آج خانہ کعبہ کو غسل دیاجائے گا

آج خانہ کعبہ کو غسل دیاجائے گا​

مکہ مکرمہ ( نمائندہ خصوصی)نئے ہجری سال میں پہلی مرتبہ ہفتہ کو (آج)خانہ کعبہ کو غسل دیاجائے گا۔ خادم الحرمین شریفین شاہ عبداللہ بن عبدالعزیز کی نیابت کرتے ہوئے مکہ مکرمہ کے گورنر شہزادہ خالدالفیصل بعدنماز فجرخانہ کعبہ کو غسل دیں گے۔ غسل کعبہ سے قبل تقریب کے شرکاء کعبہ کا طواف کریں گے اور اس کے اندرونی حصے میں نوافل ادا کریں گے۔ بعد ازاں اندرونی دیواروں کو عرق گلاب اور دیگر خوشبوؤں میں بھگوئے سفید کپڑے سے صاف کیا جائے گا جبکہ فرش پر آب زم زم اور عرق گلاب بہا کر کھجور کے پتوں اور خالی ہتھیلیوں سے صاف کیا جائے گا،اس دوران خانہ کعبہ کا دروازہ ڈیڑھ سے دوگھنٹے تک کھلارہے گا۔جمعہ اورہفتہ کی درمیانی شب ملتزم کے سامنے غلاف کعبہ کو اوپرتک اٹھادیاگیاتھا۔

 

جزاک اللہ خیرا
اچھی انفارمیشن کا شکریہ سسٹر جی

 

فتح مکہ کے موقعہ پر نبي صلي اللہ عليہ وسلم نے بتوں کو توڑنے اور تصاوير کو مٹانے کے بعد کعبۃ اللہ کو غسل دينے کا حکم ديا تھا ۔ (( ان النبي صلي اللہ عليہ وسلم امر بغسل الکعبۃ بعد ما کسر الاصنام وطمس التصاوير )) ( تاريخ الکعبۃ المعظمہ ص 327 بحوالہ حسين عبداللہ باسلامہ ۔ بخاري ، الطحاوي ( 283/4 ) معاني الآثار )

 

سبحان اللہ۔ کتنا خوبصورت منظر ہو گا۔ اللہ ہم سب کو کعبۃ اللہ کی زیارت نصیب فرما۔ آمین

 

آمین

 

شکریہ ارم بہن، آج صبح ہی یہ خبر پتہ چل چکی تھی ویسے خانہ کعبہ کو سال میں دو بار غسل دیا جاتا ہے لیکن ہر بار غسل دیے جانے والے دن یا اس کے بعد اس کا پتہ چلتا ہے شاید جان بوجھ کر ایسا کیا جاتا ہے کہ زیادہ رش نہ ہو جائے ورنہ ہماری بھی حسرت ہے کہ ایک بار خانہ کعبہ کا غسل دینے کا منظر بھی دیکھ سکیں۔

 

ماشاء اللہ بنت مكہ خوش قسمت ہيں آپ ، كتنى ننھی منى حسرت ہے۔ ہمارى حسرت موت سے قبل ايك بار كعبة اللہ كى زيارت كی ہے ۔

 

اللہ اس مقدس خواہش کو پوری کرے۔۔آمین ثم آمین

 

جزاک اللہ خیر محترم عکاشہ بھائی مجھے اس کے بارے نہیں پتہ تھا انشاء اللہ اب ان تاریخوں کو دھیان میں رکھوں گی

ام نورالعین بہن اللہ آپ کی ساری نیک خواہشات پوری کرے اور ہم بہنوں کو حرم شریف میں ملاقات کا موقع کا دے

 

آمین

 

آمین

 

ماشااللہ، سبحان اللہ

واقعی کیا منظر ہو گا۔ اللہ نے دعا ہے کہ ہم سب کو توفیق عطاء فرمائے اس مقدس کام کرنے کی اور اس صدقہ جاریہ میں ہم سب کو شامل کرے. آمین​