چیمپئنز ٹرافی سنہ 2009 تک ملتوی

انٹرنیشنل کرکٹ کونسل نے آئندہ ماہ سے پاکستان میں شروع ہونے والا چیمپئنز ٹرافی کرکٹ ٹورنامنٹ سنہ 2009 تک ملتوی کر دیا ہے۔
ٹورنامنٹ ملتوی کرنے کا فیصلہ دبئی میں بین الاقوامی کرکٹ کونسل کے اجلاس میں کیا گیا۔

چیمپئنز ٹرافی کرکٹ ٹورنامنٹ بارہ ستمبر سے اٹھائیس ستمبر تک منعقد ہونا تھا۔ تاہم پاکستان کی سکیورٹی صورتحال کو بنیاد بنا کر جنوبی افریقہ نے اس ٹورنامنٹ کے لیے ٹیم بھیجنے سے نکار کر دیا تھا۔

اس کے علاوہ آسٹریلیا، نیوزی لینڈ اور انگلینڈ کی جانب سے بھی موجودہ صورتحال میں پاکستان میں ٹورنامنٹ کے انعقاد پر تحفظات ظاہر کیے گئے تھے۔

غیر ملکی ٹیموں کی جانب سے پاکستان میں کھیلنے پر تحفظات ظاہر کیے جانے کے بعد آئی سی سی نے ایک ٹاسک فورس بھی تشکیل دی تھی جس نے آسٹریلیا اور نیوزی لینڈ کا دورہ کر کے پاکستان کی صورتحال پر ان ممالک کے کرکٹ بورڈز کو مطمئن کرنے کی کوشش کی جو ناکام رہی۔

آئی سی سی کے چیف ایگزیکٹیو ہارون لورگٹ نے بھی پاکستان کے دورے کے بعد سکیورٹی صورتحال پر اطمینان کا اظہار کرتے ہوئے چیمپئنز ٹرافی کو کسی دوسرے ملک منتقلی کو خارج از امکان قرار دیا تھا۔

اسی دوران آئی سی سی نے چیمپئنز ٹرافی کرکٹ ٹورنامنٹ کے تمام میچ کراچی اور لاہور میں کروانے کا فیصلہ کیا تھا اور سکیورٹی بنیاد پر راولپنڈی کو میزبان شہروں کی فہرست سے خارج کر دیا تھا۔

چیمپئنز ٹرافی کے انعقاد پر بحث کے دوران یہ تجویز بھی سامنے آئی کہ چیمپئنز ٹرافی کو پاکستان سے کسی دیگر ملک منتقل کر دیا جائے۔ پاکستان نے اس تجویز کو رد کرتے ہوئے کہا تھا کہ اگر ایسا کیا گیا تو پاکستان اس ٹورنامنٹ میں شرکت نہیں کرے گا۔

 

یہ یقیناً پاکستان کے موجودہ حالات کے پیشِ نظر کہیں اور منتقل کرنے کے بجائے آئی سی سی کا درست فیصلہ ہے ۔ :00001:

 

پاکستانی سیاست کی طرح پی سی بی بھی گوروں کے سامنے ہمیشہ سرنگوں رہی ہے۔

 

بس جی افسوس کریں اب۔