ہائپر تھریڈنگ-Hyper Threading

کمپیوٹر خریدتے وقت میموری کے علاوہ سب سے زیادہ جس چیز پر توجہ دی جاتی ہے وہ پروسیسر ہے ۔ اور ہائپر تھریڈنگ کسی بھی پروسیسر کی ایک نمایاں خصوصیت ہے جس کو سمجھنے سے پہلے ہم پروسیسر کی بناوٹ اور مقصد پر غور کر لیتے ہیں ۔
پروسیسر کو کمپیوٹر کا مغز یعنی دماغ سے تشبیہ دی جاتی ہے ۔ اس لیے کہ جتنی بھی ہدایات ملتی ہیں ان کو سمجھنا اور پھر عمل کرنا پروسیسر کی ذمہ داری ہے ۔ اب وہ ہدایات حساب کتاب سے متعلق ، یا اگے پرنٹر یا کسی دوسرے ڈیوایس سے بات چیت یا معلومات ذخیرہ کرنے کے متعلق ہو سکتی ہیں۔
تو جب پہلے زمانے میں پروسیسر بننا شروع ہوئے ۔ تو وہ ایک وقت میں ایک ہی کام کیا کرتے تھے ۔ ایک ہدایت ملی اس پر عمل کیا پھر دوسرے کی طرف متوجہ ہوئے ۔ کچھ عرصہ کے بعد کمپنیز نے ایک ہی چپ کے اندر 2 پروسیسر رکھنا شروع کر دے جس سے ان کی کام کرنے کی رفتار میں تیزی آ گئی اور بیک وقت کئی ایپلیکشنز پر کام کرنا بھی ممکن ہو گیا ۔ اور اس طرح dual core پروسیسر کا زمانہ شروع ہوا ۔ پھر کچھ عرصہ کے بعد کمپنیز نے 2 کی جگہ 4 پروسیسر رکھنا شروع کر دیے اور اب ایک چپ میں 4 پروسیسر کام کرتے ہیں یعنی quad core۔
پھر کچھ عرصے بعد پروسیسر کو مزید موثر بنانے کے لیے ہائپر تھریڈنگ کو لایا گیا یعنی کے ایک ہی پروسیسر کو virtually اس طرح تقسیم کر دیا جائے کہ وہ بیک وقت دو تھریڈ یا آسان الفاظ میں ایپلیکیشن پر کام کر سکے ۔یعنی اب اگر ایک dual core پروسیسر میں hyper threading بھی ہے تو وہ درحقیقت ایک ساتھ چار تھریڈز پر کام کرنے کی صلاحیت رکھتا ہے ۔ اسی طرح اگر ایک quad core پروسیسر میں ہائپر تھریڈنگ ہے تو وہ آٹھ پروسیسر کی طرح کام کرے گا ۔
ہائپر تھریڈنگ کی ضرورت وہاں محسوس ہوتی ہے جہاں آپ ایک ہی وقت میں ایک سے زیادہ ایپلیکشن یا سافٹ وئر پر کام کرنا چاہتے ہیں ۔ جیسے کہ ایک طرف آپ نے براوزر اور براوزر کے بھی کئی ٹیبز -tabs کھول لیے ہیں اور ساتھ ہی بیک گراونڈ میں کوئی گیم یا ویڈیو لگا لی ہے ۔
ہائپر تھریڈنگ وہاں بلکل بیکار ہے جہاں پر آپ کو ایک ساتھ ایپلیکشنز استعمال کرنے کی ضرورت محسوس نہیں ہوتی ۔ آپ پہلے ایک سافٹ وئر پر کام کرتے ہیں ۔اسے بند کرنے کے بعد پھر دوسرے کی طرف متوجہ ہوتے ہیں ۔ ایسی صورت میں ہائپر تھریڈنگ کا کوئی فائدہ نہیں ۔اس کے علاوہ جیسے ہر ٹیکنالجی کے کچھ فائدے بھی ہوتے ہیں وہاں کچھ نقصانات بھی ہوتے ہیں ۔ ہائپر تھریڈنگ کا نقصان یہ ہے کہ پاور زیادہ لگتی ہے ۔ لیکن چونکہ اس کے فائدے زیادہ ہیں تو اس چیز کو نظر انداز کر دیا جاتا ہے ۔

 

بہت ہی زبردست ماشاء اللہ
بالکل مجھے یاد ہے میں نے آج سے 14 سال پہلے پنٹیوم پروسیسر لیا تھا جو ہائپر تھریڈنگ کو سپورٹ کرتا تھا۔

 

تقریباً 7 برس پہلے 2008 میں جب انٹل نے کور آئی سیریز متعارف کرایا تھا تو ہم نے کافی جستجو کر کے امریکہ سے کور آئی 7 quad-core پروسیسر منگوایا تھا اس میں انٹل کی ہائپر تھریڈنگ ٹکنالوجی شامل ہونے کی وجہ سے ونڈوز کے ٹاسک مینیجر میں 4 کے بجائے 8 cores دِکھائی دیتے ہیں
چند گنے چنے لوگوں میں ہمارا نام بھی ہے جنہوں نے کور آئی 7 کو شروع میں ہی استعمال کیا : )

 

جزاک اللہ خیرا انا بہت مفید تحریر ہے۔

 

ابھی حال ہی میں مجھے یہ بات معلوم ہوئی ہے کہ کور آئی 5 میں ہائپر تھریڈنگ کی سہولت موجود نہیں۔ کور آئی 5 اور آئی 7 میں تقریبا یہی واحد چیز فرق ہے۔ اس کے علاوہ تمام چیزیں ملتی جلتی ہیں، مثلا دونوں میں 4 کورز ہیں، گرافکس سپورٹ، کیش وغیرہ سب ایک جیسے ہی ہیں۔
میں نے معلوم کرنے کی کوشش نہیں کی کہ آئی 5 میں ہائپر تھریڈنگ کیوں نہیں۔ کسی معلوم ہو تو بتائیے۔

 

میرے پاس کور آئی 7 ہے اور بہترین چلتا ہے۔

 

کور آئی 7 کو بہترین چلنے میں بھلا کیا امر مانع ہوسکتا ہے؟
آپ نے شاید اوپر والی پوسٹ غور سے نہیں پڑھی۔ میں نے آئی 5 کی بابت فرمایا تھا کہ اس میں ہائپر تھریڈنگ کا فیچر موجود نہیں۔

 

اس لیے کہ آئی 7 کو خریدنے کی بھی کوئی وجہ ہونی چاہئے تھی : ) ۔ کافی لوگ آئی 5 اس دھوکہ میں خرید لیتے ہیں کہ کیونکہ ہائپر تھریڈنگ پرانی ٹیکنالجی چلی آ رہی ہے تو وہ یہ اپنی طرف سے سمجھ لیتے ہیں کہ آئی 5 میں بھی یہ موجود ہو گی ۔ جبکہ ایسا نہیں ہے ۔ اس لیے کہتے ہیں کہ کوئی بھی چیز خریدنے سے پہلے مکمل تحقیق کر لینی چاہیئے ۔
کیشے اور ایک آدھ چیزوں کا فرق ہو ۔ لیکن آئی 7 اور آئی 5 کا سب سے بڑا فرق ہایپر تھریڈنگ کا ہے ۔ اس کے علاوہ آیک آئی 5 جو ہے وہ ہایپر تھریڈنگ کے ساتھ بھی آتا ہے ۔ مجھے نام یاد نہیں لیکن اسے لوگ آئی 7 ہی کہتے ہیں ۔