعض کی ایک مثال

اخوان کے اردو پیج پر عطا سراجی نامی شخص لکھتا ہے:


اخوانی دوست :مجھے ایک سلفی دوست نے ایک کتاب تھماتے ہوئے کہا: تم "مرسی اخوانی" کے سپورٹرز میں سے ہو اور سیسی (کہ جو مصریوں کا امیر المؤمنین ہے) مخالف ہو۔ یہ کتاب لو امید ہیکہ اللہ تعالی تمھارے حال پر رحم فرمائے گا اور اسے بہتر کردے گا۔
اگلے دن میں نے اسے وہ کتاب واپس کی اور اس کتاب کے اوپر ایک رقاصہ "فیفی عبدو"کی تصویر رکھ دی ۔اسنے غضب ناک ہوتےہوئے کہا : یہ فاسقہ کون ہے؟ میں نے اس سے کہا: یہ وہ لوگ ہیں کہ جنھوں نے تمھارے"امیر" کی "بیعت" کی ہے۔۔۔۔۔

اللہ ان اخوانیوں کے حال پر رحم کرے