سام سنگ نوٹ 3 کی بیٹری جلدی ختم ہونے کی وجہ؟

السلام علیکم ورحمۃ اللہ وبرکاتہ
تمام ماہرین احباب سے ایک اہم ترین بات پوچھنی ہے جس کے بارے میں احقر بہت پریشان ہے، وہ بات یہ ہے کہ میں آج کل
سام سنگ گلیکسی نوٹ 3 موبائل یوز کررہاہوں، یہ ویسے تو اچھا ہے لیکن ایک بات نے سکون برباد کرکے رکھ دیاہے، وہ مسئلہ یہ ہے کہ بیٹری جلدی ختم ہورہی ہے، 3، 4 گھنٹہ بھی نہیں چلتی، نئی بیٹری تبدیل کی پھر بھی وہی مسئلہ۔
آخر کیا مسئلہ ہے،کیا وجہ ہے؟ ایسا کیوں ہورہاہے؟
برائے کرم کوئی ماہر حل بتائے ، میں بہت تنگ آگیاہوں۔
والسلام۔​

 

وعلیکم السلام
بھائی بیک گراونڈ پر زیادہ ایپلیکشنز چل رہے ہوں گے میرے خیال میں

 

سب سے زیادہ 3rd پارٹی ایپلیکیشن مسئلہ کا سبب بنتی ہیں ۔ جن ایپس کو آپ استعمال نہیں کرتے بہتر ہے کہ انہیں ان انسٹال کر کے بیٹری کی پرفارمینس چیک کریں ۔ کہ کوئی فرق محسوس ہوتا ہے یا نہیں ۔ اس کے علاوہ جب آپ موبائل اپ ڈیٹ کرتے ہیں تو پرانی ایپلیکیشن ان اپ ڈیٹ کے ساتھ نہیں چل پاتیں اس کے لیے بھی کہا جاتا ہے کہ دبارہ سے ایپلیکیشن انسٹال کر لیں یا نئے ورژن کا انتظار کریں ۔
اس کے علاوہ موبائل کی کیشے ڈیلیٹ کر لیں ۔ اس سے بھی کوئی بیٹری ٹھیک نہیں ہوتی تو فیکٹری ریسیٹ کر کے دیکھ لیں ۔بیک اپ کر لیجیے گا۔ مزید ا حتیاط کی جا سکتی ہے کہ آپ سروسز جو زیادہ بیٹری پیتی ہیں جیسے کہ بلیو ٹوتھ ، 3 جی ، اور جی پی ایس وغیرہ ان کو بند رکھا کریں جب تک کہ ضرورت نہ ہو۔ اگر آپ کے پاس لالی پاپ ہے اور سب کچھ کرنے کے بعد بھی بیٹری کا مسئلہ حل نہیں ہو رہا تو ایک مرتبہ سیمسنگ کے آوٹ لٹ پر جا کر دکھا دیں۔

 

میرے خیال میں آئی فون کی طرح انڈرائیڈ میں بھی یہ آپشن ہوگا کہ آپ چیک کرسکیں کہ کونسی ایپ کتنی بیٹری استعمال کرچکا ہے۔ وہاں سے اندازہ کرکے یہ معلوم کیا جاسکتا ہے کہ اگر ان میں کچھ فضول اور تھرڈ پارٹی ایپس ہیں تو ان کو فون سے نکال دیں

 

جی انڈرائڈ میں بھی ہے اور سیٹنگز میں جا کر چیک کر سکتے ہیں

 

جزاکم اللہ سب کا بہت بہت شکریہ
بہت مفید مشوروں سے نوازا۔ اکرمکم اللہ
میں نے تمام غیر ضروری ایپلیکیشن آف ہی رکھی تھی۔
مجھے کوئی بتائے کہ اگر میں پورا سیٹ ایک بار ری اسٹور کرلوں تاکہ تمام غیر ضروری اشیا ختم ہوجائیں تو کیا اس سے فرق پڑے گا، بیٹری ٹائیم دے گی؟
جزاکم اللہ