سچی مسکراہٹیں

کافی عرصہ پہلے کی بات ہے ہماری فائننشل مینجمینٹ کی کلاس میں ایک طالبہ نے کسی سوال کے بارے میں کہا کہ سر اتنا مشکل ہے اس میں دماغ ہی نہیں چل رہا۔ سر بولے: اللہ نہ کرے کہ کسی کا دماغ "چلے"!

 

کوئی مہمان جمعدار کے آنے کے وقت پر دروازے پر دستک نہ دے۔ بہت برا ہوتا ہے۔

 

اپنی بیٹی کو حدیث یاد کروا رہا تھا جو کہ ساڑھے تین برس کی ہے اور ان دنوں ميری زوجہ کا آپریشن ہوا تھا اور اسنے مجھے تاکید کی کہ آپ میرے ساتھ کوئی ایسی بات نہ کرنا جس سے مجھے ہنسی آئے اور ہنسنے سے تکلیف ہوتی ہے اور جس دن کا یہ واقعہ ہے، میرے دوست مولانا کے گھر سے بریانی آئی تھی۔

اب بیٹی یاد کرنے کے بعد سنا رہی تھی اور سنانے کے بعد کہنا تھا

أو كما قال -------- رواه طبرانى

تو اسکے بجائے اچانک بولی

أو كما قال -------- رواه بریانى

بس پھر کیا تھا میری زوجہ تو ہنستے ہنستے رونے لگ گئی درد کی شدت سے اور بعد میں کہا کہ مولانا کے گھر اسکو نہ لے کر جانا کہیں انکے سامنے ایسا کہہ دے تو سمجھیں گے انکو اور بریانی چاہیے

 

اپنی بیٹی کو حدیث یاد کروا رہا تھا جو کہ ساڑھے تین برس کی ہے اور مجھے بابا کہتی ہے

اب بیٹی یاد کرنے کے بعد سنا رہی تھی عربی میں سنانے کے بعد اردو ترجمہ سنا رہی تھی اور غلطی پر میں نے ڈانٹا اور کہا صحیح سناؤ ، تو یہیں گڑبڑ ہوگئی

جو لوگوں پر رحم نہیں کرتا اللہ تعالی اس پر رحم نہیں فرمائیں گے --- کچھ ایسا ہی فرمایا

تو اسکے بجائے اچانک بولی

جو لوگوں پر رحم نہیں کرتا بابا اس پر رحم نہیں فرمائیں گے ----

 

ویسے لگتا ہے بچی کو بریانی کچھ زیادہ ہی پسند ہے، اللہ اسے آپکی آنکھوں کی ٹھنڈک اور بخشش کا ذریعہ بنائے۔

 

بریانی کچھ خاص پسند نہيں اس سے چھوٹی یعنی منجھلی بیٹی حافظہ میں تیز ہے ماشاءاللہ اور اس کے کچھ الفاظ ابھی صاف نہيں ہیں ،ماشاءاللہ کو ماثھا اللہ ، ذکرک و شکرک کو دکرک و تھکرک پڑھتی ہے

اور اکثر دوست و احباب اور عزیز و اقارب اس سے سن کر لطف اندوز ہوتے ہیں

اور یہ ہماری استاذہ بھی ہے ،چھینکنے کے بعد الحمدللہ کہنے پر اگر کسی نے یرحمک اللہ نہ کہا تو تھوڑا اونچی اور تنبیہی انداز میں دوبارہ الحمدللہ کہتی ہے ،جزاک اللہ کہنے پر وایاکم کیوں نہیں کہا ؟

اللہ تعالی سب کی اولادوں کو صالحہ اور آنکھوں کی ٹھنڈک بنائے اور جنت الفردوس میں جانے کا ذریعہ بنائے ،آمین

 

ما شاء اللہ!

اللہ آپ سب کو یوں ہی ہنستا بستا رکھے

 

آمین!

 

ایک دوست نے یہ پوسٹ کی

سوال: کیا ایک لڑکی اپنی بیوہ بہن کے شوہر سے شادی کر سکتی ہے؟

آپشن ا : ہاں ، آپشن ب : نہیں ، آپشن ت : پتہ نہیں

ابو حسن : ہاں کرسکتی ہے اگر بیوہ بہن کو موت اور اس کے شوہر کو دوبارہ زندگی مل جاۓ

اب ایک کار آمد جواب ملاحظہ فرمائیں

بن آدم : شیعہ فرقے میں کر سکتے . بریلوی میں عدت پوری ہونے کے بعد اور اہلحدیث منع کرتے

ابو حسن :
1- اسکا مطلب ہے کہ شیعہ میت سے شادی کی اجازت دیتے ہیں؟

2- بریلوی قبر والے سے شادی کی اجازت دیتے ہیں؟

3-اہلحدیث میت اور قبر والے سے شادی کرنے سے منع کرتے ہیں؟

آپ کے تینوں جواب بے شک لاجواب

بھائی زیب خان جب ایوارڈ تقسیم کرنے شروع کرو تو ان حضرت کو پہلا انعام دینا

بن آدم : سمجھ جاؤ جو میں نے لکھا ہے، آپ بھی فرقے پر پوسٹ کرتے؟

زیب خان : فرقے پر کب کیا یار... معصومانہ سوال تھا


ابو حسن : حضرت سمجھنے کی ناکام کوشش کرہا ہوں ، پر آپ کی حکمت بھری باتیں اس چھوٹے سے دماغ میں نہیں سما پا رہیں

