کبھی وسوسوں کا ہجوم ہے ، کبھی اضطراب نماز میں

کبھی وسوسوں کا ہجوم ہے ، کبھی اضطراب نماز میں
میں سکون دل کی تلاش میں ہوں تری جناب نماز میں

مرے چشم و دل میں نہیں نمی ، مری ذات میں ہے بڑی کمی
ہے یہی کھٹک مجھے دائمی ، میں ہوں آب آب نماز میں

بنیں اشک تیرے گہر میاں ، ہو دعاؤں میں بھی اثر میاں
پہ سمجھ کے پچھلے پہر میاں ، تو پڑھے کتاب نماز میں

نہ حیات ہے نہ حرارتیں ، نہ خشوع ہی کی علامتیں
تو خدا کے واسطے لے کے آ ، کوئی انقلاب نماز میں

فقط اس کو رسم کہن نہ جان ، فقط اس کو ورزش تن نہ جان
یہ ہے راز ناز و نیاز بھی ، نہیں صرف ثواب نماز میں

نہ مجھے ہے دعویٰ بندگی ، نہ تو کوئی غرّہ عاجزی
پہ خدا کا شکر کہ پانچ وقت ، ہوں تری جناب نماز میں

وہ جو ایک قول ثقیل ہے ، بنا ایک حرف مبیں وہی
بہ طفیل حسن طلب مری ، وہ اٹھے حجاب نماز میں​

خلیل الرحمٰن چشتی​

 

جزاک الله خیرا
بهترین شیئرنگ​

 

بہت عمدہ ،جزاک اللہ خیرا ۔

 

وایاک۔
میری چھوٹی بہن اس کو پڑھ کر کہنے لگیں سب لوگ ایسی شاعری کیوں نہیں کرتے : )

 

بہت عمدہ انتخاب
زبردست

 

کوئی ان وادیوں سے گزرے گا تو ان کی منظر کشی کرے گا نا ؟

 

سبحان اللہ!
واقعی جو گزرتا ہے وہی بتا سکتا ہے۔۔۔