اپنے دُکھ کو چھپاؤ نہیں ، لیکن اُسے گناہ کا سبب مت بناؤ

اپنے دُکھ کو چھپاؤ نہیں ، لیکن اُسے گناہ کا سبب مت بناؤ​

رسول اللہ صلی اللہ علیہ وعلی آلہ وسلم کا فرمان ہے ﴿﴿﴿﴿﴿ إِنَّمَا الصَّبْرُ عِنْدَ الصَّدْمَةِ الأُولَى ::: بے شک صبر تو وہی ہے جو دُکھ کی ابتداء میں کیا جاتا ہے﴾﴾﴾﴾﴾
صحیح البخاری/حدیث1283/کتاب الجنائز/باب31

کچھ لوگ اس حدیث شریف کا غلط مطلب لیتے ہیں کہ جب کوئی دُکھ پہنچے تو اُسی وقت اُس پر صبر کرنے سے مُراد اُس کا اظہار نہ کرنا ہے ،لہذا کسی دُکھ کی حالت میں رونا نہیں چاہیے اور نہ ہی اُس کا ذِکر کرنا چاہیے۔جب کہ یہ دُرست نہیں اور انسانی جذبات کے عین خِلاف ہے ، ہمارے دِین میں انسان کو کسی بھی ایسے کام کا حکم نہیں دِیا گیا جو انسانی فطرت کی جائز ضروریات پوری کرنے سے روکنے والا ہو


دیکھیے کہ جب رسول اللہ صلی اللہ علیہ وعلی آلہ وسلم کی زندگی مُبارک میں اُن پر غم اور دُکھ والے وقت آئے تو وہ روئے بھی اور اپنے غم کا اظہار بھی فرمایا لیکن اللہ کی نافرمانی والا کوئی کام نہیں کیا ، بلکہ اللہ کا شکر ہی ادا فرمایا

اس کی ایک بہترین مثال اُس وقت میں ملتی جب اُن صلی اللہ علیہ وعلی آلہ وسلم کے بیٹے ابراھیم رحمہُ اللہ کی موت واقع ہوئی تو رسول اللہ صلی اللہ علیہ و علی آلہ وسلم کی مُبارک آنکھوں سے پاکیزہ آنسو رواں ہوگئے، اور انہوں نے فرمایا ﴿﴿﴿﴿﴿إِنَّ الْعَيْنَ تَدْمَعُ ، وَالْقَلْبَ يَحْزَنُ ، وَلاَ نَقُولُ إِلاَّ مَا يَرْضَى رَبُّنَا ، وَإِنَّا بِفِرَاقِكَ يَا إِبْرَاهِيمُ لَمَحْزُونُونَ :::بے شک آنکھ آنسو بہا رہی ہے ، اور دِل دُکھی ہے ، اور ہم صِرف وہی کہیں گے جِس سے ہمارا رب راضی ہو ، اور اے ابراہیم ہم تُمہاری جدائی سے یقیناً دُکھی ہیں ﴾﴾﴾﴾﴾
صحیح البخاری/حدیث1303/کتاب الجنائز/باب43

پس اس حدیث شریف ﴿﴿﴿﴿﴿ إِنَّمَا الصَّبْرُ عِنْدَ الصَّدْمَةِ الأُولَى ::: بے شک صبر تو وہی ہے جو دُکھ کی ابتداء میں کیا جاتا ہے﴾﴾﴾﴾﴾ کا مطلب یہ ہے کہ جب کسی کو کوئی دُکھ پہنچے تو وہ اسی وقت سے ہی اُس پر صبر کرتے ہوئے اُس کے اظہار میں اللہ اور اُس کے رسول صلی اللہ علیہ و علی آلہ وسلم کی مقرر کردہ حدود سے خارج نہ ہو ۔

بشکریہ: محترم عادل سہیل​

 

جزاکم اللہ خیرا
اللہ تعالٰی عمل کی توفیق عطا فرمائے۔ آمین

 

جزاک اللہ خیرا۔

 

جزاکم اللہ خیرا
اللہ تعالٰی عمل کی توفیق عطا فرمائے۔ آمین

 

جزاک اللہ خیرا۔

 

جزاک اللہ خیرا

 

جزاک اللہ خیرا بھائ sjk

 

یہ بھائی نہیں بہن ہیں :00009:

 

نشاندہی کا شکریہ سسٹر ارم۔ اورسسٹر sjk سے معذرت۔ یہ سہو نادانستہ تھا۔ ذرا غور کیجیۓ کہ ان کی شناخت (id) کے نیچے "ناظم" لکھا ہوا ہے۔ اگر "ناظمہ" لکھا ہوتا تو شائد یہ غلطی نہ ہوتی۔ ویسے بھلا ہو اپنے ناموں کو حروف میں چھپانے کی روش کا کہ معلوم ہی نہیں ہوتا کہ ان حروف کی آڑ میں کوئ مذکر ہے یا مؤنث۔

 

جزاکم اللہ خیرا
اللہ تعالٰی عمل کی توفیق عطا فرمائے۔ آمین ۔۔۔۔

 

غم زندگی کے ساتھ ہے سائے کی شکل میں
اے دوست ! یہ غلط ہے تو کوئی مثال دے

 

جزاک اللہ خیرا۔