 

سوال کی طرح جواب بھی "بہت خووب " کیٹگری کا ہے

 

السلام علیکم

اس پر بچوں میں زیادہ تر ایسا ہوتا ہے کہ ان کی زبان کے نیچے ایک فالتو جھلی ہوتی ہے جس نے زبان کو نیچے سے پکڑا ہوتا ہے جس سے بچہ بول تو سکتا ہے مگر طوتلا، چاہیں تو تو ڈاکٹر سے کٹوا لیں یا چاہیں تو گھر کے بڑوں میں سے کوئی بھی اپنی دونوں انگلیاں جھلی کے نیچے رکھ کر درمیان میں انگوٹھے سے پریس کرتے ہیں جس سے یہ جھلی ٹوٹ جاتی ہے اس سے بچے کو تکلیف بھی نہیں ہوتی۔

آپ اپنی بیٹی کی زبان چیک کریں اگر ایسا ہو تو اپنے جی پی سے مشورہ کریں۔

Spoiler: Picture

​

والسلام

 

وعلیکم السلام

جزاک اللہ خیرا آپ کے محبت بھرے مشورے کا ، اسے ظاہری طور پر ایسی کوئی علامت نہیں جو آپ نے بتائی اور جو تصویروں میں موجود ہے ، چند الفاظ کے علاوہ سب الفاظ وہ صاف بولتی ہے الحمدللہ

 

حمودی سکول سے آیا تو بہت پرجوش اور خوش تھا، وجہ پوچھی تو کہنے لگا کہ میں نے آج ایک بہت نیک کام کیا ہے، پوچھا کیا کیا؟

تو کہنے لگا کہ آج میلی کلاس کا ایک بتہ بہت زیادہ لو لہا تھا میں نے جب پوچھا تو اس نے بتایا کہ میلا لنچ بہت کم ہے اول بھوک زیادہ ہے، پھل میں نے اسے کھوش کر دیا!

شاباش تو تم نے اسے اپنا لنچ دے دیا؟

نہیں تو ۔۔۔۔۔۔۔۔۔۔۔۔۔ میلا لنچ تو پہلے ہی تھولا تھا، میں نے اسے اپنی کاکے ہوتے کی (بچپن کی) سٹوریز سنائیں تو وہ ہنسنے لگ پڑا!!!!

 

ریم سکول سے گھر آکر:
ماما سکول میں ایک بچی کو پتہ ہی نہیں تھا کہ چھٹیاں کیا ہوتی ہیں، پھر میں نے اس کو بتایا

ماما: کیا بتایا

ریم: یار یہی کہ چھٹیوں میں گھر نہیں جانا ہوتا

 

جیسے پاکستان میں چاند پر کھینچا تانی ہوتی ہے ایسے ہی یہانپر بھی ڈرامہ ہے

اب بھی کچھ مساجد میں پرسوں 15 شعبان کی رات تھی اور کچھ میں کل

میرے دوست علماء کے ساتھ بھی یہی ڈرامہ ہے اور یہ بھی نہیں کہ جیسے لاہور اور پشاور کا فاصلہ بلکہ 5 سے 10 کلومیٹر کے فاصلہ اور ایک ہی شہر کی مسجدیں ہیں ( شہر الگ ہونے سے چاند الگ نہیں ہوجاتا صرف فاصلہ بتانے کیلئے شہر کا لکھا ہے)

ابو محمد ، ابوعبداللہ اور حافظ جی یہ جس مسجد میں پڑھاتے ہیں وہاں کل نصف شعبان تھا

گزشتہ رمضان کے آخر میں ابوعبداللہ سے ملاقات کے دوران میں نے کہا کہ عید آگے پیچھے ہوگئی تو پھر کیا کرینگے آپ ؟

ابوعبداللہ : سچ میں بہت پریشان ہوں اس معاملہ میں ،عید کے دن دعوت سسرال میں ہوتی ہے

ابوحسن : اور یہاں اعلان ہوگیا اور آپ کے تیسواں روزہ ہوا تو آپکا کیا حال ہوگا ؟

اور یہاں کے لوگ آپکو گلے ملیں گے اور عید مبارک کہیں گے اور آپ جواب میں کہو گے کہ میں روزہ سے ہوں ؟

سامنے والا تو فورا کہے گا مولانا میں نے تو سنا ہے عید کے دن شیطان روزہ رکھتا ہے

ابوعبداللہ : یار آپ مرواؤ گے مجھے

جواب سن کر تو ابوعبداللہ کی ہنسی نہ رک پا رہی تھی

 

ناشتے کی ٹیبل پر ۔۔۔
میں :عبداللہ (میرا بھتیجا ) جلدی سے انڈہ کھاؤ اتنی دیر سے پلیٹ میں رکھا ہے کھا کیوں نہیں رہے گھورنے کے لیے نہیں کھانے کے لیے رکھا ہے ۔۔۔
عبداللہ : سوری آپی میں نہیں کھا سکتا اسے ۔۔۔۔
میں : کیوں کیا ہوا؟
عبداللہ : پیٹ میں جاتے ہی چوزہ نکل آئے گا پھر باہر کیسے نکلے گا ۔۔۔۔۔