خدا کب تلک ظلم ہوتے رہیں گے

خدا کب تلک ظلم ہوتے رہیں گے
عمران پرتاپ گڑھی

خدا کب تلک ظلم ہوتے رہیں گے
بھلا کب تک ظلم ہوتے رہیں گے

یہ معصوم معصوم رشتوں کی لاشیں
لہو تر بتر کچھ فرشتوں کی لاشیں
یونہی ان کے ماں باپ ڈھوتے رہیں گے
خدا کب تلک ظلم ہوتے رہیں گے
خدا کب تلک ظلم ہوتے رہیں گے

ترے نام کا لے کے جھوٹا سہارا
جنہوں نے ہے معصوم بچوں کو مارا
حقیقت میں ایمان والے نہیں ہیں
وہ پاکیزہ قرآن والے نہیں ہیں
ابھی کہہ رہا ہوں آئندہ کہوں گا
درندے ہیں ان کو درندہ کہوں گا
مری قوم کے لوگ سوتے رہیں گے
خدا کب تلک ظلم ہوتے رہیں گے
خدا کب تلک ظلم ہوتے رہیں گے

بہت ظالموں کے بڑھے حوصلے ہیں
ترے دین کو ہی مٹانے چلے ہیں
ہیں اخبار ان کے رسالے ہیں ان کے
وہ گورے ہیں پر دل تو کالے ہیں ان کے
کبھی ہم کو ناحق فسادی بتا کر
کبھی ہم کو آتنک وادی بتا کر
وہ نفرت کے ہی بیج بوتے رہیں گے خدا کب تلک ظلم ہوتے رہیں گے
بھلا کب تلک ظلم ہوتے رہیں گے


یہ ننھی سی آنکھوں میں سپنوں کی لاشیں
ہر اک سمت ہیں میرے اپنوں کی لاشیں
جدھر دیکھتا ہوں لہو ہی لہو ہے
خدارا بتا دے کیوں خاموش تو ہے
یہ عراق و کابل فلسطین والے
یہ مظلوم و بے بس ترے دین والے
یوں اشکوں سے دامن بھگوتے رہیں گے
خدا کب تلک ظلم ہوتے رہیں گے
بھلا کب تلک ظلم ہوتے رہیں گے

https://www.facebook.com/video.php?v=864732803571445

 

ہممم اچھی نظم ہے۔