افطاری

افطاری​

ایک جدید تہذیب یافتہ افطاری ادارے کی شکل اختیار کر چکی ہے۔ یہ ادارہ کچھ مقامات پر اتنا حساس واقع ہوا ہے کہ اس سے آگے پر جلنے لگتے ہیں۔ گویا جو جتنا حساس ہے، اتنا ہی پر جلا بیٹھا ہے اور اڑنے سے معذور ہے۔ سنا ہے کسی زمانے میں شتر مرغ اڑا کرتے تھے پھر انہیں ‌چڑیا گھر کی شہری زندگی راس آ گئی اور یہ جنگلی سے پالتو بن گئے۔ کچھ جانوروں کو غلامی اس قدر راس آتی ہے کہ رہائی کے خوف سے مرنے لگتے ہیں۔ ان کی خوشی اسی میں ہے کہ اپنے مالک کے قدموں میں بیٹھے رہیں۔ ورہ روٹی ڈال دے تو خوش رہیں وہ ٹھڈے مارے تب بھی خوش رہیں۔
ٹھڈوں کے ساتھ اگر خوشحالی آتی ہو تو برا کیا ہے خوشحالی کے بغیر ٹھڈے پڑیں اصل برائی یہ ہے۔ برائی یہ بھی ہے کہ آدمی کا روزہ نہ ہو اور وہ افطاری کرتا پھرے لیکن پھر بندہ کرے کیا؟ وہ روزہ بھی نہ رکھے سحری بھی نہ کھائے، نماز بھی نہ پڑھے برائی بھی نہ چھوڑے اور اگر افطاری بھی نہ کرے تو کیا مکمل کافر ہو جائے؟ افطاری میں کھابہ ہے تو ثواب بھی ہے۔ یہ فنکشن بھی ہے اور تعلقات عامہ بھی ہے اور سٹیٹس سمبل بھی ہے۔ افطاری جتنی بڑی اور جتنے بڑے ہوٹل میں ہو گی، میزبان اتنا ہے بڑے ہو گا۔ دو طرفہ تجارت کی مانند افطاری کے فوائد اور مقاصد بھی دو طرفہ ہیں۔ افطاری دینے والا ثواب بھی کماتا ہے اور تعلقات بھی بناتا ہے میزبان کھلا کر خوش ہوتا ہے۔

طارق احمد​

 

بہت خوب لکھا ہے شکیل بھائی ۔۔۔

 

شکریہ زمرد بھائی.